Home / Lajme / Maqedoni / Memeti: MPB-ja është institucion i kapur nga politika

Memeti: MPB-ja është institucion i kapur nga politika

Mos transparenca, funksionimi jo i mirë i Ministrisë së Punëve të Brendshme, si dhe partizimi i plotë i këtij institucioni, ka ndikuar në shkaktimin e incidentit në Kuvendin e Maqedonisë që ndodhi javën e kaluar. Avokati i popullit, Ixhet Memeti për TV21 thotë se kjo ka ndikuar në guximin e protestuesve që të hyjnë në Kuvend duke mos u penguar nga forcat e policisë.

“Ngritëm shqetësimin tonë si institucion, se Ministria e Punëve të Brendshme ka kohë që paraqet problem serioz në Maqedoni. Kur e them këtë e kam parasysh se vite me radhë institucioni i avokatit të popullit ngreh shqetësimin e tij për punën e MPB-së jo profesionale, jo komform standardeve shkojmë edhe më tej me konstatime tona se ai resor ka vite se në vend që të jetë servis i qytetarëve ajo është shndërruar në servis të një partie politike”, u shpreh Ixhet Memeti.

Ministri i Punëve të Brendshme Agim Nuhiu për zbardhjen e punës së policisë ka formuar grup punues, përkatësisht për të vërtetuar se nëse shtabi operativ dhe njësiti organizativ në MPB kanë vepruar në bazë të procedurave, a i kanë tejkaluar kompetencat dhe nëse nuk i kanë kryer detyrimet më 27 prill.

Gjithashtu lexo

Shkarkohet Zvërlevski, me 64 vota për dhe asnjë kundër

Kuvendi i Maqedonisë, pas debateve disajavëshe maratonike të deputetëve VMRO-DPMNE-së, e shkarkoi kryeprokurorin publik Marko …

Leave a Reply

Your email address will not be published. Required fields are marked *