Home / Lajme / Maqedoni / Udhëheqësi i aksionit në “Lagjen e Trimave”, në burg në Greqi, kërkon mosekstradimin e tij në Maqedoni

Udhëheqësi i aksionit në “Lagjen e Trimave”, në burg në Greqi, kërkon mosekstradimin e tij në Maqedoni

Ish-shefi i njësisë antiterroriste të MPB-së në Maqedoni, Dejan Vuçkoviq, i cili po vuan burg në Greqi, kërkon që të mos ekstradohet në Maqedoni, për shkak të rrezikut të tij, duke qenë se në ngjarjet e 9 dhe 10 majit në Lagjen e Trimave në Kumanovë ishte udhëheqës i operacionit policor.

Ai në shkurt të këtij viti u arrestua në Greqi, pasi që ndaj tij ishte shpallur fletarrest ndërkombëtar, pas arratisjes së tij nga paraburgimi shtatorin e kaluar. Ai fillimisht ishte arrestuar në Shkup me akuzën për trafikim me armë dhe lëndë narkotike, pasi që në makinën e tij ishte gjetur granatë dhe më shumë se 800 gram kanabis.

Vuçkoviq ka kërkuar azil politik dhe ka bërë ankesë kundër ekstradimit në Maqedoni. Në letrën e tij ai ka shkruar se nëse do të kthehej në Maqedoni, ai do të përballet me tortura dhe deri në vdekje. Sipas mediave greke, ekstradimi i tij ka të bëjë me luftimet e 9 dhe 10 majit të 2015 në Kumanovë, ku ai po e udhëhiqte aksionin. Ai ka thënë se struktura të caktuara në Maqedoni e piketojnë ate si përgjegjës për vrasjen e luftëtarëve të UÇK-së në Kumanovë.

Gjithashtu lexo

Lumi në Poroj të Tetovës ende mbetet pezull, banorët bllokojnë rrugën Tetovë-Jazhincë

Banorët e fshatit Poroj, sot (18 gusht), prej ora 14:00 e kanë bllokuar rrugën rajonale …

Leave a Reply

Your email address will not be published. Required fields are marked *