Home / Lajme / Rajon / Stambolli bëhet me tren në ajër

Stambolli bëhet me tren në ajër

Treni i parë i Stambollit në ajër do të vihet në shërbim në vitin 2019.

Sipas deklaratës së bërë nga Bashkia, në kuadër të projekteve të Kryetarit të Bashkisë së Metropolit të Stambollit, Kadir Topbash”metro për çdo vend, metro në çdo vend” ka përfunduar tenderi i projektit gjigant të transportit të Stambollit.

Metroja në ajër (metro mbitokësore) ose siç është quajtur ndryshe në Turqi “Havaray” planifikohet të fillojë të ndërtohen në muajin prill dhe të vihet në shërbim për banorët e metropolit në muajt e parë të vitit 2019.

Linja planifikohet të shtrihet në një distancë prej 15 kilometrash, të zgjasë 27 minuta dhe të transportojë në një drejtim 15 mijë pasagjerë brenda një ore.

Havaray përfshin lagjet Kyçykçekmexhe-Sefakëj-Bashakshehir (Küçükçekmece-Sefaköy-Başakşehir). Stacioni i fundit do të jetë dalja në Stadiumin Fatih Terim.

Ky projekt gjigant pritet të integrohet edhe me linjat e tjera të metrosë nën tokë të Stambollit.

Gjithashtu lexo

Emigranti shqiptar gjen portofolin me dollarë në New York dhe ia dorëzon të zonjës

Një emigrant nga Dibra e Madhe, i cili jeton në Staten Island, Nju Jork, ka …

Leave a Reply

Your email address will not be published. Required fields are marked *