Home / Lajme / Maqedoni / Thaçi: Nuk do të lejojmë shqiptarët në Maqedoni të jetojnë si në Alepo

Thaçi: Nuk do të lejojmë shqiptarët në Maqedoni të jetojnë si në Alepo

Amnisti për të gjitha borxhet e shqiptarëve dhe amnisti për të gjithë shqiptarët të cilët për motive politike janë nëpër burgje. Ky është premtimi i Partisë Demokratike Shqiptare nëse i fiton zgjedhjet e 11 dhjetorit.

Nga tribuna në sheshin e qytetit të Gostivarit, Menduh Thaçi e kërkoi votën në zgjedhjet e ardhshme, duke u zotuar për realizim të kërkesave të shqiptarëve.

Duke folur për integrimet e Maqedonisë, Kreu i PDSH-së tha se integrimet euroatlantike janë prioritet i Partisë Demokratike Shqiptare.

“Për këto 15 vjet, shqiptarët në mënyrë të padrejtë kanë hyrë në borxhe të cilat arrijnë 1,7 miliardë dollarë amerikanë. Shqiptarët në të gjitha institucionet, organet janë me përfaqësi prej pesë për qind, vetëm në burgje janë 96 për qind. Nuk do të lëshojmë, pa marrë parasysh nëse pala tjetër, partitë maqedonase atë e duan ose jo. Nuk do të lejojmë shqiptarët në Maqedoni të jetojnë si në Alepo”, deklaroi lideri i PDSH-së, Menduh Thaçi.

Gjithashtu lexo

Starnawski përsëri zhytet në Matkë

Zhytësi i famshëm speleologjik, Krzysztof Starnawski nga Polonia, së bashku me ekip të zhytësve vendas …

Leave a Reply

Your email address will not be published. Required fields are marked *