Home / Lajme / Botë / Estonia dëbon dy diplomatë rusë

Estonia dëbon dy diplomatë rusë

Autoritetet estoneze kanë dëbuar dy diplomatë rusë nga Estonia, por nuk dhanë arsyet e marrjes së këtij vendimi në kohën kur marrëdhëniet ndërmjet dy shteteve janë të tensionuara.

 

Sipas agjencisë së medias BNS, bëhet fjalë për Dmitri Kazennov, konsull i përgjithshëm në Narva dhe konsullit Andrei Sougaiev.

“Konfirmojmë se Estonia ka dëbuar dy diplomatë rusë. Nuk do të japim sqarime për këtë çështje”, ka thënë Sandra Kamilova, zëdhënëse e Ministrisë së Jashtme e Estonisë.

Vendimi për dëbimin e diplomatëve rusë ka shkaktuar reagimin e Moskës zyrtare, e cila një hap të tillë të Talinit zyrtar e ka parë si provokues dhe arbitrar, duke premtuar një përgjigje të përshtatshme nga ana e Rusisë.

“Duket sikur dikush ka dashur të përkeqësojë më tej situatën në kufirin me Rusinë dhe vënë theksin tek miti i një kërcënimi rus”, thuhet në reagimin e Ministrisë së Jashtme ruse.

Gjithashtu lexo

Spanja sërish nën frikën e terrorit, parandalohet sulm tjetër, vriten 5 terroristët

Parandalohet një tjetër sulm terrorist në Spanjë, pas atij të Barcelonës ku mbetën të vrarë …

Leave a Reply

Your email address will not be published. Required fields are marked *