Home / Lajme / Botë / Policia konfiskon 1.25 ton kokainë

Policia konfiskon 1.25 ton kokainë

Policia konfiskoi sot në brigjet e Belgjikës 1,25 ton kokainë me vlerë tregu rreth 60 milionë euro, njoftoi sot Prokuroria e Bruzhit.

«Droga ishte ndarë në 25 pako që përmbanin secila 50 kilogramë kokainë, të hedhura në ujërat territoriale belge », saktësoi Prokuroria, cituar nga agjencia e lajmeve «Belga».

«Autoritetet nuk kanë identifikuar anijen që ka lëshuar në det të hapur sasinë e pakove që mendohet se do të mblidheshin me anije të vogla », sipas së njëjtit burim.

Asnjë person i dyshuar nuk është arrestuar në këtë fazë të hetimit ndërsa sasia e drogës është shkatërruar, sipas Prokurorisë, përcjell Atsh.

Ishte ekuipazhi i një anije daneze që pikasi të dielën pasdite pako të dyshimta që pluskonin në det duke njoftuar menjëherë autoritetet. Prokuroria konstatoi se vlera e rishitjes së kësaj sasie droge në Belgjikë varion rreth shifrës 60 millionë euro.

Sponsored by Revcontent
MOS I HUMBISNI

Gjithashtu lexo

Tërmet i fortë e goditi pjesën jugore të Altlantikut

Një tërmet me intensitet prej 6,7 ballësh sipas shkallës Rihter e goditi sot pjesën jugore …

Leave a Reply

Your email address will not be published. Required fields are marked *