Home / Lajme / Kronika e zezë / Itali, dy shqiptarë kapen me 2 ton kanabis që po e fusnin në një vilë

Itali, dy shqiptarë kapen me 2 ton kanabis që po e fusnin në një vilë

Një sasi prej rreth dy ton drogë është sekuestruar nga policia italiane në Montenero di Bisaccia, ndërsa në pranga kanë përfunduar dy shqiptarë.

Sekuestrimi i lëndës narkotike u bë gjatë ditës së sotme (13 qershor), ndërsa shqiptarët e arrestuar janë të moshës 27 dhe 24 vjeç.

Sipas “Ansa”, shqiptarët përfunduan në pranga teksa po shkarkonin një furgon me lëndën narkotike pranë një vile në fushën e Montenero di Bisaccia.

Marijuana ishte e ndarë në disa pako të mëdha.

Policia ka sekuestruar edhe një armë, ndoshta e prodhuar në Ballkan. Vlera e drogës sipas mediave lokale italiane është rreth 500 mijë euro dhe ngarkesa ishte e destinuar për në sheshet e Molises.

Lënda narkotike ka ardhur nga Adriatiku dhe një fakt për këtë është mënyra se si është mbështjellë kanabisi, por hetimet për rastin po vijojnë për të zbardhur ngjarjen.

Dy të dyshuarit janë çuar në stacionin e policisë në Termoli dhe më pas u dërguan në burgun e Termolit.

Droga e sekuestruar

/Ora News.tv/

Gjithashtu lexo

Kontrollohen lokalet e zhurmshme në Tetovë – (VIDEO)

Të dielën  rreth orës 1.00 pjestarë të policisë nga Sektori për Punë të Brendëshme në …

Leave a Reply

Your email address will not be published. Required fields are marked *