Home / Lajme / Kronika e zezë / Prokuroria: Të konfiskohet pasuria e Mark Frrokut

Prokuroria: Të konfiskohet pasuria e Mark Frrokut

Tre ditë pasi gjykata e Tiranës e dënoi me 7 vite e 6 muaj burg Prokuroria e Krimeve të Rënda kërkon konfiskimin e pasurisë së ish-deputetit Mark Frroku.

Këtë të hënë, në gjykatë është dorëzuar kërkesa pë  konfiskimin e disa pasurive të paluajtshme.

Konkretisht 7 apartamente, 3 prej tyre në Shëngjin, 2 në Orikum dhe 2 në Tiranë. Gjithashtu kërkohet kthimi në favor të shtetit i dy dyqaneve në Tiranë, dy bodrumeve në Shëngjin si dhe 6000 metra katrorë tokë në Lezhë.

Sipas hetuesve ish-deputeti nuk i justifikon këto pasuri dhe në bazë të ligjit duhet t’i konfiskohen.

Në kërkesën prokuroria argumenton se Mark Frroku rezulton të ketë qenë i dënuar në fillim te viteve 2000 me tre vite burg në Holande për trafik droge. Gjykata pati vendosur sekuestro ndaj këtyre pasurive në korrik të vitit të kaluar.

Gjatë kësaj kohe ish-deputeti nuk arriti të paraqesë prova të cilat bënin të mundur justifikimin e kësaj pasurie. Për këtë arsye prokuroria në bazë të ligjit antimafia kërkoi që këto pasuri t’i kalojnë shtetit.

Gjithashtu lexo

Shpërthimi në një shtëpi në Barcelonë la një të vdekur – policia thotë se ka lidhje me sulmin me furgon!

Një shpërthim ka ndodhur të mërkurën në një shtëpi në Kataloni, si pasojë e të …

Leave a Reply

Your email address will not be published. Required fields are marked *