Home / Lajme / Botë / Merkel e acaruar në bisedën me Trump-in
Image processed by CodeCarvings Piczard ### FREE Community Edition ### on 2017-01-30 08:43:20Z | http://piczard.com | http://codecarvings.com

Merkel e acaruar në bisedën me Trump-in

Kancelarja gjermane, Angela Merkel, ka kundërshtuar hapur vendimet e Presidentit amerikan për ndalimin e futjes në SHBA të refugjatëve. Ajo ia kujton Trump-it konventat dhe të drejtën humanitare.

Kancelarja është e bindur se “as lufta e domosdoshme kundër terrorizmit nuk e justifikon ndalimin e futjes në një vend të personave nga vende dhe fe të caktuara”, ka bërë me dije zëdhënësi i qeverisë gjermane, Steffen Seibert në Berlin.

Presidenti amerikan, Donald Trump, ka nënshkruar të premten një dekret me të cilin ndalohet për 90 ditë hyrja në SHBA e shtetasve të Sirisë, Iranit, Irakut, Sudanit, Somalisë, Libisë dhe Jemenit.

Ndërsa, hyrja në vend e refugjatëve nga mbarë bota ndalohet për 120 ditë. Për refugjatët nga Siria është vendosur madje një ndalim i futjes në SHBA për një kohë të pacaktuar.

Seibert the se kancelarja Merkel “shpreh keqardhje” për shkak të vendimit të presidentit Donald Trump dhe këtë ia ka thënë presidentit Trump edhe në telefonatën 45-minutëshe të ditës së shtunë.

Konventa e Gjenevës për refugjatë parashikon që vendet të ofrojnë ndihma humanitare për pranimin e refugjatëve të luftës.

“Të gjitha vendet nënshkruese të kësaj konvente janë të obliguara të respektojnë këtë konventë. Kancelarja gjermane ia ka shpjeguar këtë qëndrim presidentit amerikan edhe gjatë telefonatës së ditës së shtunë”, theksoi zëdhënësi i kancelares.

Qeveria gjermane do të “shikojë se cilat janë pasojat e vendimit të presidentit amerikan për personat me dyshtetësi dhe në raste të caktuara do të mbrojë interesat e personave të caktuar para partnerëve amerikanë”.

Pas komenteve të përmbajtura në fillim, edhe kryeministrja britanike Theresa May e ka kundërshtuar vendimin e presidentit Trump. Më parë May është kritikuar në vendin e saj për shkak të pohimit të saj gjatë qëndrimit në Ankara se SHBA e mbanë përgjegjësinë vet për politikën e saj ndaj migrantëve.

Një zëdhënës i kryeministres tha se Britania e Madhe do të reagojë nëse këto dekrete i prekin edhe shtetasit e mbretësisë së bashkuar.

Gjithashtu lexo

Spanja sërish nën frikën e terrorit, parandalohet sulm tjetër, vriten 5 terroristët

Parandalohet një tjetër sulm terrorist në Spanjë, pas atij të Barcelonës ku mbetën të vrarë …

Leave a Reply

Your email address will not be published. Required fields are marked *