Home / Lajme / Botë / Brexit, rritet numri i britanikëve kundër daljes nga BE

Brexit, rritet numri i britanikëve kundër daljes nga BE

Numri i votuesve britanikë që mendojnë se Brexit ishte një gabim kapërcen sot ata që këmbëngulin për të kundërtën.

Një sondazh i “Times” tregon se 45 për qind e britanikëve e pranojnë që largimi i vendit nga Bashkimi Europian ishte zgjedhje e gabuar, 43% thonë se ishte e drejtë, ndërsa 12% u përgjigjen: nuk e di, transmeton Klan Kosova.

Kjo është hera e parë që rezultojnë më të shumtë britanikët të cilët konsiderojnë se referendumi nuk doli në përfundimin e duhur, ndërsa çështja e Brexit vazhdon ta përçajë thellësisht vendin.

Ditë më parë, Parlamenti britanik votoi me shumicë dërrmuese për të mbështetur kryeministren Theresa May, e cila kërkoi mbajtjen e zgjedhjeve të përgjithshme të parakohshme më 8 qershor, tre vjet para afatit.

May e bëri këtë kërkesë me shpresën që të zbusë në këtë mënyrë largimin nga BE-ja. Procesi dyvjeçar i negociatave filloi muajin e kaluar, kur May aktivizoi nenin 50 të Traktatit të Lisbonës të Bashkimit Europian.

Gjithashtu lexo

Tërmet i fortë e goditi pjesën jugore të Altlantikut

Një tërmet me intensitet prej 6,7 ballësh sipas shkallës Rihter e goditi sot pjesën jugore …

Leave a Reply

Your email address will not be published. Required fields are marked *