Home / Kryesoret / Mbeturinat, ky  problem i kahmotshëm në Tetovë – (VIDEO)

Mbeturinat, ky  problem i kahmotshëm në Tetovë – (VIDEO)

Kanë kaluar dhjetë vite që kur Tetova ishte ngulfatur nga mbeturinat, pasi që të njejtat ishin grumbulluar afër stacionit hekurudhor në Tetovë.Pothuajse që atëherë e këndej problemi me mbeturinat e përkohëshme shfaqet kohë pas kohe.

Në këtë  drejtim janë edhe shqetësimet e shoqatave joqeveritare të cilët kërkojnë që ky problem të zgjidhjet urgjentisht, transmeton Televizioni Koha.

Kësisoji, nën organizim të Shoqatës Ekologjike “Eco Guerilla “në bashkëpunim me parlamentin studentor të Universitetit të Europës Juglindore në Tetovë është organizuar panel diskutimi  ku nga ekspertë të mjedisit jetësor është diskutuar çështja e mbeturinave dhe deponive pa standard në Tetovë, si dhe si mund të gjendet një zgjidhje më efikase dhe afatgjate për problemin problemin e deponive në rajonine Pollogut dhe më gjërë.

Vesel Qazimi nga shoqata Ekologjike “Eco Guerilla” deklaroi se kjo shoqatë në vazhdimësi kanë kërkuar nga komuna e Tetovës zgjidhjen përfundimtare të këtij problemi, duke ofruar edhe propozime dhe  sygjerime për një zgjidhje afatgjate.

“Deponitë në Pollog janë pa standarde, të njejtat janë pjesë e ndotjes prandaj edhe kemi marrë aktivitete për të gjetur zgjidhje rreth problemit me mbeturinat. Mbeturinat vazhdojnë të jenë të hyrje të Tetovës, nuk është punuar aspak në këtë drejtim dhe të njejtat duhet urgjentisht të largohen, kurse më pas autoritetet duhet të mendojnë dhe zgjidhje tjera për përpunimin e të njejtave sepse në shtetet tjera mbeturinat reciklohen dhe nga ato kanë përfitime, kurse tek jo që nuk përpunohen por edhe e ndotin ajrin. Pas kësja ne do të vazhdojmë me aktivitete për problemet tjera siç janë mungesa e transportit urban, problemi I ngrohjes së qytetarëve, pais që qytetarëët nuk kanë alternative tjera për të shfrytëzuar dhe ngrohen me drunj”, tha Qazimi, transmeton Televizioni Koha.

Në ndërkohe drejtori i ndërmarrjes publike komunale Xhelal Ceka pjesëmarrës në këtë debat tha se nga java e ardhshme do të filloj të ndërtohet faza e parë e stacionit për riciklimin e mbeturinave në Tetovë pasiqë tanimë projekti është tenderuar, kjo sipas tij nënkupton një zgjidhje afatgjate të problemit të mbeturinave në Tetovë, si dhe zvogëlim të shpenzimeve të ndërmarrjes publike komunale Tetova-Tetovë për transportimin e mbeturinave në deponitë “Rusino” dhe Drislla në Shkup.

“Problem në vete ishte bllokada për dërgimin e mbeturinave në Rusino, ndërsa ne paralelisht kemi punuar në dy zgjidhje të kësaj problematike, njëra është zgjidhje afatshkurte dhe tjetra është afatgjate. Tashmë kanë përfunduar të gjitha proceset e tenderimit, është shpall firma fituese dhe javën tjetër do të fillohet me ndërtimin e të ashtuquajturës Halla e mbeturinave, ku me rebalanisn e buxhetin për këtë u ndanë 30 milion denarë, dhe kjo si fazë e parë do të zgjasë diku rreth tre muaj, ndërsa faza e dytë do të jetë sjellja e makinerisë të cilët do të reciklojnë mbeturinat”, tha Ceka, transmeton Televizioni Koha.

Nga kjo ndërmarrje nënvizojnë se me ndërtimin e stacionit për reciklim do të ketë efekte pozitive për vet ndërmarrjen.

“Me këtë do të kemi edhe beneficone si ndërmarrje, pasi që do zvogëlohen të dhënat për transport, pasi që edhe ndërmarrja vite me radhë përballet me këtë problem, ndërsa poashtu fitim do të ketë edhe ndërmarrja nga reciklimi i mbeturinave. Kjo do të sjellë më shumë të hyra pas një kohe të gjatë për ndërmarrjen. Poashtu në këtë drejtim si zgjidhje afatshkurte është vendosja e kontajnierëve ku do të grumbullohen mbeturinat dhe të njejtat të mos dërgohen në Stacionin për Ngarkim Shkarkim në Tetovë”, deklaroi Ceka, transmeton Televizioni Koha.

Në këtë panel diskutim u nënvizua se edhe rajonet tjera në Maqedoni kanë probleme të njejta me deponitë e egra dhe zgjidhja shihet tek ndërtimi i deponive të mëdha rajonale ndërsa krahas kësaj të njejtat do të mund edhe të shfytëzoheshin edhe për qëllime të tjera.

Ndryshe, në rajonin e Pollogut vite më parë dështoi tenderi për ndërtimin e deponisë rajonale që shihej si zgjidhje për të gjitha komunat në këtë rajon. Që atëherë e këndej akoma nuk ka asnjë iniciativë konkrete për ndërtimin e deponisë rajonale. /Tv Koha/

Gjithashtu lexo

Përfaqësimi në ARM, reagon Lëvizja Besa – (FOTO & VIDEO)

Lëvizja BESA reagon ndaj deklarimeve të zëvendës ministrit të Mbrojtjes, Bekim Maksuti i cili shprehu …

Leave a Reply

Your email address will not be published. Required fields are marked *