Home / Lajme / Rajon / PD: Ndalimi i Haradinajt shqetësues

PD: Ndalimi i Haradinajt shqetësues

PD përmes një deklarate e ka cilësuar si shqetësuese ndalimin e liderit të partisë kosovare AAK, Ramush Haradinaj.

Po sipas PD akoma edhe më tronditës është fakti se ky ndalim është kryer me një fletarresti të vitit 2004 të Sërbisë dhe objekti duket se është aktiviteti i Rramush Haradinajt në luftën për çlirim të Kosovës.

“Si zoti Haradinaj po ashtu dhe drejtues të tjerë të UCK janë ballafaquar me dinjitet dhe janë vlerësuar të pafajshëm nga drejtësia ndërkombëtare në kohë të tjera. As Haradinaj dhe asnjë luftëtar i lirisë së Kosovës nuk i janë trembur e shmangur drejtësisë, madje kanë mirëpritur çdo lloj hetimi për të provuar pastërtinë e luftës për çlirim të Kosovës. Partia Demokratike nderon luftën heroike të popullit të Kosovës dhe drejtuesve të saj për liri e pavarësi”, thuhet më tej në deklaratën e PD.

Ndërsa shpreh besimin se një drejtësi e pavarur europiane nuk mund të mos nderojë gjithashtu heronjtë e një populli në luftën për liri, Partia Demokratike u kërkon autoriteteve franceze të sqarojnë sa më parë këtë situatë, duke theksuar se procedura të tilla burokratike dhe rudimentare përjetohen me shqetësim në hapësirën mbarëshqiptare pasi ato prekin një ndër faqet më krenare të historisë sonë, lirinë dhe pavarësinë e Kosovës.

Gjithashtu lexo

Vdes ish-kryeministri Bajram Rexhepi – (VIDEO)

Ish- kryeministri i Kosovës, Bajram Rexhepi ka ndërruar jetë pas një sëmundje për të cilën …

Leave a Reply

Your email address will not be published. Required fields are marked *