Home / Lajme / Botë / Filozofi francez: Terroristët duan të fitojë Marine Le Pen në Francë

Filozofi francez: Terroristët duan të fitojë Marine Le Pen në Francë

Filozofi francez Marek Halter, i cili ishte i sigurt se do të ndodhte një sulm terrorist para zgjedhjeve të ardhshme, ka thënë se terroristëve iu leverdis fitorja e lideres së ekstremit të djathtë, Marine Le Pen, në garën presidenciale.

Marek Halter është një nga intelektualët më të mëdhenj francezë sot, dhe ai përgjigjet me një optimizëm të kthjellët, pavarësisht nga një tjetër sulm terrorist i “Shtetit Islamik” kundër Francës, si dhe tronditjes së një vendi, që goditet edhe një herë në zemër, pas masakrës së Bataclanit.

Tre ditë më parë, Halter, filozof hebre dhe shpesh organizator i iniciativave për dialog me Islamin, u intervistua nga televizioni francez Europa 1. Ai tha se ishte i sigurt se do të ndodhte një sulm terrorist, para zgjedhjeve të ardhshme franceze.

Përse ishit kaq i sigurt, Z. Halter?

“Hannah Arendt thoshte: “Për të kuptuar armikun, ju duhet të kuptoni para së gjithash veten”. Kjo fjali më dha çelësin për të kuptuar se çfarë po ndodhte: terroristët duan të fitojnë Marine Le Pen, është e qartë. Udhëheqësja e Frontit Kombëtar është kali i Trojës ideal për ta, për të depërtuar në shoqërinë franceze urrejtjen, intolerancën, racizmin, për të bërë të rritet e djathta ekstreme dhe ekstremizmi në përgjithësi, dhe kështu të bëjë gjithnjë e më shumë të konvertuar. Nesër (sot), Le Pen do të thonë “a jua pata thënë”, do të thotë “e shihni se unë kam qenë dhe mbetem e vetmja që them se terroristët e dyshuar duhet të dëbohen menjëherë”, ashtu si dhe të gjithë myslimanët. Ekstremistët kanë të njëjtat rrënjë dhe ushqehen me njëri-tjetrin”.

Pra, sipas jush, tani Le Pen do të fitojë zgjedhjet?

Jo. Le Pen do të fitojë raundin e parë, si e parashikonin sondazhet, por në balotazh do të bjerë. Sepse brezat e rinj nuk do ta lejojnë, dhe Franca ende nuk është bërë aq raciste sa ta lejojë këtë gjë. Por kujdes, mund të bëhet nëse nuk veprojmë me shpejtësi dhe nuk predikojmë tolerancën, nëse ne të krishterët, hebrenjtë, myslimanët, nuk mbetemi të bashkuar. Rreziku është tek dera. Kjo është arsyeja përse në moshën 81 vjeç vendosa të organizoj një marshim për tolerancë dhe koherencë.

Pse Shteti Islamik e urren Francën?

“Ne jemi një nga armiqtë kryesorë të ISIS, në mos armiku më i keq, sepse ne jemi një vend laik dhe tolerant, sepse ne jemi të vetmit që kemi laicizmin me ligj, sepse ne i kemi mbyllur xhamitë ekstremiste, dhe pastaj ne jemi në luftë me ta në Irak dhe në Siri, për të mos përmendur trupat franceze kundër terroristëve në Mali.

Gjithashtu lexo

Tërmet i fortë e goditi pjesën jugore të Altlantikut

Një tërmet me intensitet prej 6,7 ballësh sipas shkallës Rihter e goditi sot pjesën jugore …

Leave a Reply

Your email address will not be published. Required fields are marked *