Home / Lajme / Botë / Ish gruaja e Trump në luftë me Melanian: Unë jam Zonja e Parë

Ish gruaja e Trump në luftë me Melanian: Unë jam Zonja e Parë

E mbiquajti veten ‘Zonjë e Parë’ e Donald Trumpit, por kjo duket se nuk i ka pëlqyer aspak bashkëshortes aktuale të Presidentit amerikan, Melanias.

Gjatë një interviste për programin e mëngjesit në “ABCNews”, ish-gruaja e manjatit të pasurive të patundshme, Ivana tha se kishte linjë direkte kontakti me Shtëpinë e Bardhë, por se nuk telefononte atje pasi nuk donte të shkaktonte xhelozinë e bashkëshortes së Presidentit.

“Jam gruaja e tij e parë! Jam ‘First Lady”, ishin fjalët e saj.

Nuk ka vonuar reagimi i Melanias, e cila përmes një zëdhënësi tha se komentet e Ivanës ishin thjesht një përpjekje për të tërhequr vëmendjen për qëllime personale.

Bashkëshortja e parë e Presidentit po promovon librin e saj “Raising Trump”, i cili do të dalë në treg të martën.

“Zonja Trump është e nderuar me rolin e saj si First Lady dhe synon ta përdorë titullin për të ndihmuar fëmijët, e jo për të shitur libra”, thuhej në deklaratën e lexuar nga zëdhënësi i Melanias.

Ivana u martua me miliarderin në 1977, por u divorcua në vitet ‘90 për shkak të lidhjes së Trump me Marla Maples, gruaja e tij e dytë. Ivana dhe Donald Trump kane tre fëmijë, Donald Jr, Ivanka and Eric Trump. /TCH/

Gjithashtu lexo

Këshilla udhëtimi pas referendumit në Kataluni : A është e sigurt të udhëtoni në Barcelonë?

Barcelona së fundmi ka qenë vendi i përplasjes me policisë spanjollëve dhe katalunasve për shkak …

Leave a Reply

Your email address will not be published. Required fields are marked *