Këshilli i Partive Liberale, Demokratike dhe Reformatore të Evropës, në takimin e mbajtur në Romë, miratoi një rezolutë për Kosovën të paraqitur nga Partia Liberale e Kosovës, njohtojnë mediat kosovare.

Përmes saj, kërkohet edhe njohja nga pesë vendet anëtare të Bashkimit Evropian, të cilat ende nuk e kanë njohur pavarësinë e Kosovës. Po ashtu, kërkohet përfshirja e Kosovës në procesin e liberalizimit të vizave.
Kryeministri i Republikës Serbe të Bosnjës, Milorad Dodik ka thënë se zgjidhja e vetme për çështjen e Kosovës do të ishte ndarja e saj – respektivisht, që liderët e Kosovës t'ia "japin veriun e vendit Serbisë", transmetojnë mediat kosovare.

"Mendoj se kjo është zgjidhja e vetme reale. Kjo është zgjidhja e vetme afatgjate që do të ishte e mirë edhe për shqiptarët. Objetivisht, ata shumë vështirë do të mund të sundojnë me veriun, ose aty çdoherë do të ketë dhunë dhe nuk do të ketë demokraci", ka thënë Dodik, në intervistën për gazetën e Podgoricës "Dan".