Sulmuesi i Barcelonës, Tieri Henri, ka pranuar supremacinë e kundërshtarit në sfidën e mbrëmjes së të mërkurës në “Stade de France”, duke e përcaktuar “Furinë e Kuqe” si skuadër nga një tjetër planet. “Spanja dhe Brazili janë favoritët absolutë për të fituar Kupën e Botës. Më kujtojnë Francën e dhjetë viteve më parë”, theksoi ish-kapiteni i Arsenalit.

Më tej, në prononcimin menjëherë pas ndeshjes, Henri shtoi: “Mbrëmjen e të mërkurës ne pamë në fushë dy skuadra të ndryshme: njëra që është gati dhe i ka të gjitha mundësitë për të fituar Kampionatin Botëror dhe tjetra që ka ende shumë punë për të bërë”.