Home / Lajme / Maqedoni / Partitë shqiptare: Ivanovi shpif për ta mbrojtur Gruevskin (VIDEO)

Partitë shqiptare: Ivanovi shpif për ta mbrojtur Gruevskin (VIDEO)

Deklarata e presidentit maqedonas Gjorge Ivanov për të përditshmen austriake “Wiener Zeitung”, sipas partive shqiptare është nxitëse dhe nuk kontribuon për marrëdhëniet ndëretnike, raporton Alsat-M.

BDI-ja përgënjeshtroi Ivanovin i cili tha se një bisedë telefonike ka qenë shkaktari i mosvazhdimit të qeverisjes VMRO–BDI.

Siç transnmeton Gazeta Express, deklarata e Ivanovit për telefonatën e supozuar, sipas zëdhënësit të BDI-së Bujar Osmani, është shpifje e presidentit i cili është në mbrojtje të partisë së Gruevskit.

“Fillimisht i hedhim poshtë këto pretendime, këto janë shpifje. Asnjë faktor nga jashtë nuk ka ndikuar në vendimin e BDI-së, ky vendim ka qenë konsensual dhe i brendshëm i BDI-së, në momentin kur kemi konstatuar se koalicionimi me VMRO-në nuk i plotëson pritshmërinë tonë për një koalicion në këtë konstalacion. Ashtu që edhe njëherë do ti hedh poshtë këto shpifje që përdoren në luftën ditore politike edhe nga Ivanovi. Ne mendojmë se partitë politike duhet të reflektojnë, të mbahen në marrëveshjen e nënshkruar në Shkup, të a.q. të Përzhinos, të respektohet dhe të dalim nga kriza sa më shpejtë në interes të qytetarëve” deklaroi Osmani.

Edhe nga Lëvizja Besa intervistën e Ivanovit për të përditshmen austriake “Wiener Zeitung” e vlerësuan si nxitëse që nuk reflekton pozitivisht në marrëdhëniet mes shqiptarëve dhe maqedonasve. Ndërsa për telefonatën e supozuar, Ibrahimi tha se nuk është për t’u habitur nëse ndodh edhe një telefonatë tjetër e cila do të vazhdonte qeverisjen mes BDI-së dhe VMRO-DPMNE-së.

“Për fat të keq Ivanovi nuk e luan rolin e tij si kryetar i të gjithë qytetarëve të Maqedonisë, por akoma e luan rolin si një militant i VMRO – DPMNE-së. Një moment i rëndësishëm ishte edhe deklarimi i tij për prishjen e koalicionit VMRO – BDI. Ai e shprehu një të vërtetë të gjithë ne e kemi ditur por askush nuk e ka shprehur në mënyrë eksplicite. Ai tha se ata veç ishin marrë vesh për të bashkëpunuar për një qeveri të ardhshme, dhe se ka ndodhur një telefonatë që ka prishur këtë bashkëpunim. Kjo me fjalor tjetër i bie të themi se ata akoma e vazhdojnë lidhjen e tyre dashurore dhe mund të presim një telefonatë tjetër e cila mund ti bashkojë ata përsëri – deklaroi Ibrahimi.

Nga Aleanca për Shqiptarët vendosën të mos e komentojnë paraqitjen e fundit të kreut të shtetit . Sipas Aleancës, deklaratat e Ivanovit nuk janë kredibile dhe në çdo paraqitje të tij ai më tepër përkeqëson situatën politike në Maqedoni.

“Deklaratat e të a.q. President nuk janë kredibile dhe nuk shkojnë në favor të zgjidhjes së krizës politike…Fatkeqësisht, çdo paraqitje e tij është në shërbim të përkeqësimit të situatës”, thonë nga Aleanca për Shqiptarët.

Ivanovi nuk e përjashtoi as mundësinë e arrestimit të liderit opozitar lidhur me sigurimin e bisedave të përgjuara telefonike, ndërsa kritikoi edhe qëndrimin e bashkësisë ndërkombëtare për mosdënimin e “Deklaratës së Tiranës” të partive shqiptare të Maqedonisë.

Gjithashtu lexo

Lumi në Poroj të Tetovës ende mbetet pezull, banorët bllokojnë rrugën Tetovë-Jazhincë

Banorët e fshatit Poroj, sot (18 gusht), prej ora 14:00 e kanë bllokuar rrugën rajonale …

Leave a Reply

Your email address will not be published. Required fields are marked *