Home / Lajme / Botë / Rrëfimi i dëshimtarëve për tmerrin e përjetuar në Stokholm

Rrëfimi i dëshimtarëve për tmerrin e përjetuar në Stokholm

Dëshmitarët që panë nga afër sulmin në Stokholm, kanë rrëfyer për tmerrin e përjetuar.

Jan Granoth, ka thënë se përderisa po qëndronte në një dyqan përnjëherë ka dëgjuar zërat e njerëzve të frikësuar.

“Isha brenda në një dyqan këpucësh dhe dëgjova diçka. U ktheva me pamje nga jashtë dhe pashë kamionin e madh që kishte shtypur disa persona”, ka thënë ai.

Një dëshmitare tjetër, Anna përshkruan se si iknin njerëzit që të mos goditeshin nga automjeti.

“Pashë qindra njerëz duke vrapuar për ta shpëtuar jetën e tyre. Ishte e tmerrshem”, tha ajo,transmeton lajmi.net

“Ne ishim 100 apo 200 metra larg duke ngrënë drek, kur pamë disa makina të emergjencës radhazi që vinin aty afër. Dola nga lokali dhe e pashë kamionin, dhe një trup të pajetë afër tij. Ishte e mbuluar me një batanije”, ka thënë një gazetar për The Sun.

“Ka pasur policë të armatosur që bërtisnin në gjuhën suedeze. Ka pasur turma të njerëzve që vraponin e që disa as nuk e dinin se çfarë po ndodhte. Kishte shumë policë dhe sirena të automjeteve të ndihmës së shpejtë”, rrëfen një dëshmitar.

Nga sulmi deri më tani dihet për pesë të vdekur, dhe 8 persona tjerë të lënduar.

Gjithashtu lexo

Dy terroristë hidhen në erë në Turqi

Dy terroristë nga organizata ekstremiste dhe e ndaluar “Partia maoiste komuniste” u ngritën në erë …

Leave a Reply

Your email address will not be published. Required fields are marked *