Home / Lajme / Rajon / Ngjarje e rëndë në Itali, kosovari dhunon vajzën e tij minorene pasi refuzoi të mbulohej me shami

Ngjarje e rëndë në Itali, kosovari dhunon vajzën e tij minorene pasi refuzoi të mbulohej me shami

Një shtetas kosovar është arrestuar nga policia italiane e qytetit të Sienës, pasi ka dhunuar vajzën e tij minorene. Mësohet se shkak për këtë është bërë refuzimi i saj për t’i mbuluar nga vello islamike.
Denoncimi është bërë nga mikeshat dhe mësuesit e shkollës që frekuentonte vajza e tij 13 vjecare. Vajza kishte në trup shenja të dukshme të një dhune fizike të ushtruar nga babai i saj për shkak se kishte refuzuar të vishte vellon islamike e të ndiqte rregullat e ngurta të vendosura në familje. Vajzës i imponohej një jetë e izoluar e mosfrekuentimi me bashkëmoshatarët e saj.
13 vjecarja ishte rrahur aq dhunshëm sa kishte vështirësi në ecje. Mësuesit e shokët e shkollës e kishin shoqëruar në spital ku mjekët kanë konstatuar dhunën e më pas kanë informuar forcat e rendit.
Babai 38 vjecarë kosovar është arrestuar, ndërsa vajza e tij është hequr nga familja dhe ndodhet në një strukturë të specializuar për mbrojtjen e minorenëve.
Policia e Sienës po heton nëse është episodi i parë i dhunës së ushtruar nga kosovari ndaj vajzës së tij apo ka ndodhur dhe më parë.
Informacione mediatike flasin se familja kosovare jeton prej disa vitesh në Itali e se vetëm prej disa muajsh 38 vjecari kosovar ka përqafuar në mënyrë kaq fanatike besimin mysliman.

Gjithashtu lexo

Emigranti shqiptar gjen portofolin me dollarë në New York dhe ia dorëzon të zonjës

Një emigrant nga Dibra e Madhe, i cili jeton në Staten Island, Nju Jork, ka …

Leave a Reply

Your email address will not be published. Required fields are marked *