Duka mori gjithsej 49 vota, duke u zgjedhur që në raundin e parë të votimit. Kandidati tjetër, Refik Halili, mori 15 vota, ndërkohë që Rudi Vata ka marrë vetëm një votë.

Procesi i votimit, i mbajtur gjatë Asamblesë së jashtëzakonshme zgjedhore në qytetin e Durrësit paraditen e sotme, ka shkuar normalisht dhe pa asnjë incident.

Në këtë mënyrë, Armand Duka rizgjidhet për të tretën herë në postin e numrit një të futbollit në Shqipëri, duke siguruar edhe një tjetër mandat 4-vjeçar. Ashtu siç kishin premtuar, të dy kandidatët e tjerë, Halili dhe Vata, kanë pranuar humbjen.