Home / Lajme / Botë / Gjermania po kërkon persona që dinë të bëjnë këto punë

Gjermania po kërkon persona që dinë të bëjnë këto punë

Mbi 40 mijë infermierë llogaritet të jetë duke i kërkuar shteti gjerman. Vetëm nga Kosova deri tani janë larguar me qindra të rinj drejt Gjermanisë dhe një numër jashtëzakonisht i madh është i interesuar të marrë rrugë.

Bashkimi Evropian ka ndarë miliona euro për të ndalur migrimin e paligjshëm dhe ku Kosova edhe në mesin e vendeve të prekura nga ky fenomen. Drejtuesit e njërës nga kompanitë që po merret me sigurimin e migrimit legal thonë se brenda një viti nga Kosova drejt Gjermanisë planifikohet të nisen mes 450-500 infermierë, raporton KTV.

Ai ka bërë të ditur se numri i të interesuarve tejkalon 1000 sosh.

Ndërsa, pas pak kohësh do të nisin edhe trajnimin dhe dërgimin në punë në shtetin gjerman të interesuarve edhe nga disa sektorë të tjerë, ku shteti gjerman i ka kërkuar.

Derisa numri i kompanive që po merren me trajnimet dhe dërgimin e të rinjve profesionalë ka shënuar rritje, Ministria e Punës në Kosovë ka arritur ta bëjë funksionale, Agjencinë e Punësimit.

Ministri Arban Abrashi, ka thënë se deri më tani kanë arritur të identifikojnë mbi 14 mijë vende të lira pune, por për mbulimin e tyre do të nisin me trajnimet në fusha të shumta.

Një numër i madh i bizneseve ka kohë që kanë ngritur mungesën e punëtorëve të kualifikuar, pasi për një numër të madh të fushave po u duhet të angazhojnë ekspertë të jashtëm, kostoja e të cilëve është e lartë.

Gjithashtu lexo

Dy terroristë hidhen në erë në Turqi

Dy terroristë nga organizata ekstremiste dhe e ndaluar “Partia maoiste komuniste” u ngritën në erë …

Leave a Reply

Your email address will not be published. Required fields are marked *