Home / Lajme / Rajon / Policia konfirmon nisjen e hetimeve për lajmet e rrejshme

Policia konfirmon nisjen e hetimeve për lajmet e rrejshme

Gjatë fushatës zgjedhore nëpër rrjete sociale janë shpërndarë lajme të rrejshme dhe linçuese për parti të caktuara. Zyrtarë të LDK-së, si dhe vetë kandidati për kryeministër nga ky subjekt politik, Avdullah Hoti, ka bërë thirrje që kjo fushate linçuese të hetohet nga organet e drejtësisë. Policia me anë të raportit 24 orësh ka njoftuar se tashmë kanë nisur hetimet për këto lajme që janë shpërndarë gjatë fushatës zgjedhore në Kosovë.

“Rasti është duke u trajtuar dhe duke u hetuar nga njesitë relevante policore”, ka konfirmuar policia, raporton Express.

Siç njofton policia, Gazeta Kosova Sot ka paraqitur në polici rastin e lajmeve të rrejshme me llogon e kësaj gazete.

“Prishtinë 29.05.2017-NN.  Me 09.06.2017 ankuesja femër K/Shqiptare, ka raportuar se person-a të panjohur kanë vjedhur emrin dhe llogon e Gazetës Kosova Sot  dhe janë duke shpërndarë lajme të rrejshme në disa vebfaqe. Po ashtu rasti është duke u trajtuar dhe duke u hetuar nga njësite relevante policore”, thuhet në raportin e policisë, transmeton Express.

Në raportin e policisë thuhet se edhe dikush tjetër ka kërkuar që lajmet e rreme të thirrura në emër të një portali tjetër të hetohen nga policia.

“Prishtinë 08.06.2017-21:30. Me 09.06.2017 ankuesi mashkull K/Shqiptar, ka raportuar se person-a të panjohur në mënyrë të rrejshme duke u thirrur në emër të portalit, kanë publikuar lajme lidhur me aktivitetet politike-zgjedhore. Rasti është duke u trajtuar dhe duke u hetuar nga njesite relevante policore”- thuhet në raportin e policisë.

Ndërsa LDK-ja, lajmin e rremë se kinse  Avdullah Hoti është takur me  kryetarin e PDK-së, e ka cilësuar të qëllimshëm për t’ia dëmtuar imazhin Hotit një ditë para zgjedhjeve.

Gjithashtu lexo

Vdes ish-kryeministri Bajram Rexhepi – (VIDEO)

Ish- kryeministri i Kosovës, Bajram Rexhepi ka ndërruar jetë pas një sëmundje për të cilën …

Leave a Reply

Your email address will not be published. Required fields are marked *