Home / Lajme / Kronika e zezë / Shpërthim në Tiranë, ka të plagosur

Shpërthim në Tiranë, ka të plagosur

Dy fëmijë kanë mbetur të plagosur mbrëmjen e djeshme në Yrshek të Tiranës, pas një shpërthimi pranë një ish-repartit ushtarak.

Burime nga Policia bëjnë me dije se fëmijët ishin duke luajtur në një shtëpi të braktisur dhe po qëllonin më gurë drejt një objekti, i cili dyshohet se ka qenë predhë ose municion tjetër dhe ka shpërthyer.

Fëmijët ishin rreth 20 metra larg dhe kanë mbetur të dy të plagosur. A.K 16 vjeç dhe E.K 14 vjeç janë transportuar të dy drejt spitalit të Traumës dhe janë jashtë rrezikut për jetën. Të miturit kanë marrë dëmtime në këmbë për shkak të shpërthimit, shkruan Shqiparja.com.

Kanë qenë banorët e Yrshekut të cilët kanë dëgjuar shpërthimin dhe kanë shkuar pranë vendit të ngjarjes ku kanë gjetur dy fëmijët e plagosur.

Dyshimi i Policisë është që të ketë shpërthyer një predhë e vjetër, kjo edhe për shkak se ngjarja ndodhi pranë një ish-reparti ushtarak. Pritet që edhe ekspert të ushtrisë të bëjnë kontrollin e zonës.

Pak ditë më parë një tjetër shpërthim ndodhi në një repart ushtarak në Durrës. Në këtë rast kanë qenë dy punonjës që i vunë flakën barit dhe më pas shpërtheu baruti.

Gjithashtu lexo

Përfaqësimi në ARM, reagon Lëvizja Besa – (FOTO & VIDEO)

Lëvizja BESA reagon ndaj deklarimeve të zëvendës ministrit të Mbrojtjes, Bekim Maksuti i cili shprehu …

Leave a Reply

Your email address will not be published. Required fields are marked *