Home / Lajme / Botë / Rusia, Turqia dhe Irani diskutuan për armëpushimin në Siri
Image processed by CodeCarvings Piczard ### FREE Community Edition ### on 2017-02-07 09:13:03Z | http://piczard.com | http://codecarvings.com

Rusia, Turqia dhe Irani diskutuan për armëpushimin në Siri

Rusia, Turqia dhe Irani diskutuan të hënën zbatimin e marrëveshjes për armëpushim në Siri dhe u pajtuan që të takohen sërish gjatë këtij muaji.
Asnjë dokument nuk u nënshkrua në rrethin e dytë të bisedimeve në Astana të Kazakistanit, ku përfaqësues të Kombeve të Bashkuara ishin po ashtu të pranishëm.
Por, Ministria e Jashtme e Kazakistanit tha se sesioni ka përfshirë bisedime për zbatimin e armëpushimit, si dhe një propozim nga opozita siriane në lidhje me ndërprerjen e armiqësive.
Në rrethin e parë të bisedimeve, më 23-24 janar, nuk është shënuar përparim drejt një zgjidhjeje politike të konfliktit 6-vjeçar në Siri, por palët janë pajtuar që të krijojnë një mekanizëm, i quajtur Grupi i Përbashkët Operacional, për të monitoruar armëpushimin e brishtë në Siri.
Ky grup përfshin ekspertë nga Rusia, Turqia dhe Irani.
Moska dhe Teherani mbështesin qeverinë e presidentit sirian, Bashar al-Assad, në luftën civile, ndërsa Ankaraja mbështet opozitën.
Rreth 300,000 sirianë janë vrarë në këtë luftë, ndërsa miliona të tjerë janë zhvendosur qysh në vitin 2011.

Gjithashtu lexo

Tërmet i fortë e goditi pjesën jugore të Altlantikut

Një tërmet me intensitet prej 6,7 ballësh sipas shkallës Rihter e goditi sot pjesën jugore …

Leave a Reply

Your email address will not be published. Required fields are marked *