Home / Kryesoret / Ekskluzive: PAN siguron numrat për formimin e Qeverisë

Ekskluzive: PAN siguron numrat për formimin e Qeverisë

Tashmë koalicioni parazgjedhor PAN ka arritur të sigurojë votat për ndërtimin e Qeverisë së re. Burime të Express kanë treguar se kanë siguruar numrat e nevojshëm për të votuar Ramush Haradinajn për Kryeministër.

PDK-AAK-NISMA kanë siguruar votat e mjaftueshme për të formuar Qeverinë menjëherë pasi të certifikohen zgjedhjet dhe të nxirret dekreti nga Presidenti për dekretimin e mandatarit.

Burime të Express kanë treguar se Haradinaj bashkë me Veselin e Limajn kanë arritur t’i sigurojnë votat e mjaftueshme të deputetëve për të ndërtuar institucionet e reja. Po presin vetëm certifikimin e zgjedhjeve për të zyrtarizuar të gjitha detajet.

“Numrat janë siguruar”, ka thënë një zyrtar i koalicionit PAN pa përmendur nëse mbështetësit e Haradinajt janë nga koalicionit LAA apo Vetëvendosje.

Në zgjedhjet e fundit koalicioni PAN arriti t’i fitojë 39 deputetë derisa Vetëvendosje doli e dyta me 31 deputetë. Ndërkohë, koalicioni LDK-AKR-Alternativa ka fituar 30 mandate në Parlamentin e ardhshëm.

Bazuar në rezultatet preliminare AAK ka siguruar 10 vende në Parlament, NISMA tetë, ndërsa PDK vetëm 21 apo 16 më pak se në zgjedhjet e fundit.

Ndërkohë, pakicat, përfshirë serbët, boshnjakët, goranët, ashkalinjtë, turqit, kanë 20 vende në Parlament.

Gjithashtu lexo

Bashkimi emocional pas 3 vjetësh, i fëmijës së rrëmbyer nga ISIS, me familjen e tij (Video)

Një djalë 12-vjeçar jazidi është bashkuar me nënën e tij në Kanada tre vjet pasi …

Leave a Reply

Your email address will not be published. Required fields are marked *