Home / Kryesoret / Gjobitet me 500 euro sepse gjuajti me armë në dasmë

Gjobitet me 500 euro sepse gjuajti me armë në dasmë

Muhamet Makovci është dënuar me gjobë në vlerë prej 500 eurosh për veprën penale – armëmbajtje pa leje.

Menjëherë pas leximit të aktakuzës nga prokurori Hivzi Bajraktari, i akuzuari Muhamet Makovci u deklarua rreth fajësisë. Me këtë rast, ai e pranoi fajësinë për veprën penale për të cilën akuzohej.

“Atë ditë ne kemi pasë dasmë, është martuar djali i axhës. Kam gabuar, kam qenë më i ri”, tha i akuzuari.

Ai po ashtu i premtoi Gjykatës Themelore të Prishtinës që në të ardhmen nuk do ta përsërisë më të njëjtën vepër apo ndonjë të ngjashme.

Sipas aktakuzës, Muhamet Makovci akuzohej se prej kohës së pavërtetuar e deri në mars të vitit 2012 ka përdorur armën pa autorizim, ashtu që gjatë kontrollit të shtëpisë së tij nga ana e pjesëtarëve të Policisë i është gjetur dhe konfiskuar një revole, një karikator i zbrazët dhe shtatë gëzhoja për të cilat nuk kishte pasur leje nga organi kompetent.

Me këtë veprim ai ka kryer veprën penale mbajtja në pronësi, posedim, kontroll apo shfrytëzim të paautorizuar të armëve.

Gjithashtu lexo

Bashkimi emocional pas 3 vjetësh, i fëmijës së rrëmbyer nga ISIS, me familjen e tij (Video)

Një djalë 12-vjeçar jazidi është bashkuar me nënën e tij në Kanada tre vjet pasi …

Leave a Reply

Your email address will not be published. Required fields are marked *