Home / Lajme / Rajon / Erdogan – ministrit të Jashtëm gjerman: I vogël je të komunikosh me mua

Erdogan – ministrit të Jashtëm gjerman: I vogël je të komunikosh me mua

Presidenti i Turqisë, Rexhep Taip Erdogan, i ka thënë shefit të diplomacisë gjermane Sigmar Gabriel që duhet t’i dijë kufijtë tij, pasi që ai ashpër e ka kritikuar për përzierjen e tij në zgjedhjet e ardhshme në Gjermani.

“Ai nuk njeh kufij! Kush jeni ju që të flisni me Presidentin e Turqisë? Duhet t’i dini kufijtë”, ka thënë Erdogani.

“Ai po tenton të na mësojë leksione… sa gjatë jeni në politikë? Sa vjet keni?”, ka shtuar Erdogani në fjalim, të cilin e kanë transmetuar mediet turke.

Erdogani të shtunën ka ftuar të gjithë turqit që jetojnë në Gjermani që të mos ia japin votën Partisë Kristian Demokrate të Angela Merkelit, Partisë Social Demokrate dhe as Partisë së Gjelbër, transmeton Gazetametro.net.

Të tre partitë Erdogani i ka quajtur si “armiq të Turqisë”.
“Për ne nuk ka rëndësi se a na i hap Gjermania dyert a jo. Ne kemi të tilla mjaft”, ka thënë Erdogan.

Gabriel ka deklaruar mbrëmë, që thirrja e Erdoganit paraqet përzierje në problemet e brendshme të Gjermanisë.

Kandidati i PSD-së, Martin Schulz, ka qenë edhe më i ashpër, duke thënë që Erdogani këtë herë i ka kaluar të gjitha masat.
”Për këtë arsye ne i përkrahim të gjithë ata që po luftojnë për një Turqi të lirë dhe demokrate”, ka theksuar Shculz.

Rreth 1,2 milion qytetarë të Gjermanisë me prejardhje nga Turqia, kanë të drejtë vote në zgjedhjet e ardhshme parlamentare në Gjermani.

Gjithashtu lexo

Edhe një veturë e vjedhur gjendet përmes Facebook-ut (FOTO)

Pak ditë pasi u gjet një kamion i vjedhur përmes grupit të Facebook-ut “Marakli t’kerreve”, …

Leave a Reply

Your email address will not be published. Required fields are marked *