Home / Shëndeti / Përse njerëzit i hanë thonjtë dhe përse duhet ta ndalni këtë dukuri?

Përse njerëzit i hanë thonjtë dhe përse duhet ta ndalni këtë dukuri?

Ngrënia e thonjve qe një kohë të gjatë konsiderohet si shprehi e keqe dhe formë e varësisë. Pavarësisht pasojave potenciale të shëndetit, mbi 30 për qind e njerëzve e bëjnë këtë gjë.

Ekzistojnë katër arsye kryesore se përse njerëzit i hanë thonjtë:

I bën të ndjehen mirë

Sipas Tracy Foose, profesoreshë e psikologjisë në UCSF School of Medicine, ngrënia e thonjve bën të ndjeheni “të relaksuar”, transmeton Telegrafi.

Për shkak të kënaqësisë së pavetëdijshme që njerëzit e fitojnë nga kjo dukuri, ngrënia e thonjve mund të sjell komfort gjatë situatave stresuese, ose edhe mund t’ju qetësojë gjatë procesit të angazhimit në një detyrë të vështirë.

Jeni perfeksionist

I ndërlidhur me idenë e komfortit, hulumtimi në Journal of Behaviour Therapy and Experimental Psychiatry ka zbuluar se ata që irritohen ose zemërohen shpesh kanë tendenca të qetësohen nga ngrënia e thonjve.

Predispozitat gjenetike

Një shkrim hulumtues ka argumentuar se mund të ekzistojë një lidhje mes onikofagjisë – shprehia e kafshimit të thonjve – dhe historisë familjare.

Në të vërtetë, Shari Lipner, profesoreshë në Weill Cornell Medicine, argumenton se një pjesë e madhe e personave që i hanë thonjtë kanë një anëtarë të familjes që e bën të njëjtën gjë.

Është formë e OCD-së

Kjo është edhe pika e fundit: në vitin 2012 American Psychiatry Association kishte listuar ngrënien e thonjve si formë e OCD-së (bashkë me ‘pickimin’ e lëkurës dhe kapjen e flokëve), transmeton Telegrafi.

Sidoqoftë, vlen të ceket se një pjesë e madhe e psikiatërve nuk pajtohen me këtë vendim.

Përse duhet ta ndalni këtë dukuri?

Kushton shumë…

Ngrënia e thonjve nuk është keq vetëm për dhëmbët dhe nofullën, por edhe mund të rezultojë në qindra apo mijëra euro fatura të dentistit gjatë jetës.

Mund të infektoheni

Duart e njeriut janë ‘marrësit’ e qindra mijërave baktereve çdo orë – vetëm mendoni të gjitha sipërfaqet e ndyra që i prekni përgjatë ditës.

Tani, imagjinoni futjen e gishtave në gojë. Transferimi bakterial mund të shkaktojë infeksione, si në gojë, njashtu edhe në thonj.

Është dukuri e pakëndshme për shoqërinë

Kjo ndoshta është arsyeja kyçe që ju ka sjellë në këtë artikull: E dini që kjo shprehi nuk është aspak atraktive.

Gjithashtu lexo

10 të famshmit që nuk arritën t’i përmbushin standardet e bukurisë në Hollywood (Foto)

Shumë të famshëm duhet t’i përshtaten paraqitjeve të tyre në një kornizë strikte të Hollywoodit …

Leave a Reply

Your email address will not be published. Required fields are marked *