Home / Lajme / Botë / Itali – Roma memorandum kundër emigrantëve: Stop fluksit në kryeqytet

Itali – Roma memorandum kundër emigrantëve: Stop fluksit në kryeqytet

Kryetarja e Bashkisë së Romës Virginia Raggi, i ka dërguar një letër Ministrisë së Brendshme italiane e Prefektit të Romës ku kërkon një memorandium për të ndaluar fluksin e emigrantëve në kryeqytet.

“Duke parë praninë e madhe të emigrantëve dhe fluksin e vazhdueshëm të tyre në territorin e komunës, i kërkoj Ministrisë së Brendshme një memoradium për të bllokuar mbërritjet e tyre në Romë” shkruan në letrën e saj kryebashkiakia e kryeqytetit italian.

“E gjej të pamundur përvecse të rrezikshme hipotezën e ngritjes së strukturave të reja të mikpritjes së emigrantëve në Romë, me një ndikim të madhe dhe në qëndrueshmërinë numerike të komunës”, thuhet në letër.

Virginia Raggi i kërkon Ministrisë së Brendshme e Prefekturës së Romës që të marrin në konsideratë presionin e madh migrues në të cilin ndodhet Roma në vendimet e tyre për ngritjen e strukturave të reja të strehimit të emigrantëve.

Administrata e komunës së Romës, shkruan numri 1 i kryeqytetit italian, shpreson se vlerësimet e institucioneve përkatëse për ngritjen e strukturave të reja për emigrantët në territorin italian të marrin parasysh presionin e dukshëm migrator në të cilën është nënshtruar Roma me pasoja të mundshme shkatërruese në shpenzimet sociale.”

Përgjatë vitit 2017 Italia është përfshirë nga një fluks i madh emigrantësh i cili ka prekur vecanërisht dhe rajonin e Lacios, në të cilin bën pjesë dhe kryeqyteti Romë. Aktualisht në Romë gjënden rreth 100 struktura strehimi emigrantësh e rreth 100 të tjera gjënden në provincën e Lacios.

Sipas vendimit të marrë nga qeveria italiane cdo rajon do të marrë në dorëzim një numër të caktuar emigrantësh të mbërritur në Itali e të përcaktuar sipas kuotave të vendosura nga Fondi Kombëtar i Politikave Sociale.

Sipas këtyre kuotave brenda dhjetorit të 2017 qyteti i Romës do të mirëpres rreth 17 mijë emigrantë që do t’i shtohen 9 mijë të tjerëve që strehohen aktualisht në këtë territor.

Plani i ardhshëm i Ministrisë së Brendshme italiane parashikon ngritjen  brenda këtij viti të strukturave të reja për strehimin në mënyrë dinjitoze të emigrantëve në Romë.

Letra e nënshkruar nga kryetarja e Bashkisë së kryeqytetit italian kërkon pikërisht ndalimin e ngritjes së këture strukturave dhe mbërritjen në Romë të emigrantëve të rinj të shpërndarë sipas kuotave të përcaktuara në nivel nacional për cdo rajon.

Gjithashtu lexo

Sulmi në Barcelonë, shqiptarja filmon ndalimin e të dyshuarit: Shpëtova për 50 sekonda

Një shqiptare, punonjëse e një dyqani në vendngjarje ka filmuar dhe dëshmuar të gjithë ngjarjen …

Leave a Reply

Your email address will not be published. Required fields are marked *