Home / Lajme / Rajon / Haradinaj sot del para Gjykatës franceze

Haradinaj sot del para Gjykatës franceze

Ish-kryeministri i Kosovës, njëherësh lideri i AAK-së Ramush Haradinaj, sot do të dalë para Gjykatës në Francë.

Haradinaj është arrestuar më 4 janar të këtij viti, në bazë të një fletarresti të lëshuar nga Serbia në vitin 2004.

Lajmin për daljen e tij para Gjykatës franceze, e ka bërë të ditur një ditë më parë vetë Haradinaj përmes një shkrimi në Facebook.

Postimi i plotë i Haradinajt:

“Për shkak të interesimit të jashtëzakonshëm të opinionit publik lidhur me ndalimin dhe procedurat ndaj meje në Francë, ju njoftoj se nesër në një seancë gjyqësore, do të bëhet paraqitja e materialit që e ka sajuar Serbia kundër meje, ndërkaq në seancën e javës së ardhshme, shpresoj që përfundimisht të marrë fund kjo farsë gjyqësore e imponuar nga Serbia!

Më lejoni që edhe njëherë t’iu falënderoj për mbështetjen ndaj meje, të manifestuar gjithë këto ditë, si dhe për besimin e palëkundur se gjithçka rreth ndalesës sime, këtë herë ishte politike!”.

Gjithashtu lexo

Tiranë: Vret bashkëshorten e më pas vetëvritet – (VIDEO)

Një telefonatë e mbërritur paraditen e së dielës në numrin e emergjencave 112, ka lajmëruar …

Leave a Reply

Your email address will not be published. Required fields are marked *