Home / Kryesoret / Vritet Lavdrim Muhaxheri kasapi i Ballkanit – (VIDEO)

Vritet Lavdrim Muhaxheri kasapi i Ballkanit – (VIDEO)

Lavdrim Muhaxheri, lideri i luftëtarëve shqiptarë të bashkuar me grupin e dhunshëm xhihadist Shteti Islamik, është vrarë gjatë një sulmi me dronë të forcave amerikane në Siri.

Lajmin e konfirmoi edhe vëllai i tij, Bajrami, përmes një statusi në rrjetin social Facebook. Njeriu që mori nofkën “Kasapi i Ballkanit” ishte kthyer në shqetësim për Perëndimin e konsiderohej i kërkuari numër një për rajonin. Muhaxheri, i njohur edhe si Abu Abdullah al-Kosova, shihej prej kohësh si njëri prej drejtuesve të ISIS-it pas ngjitjes së shpejtë në krye të Brigadës Ballkanike të xhihadistëve.

Shërbimet sekrete italiane raportonin vitin e kaluar se ai ishte rikthyer në Kosovë në muajin nëntor e kishte kaluar përmes Maqedonisë, duke vënë në lëvizje krerët e shërbimeve sekrete të dy këtyre vendeve dhe Shqipërisë. Muhaxheri kishte lëshuar disa herë kërcënime ndaj Kosovës e Shqipërisë. Emri i tij u lidh edhe me thirrjet për dhunë gjatë ndeshjes ndërkombëtare Shqipëri-Izrael, që do të luhej në Shkodër.

19 personat e arrestuar asokohe nën dyshimin se po planifikonin goditje, qenë koordinuar pikërisht nga Muhaxheri dhe Ridvan Haqifi, gjithashtu ish-pjesëtar i ISIS-it, i vrarë shkurtin e këtij viti. Dronët amerikanë raportohet t’i kenë marrë jetën në sulmin e fundit edhe vëllait të tij, Bilall Haqifit.

Ai është vrarë në Lindjen e Mesme, por që nuk dihet saktë se në cilin vend.Axha i Muhaxherit ka thwnw se a jeni të lumtur të gjithë tash”, ka thënë ai duke konfirmuar vdekjen e nipit të tij –  të njohur si “Kasapi i Ballkanit”.

Lavdrim Muhaxheri pushtoi titujt e gazetave botërore korrikun e vitit 2014, kur hodhi në Facebook fotot e tij duke i prerë kokën një të mituri. Shtatorin e po atij viti, Departamenti Amerikan i Shtetit e shtoi në listën e vet të terroristëve globalë.

 

 

 

 

Gjithashtu lexo

Përfaqësimi në ARM, reagon Lëvizja Besa – (FOTO & VIDEO)

Lëvizja BESA reagon ndaj deklarimeve të zëvendës ministrit të Mbrojtjes, Bekim Maksuti i cili shprehu …

Leave a Reply

Your email address will not be published. Required fields are marked *