Home / Lajme / Botë / Ndalohen telefonat celularë në kantierët zviceranë të ndërtimit

Ndalohen telefonat celularë në kantierët zviceranë të ndërtimit

Nuk do të lejohen telefonat celularë në shumë vende ndërtimi në Zvicër. Rregullat e reja do të zbatohen këtë verë.

“Shumë prej tyre kanë vendosur të mbledhin telefonat celularë dhe smartfonët në fillim të punës së tyre”, thotë Matthias Engel, zëdhënës i Shoqatës së Arkitektëve Zviceranë, për “Schweiz am Wochenende”. Të prekur nga masat janë vetëm praktikantët e ndërtimit. Më shumë të rinjtë u përgjigjen mesazheve SMS dhe në Whatsapp-ët gjatë orarit të punës, shpjegon Engel.

Ndalimi i telefonave celularë zbatohet, për shembull, në Implenia, në kantierët e ndërtimit. “Është e rëndësishme për Impleninë që punonjësit të përqendrohen në punën e tyre, veçanërisht në vendin e ndërtimit, ku mund të bëhet i rrezikshëm në rast të pakujdesisë”, tha zëdhënësi Reto Aregger, përcjell albinfo.ch.

Aspekti i sigurisë mund të shihet edhe në kompaninë zvicerane të sigurimit nga aksidentet “Suva”. Kërkesa për një ndalim të plotë të telefonave mobilë në kantierët e ndërtimit nuk është bërë ende si kërkesë e veçantë. Disa kompani ndërtimi lejojnë vetëm telefonat gjatë pushimeve. «Për specialistët tanë të sigurisë, kjo është një zgjidhje e mirë dhe e pranueshme për të gjithë”.

Ndalimi i telefonave mobilë është i ligjshëm, sipas Ligjit zviceran të punës. Megjithatë, në raste urgjente, një punëtor mund të insistojë në përdorimin e telefonit të tij celular në vendin e punës.

Gjithashtu lexo

Momenti kur personi i armatosur tenton ta rrëmbej çiftin, por ata e lënë me “gishta në gojë” duke u larguar nga vendi i ngarjes (Video)

Një burrë i armatosur i cili tenton të rrëmbej një çift që ishin brenda veturës …

Leave a Reply

Your email address will not be published. Required fields are marked *