Në muajin gusht në Maqedoni internet kanë përdorur 1.057.400 njerëz ose 51 për qind e popullatës së përgjithshme, ndërsa 742.400 janë kyçur në rrjetin social "Fejsbuk", tregojnë të dhënat e ueb sajtit të specializuar të statistikës "Internetn uorld stat".

Numri i internet përdoruesve në Maqedoni në dhjetë vitet e kaluara është rritur për 3.424 për qind, respektivisht nga 30.000 në vitin 2000 në më shumë se një milion në vitin 2010.

Nga vendet e rajonit më shumë se qytetarët e Maqedonisë, internet përdorin sllovenët (64,8%) dhe serbët (55,9%), ndërsa më pak kroatët (50%), grekët (46%), malazezët (44,1%), shqiptarët (43,5%) dhe qytetarët e Bosnjës (31,2%).

Në Evropë, sipas "Internetn uorld stat", ka 475 milionë shfrytëzues të internetit. On lajn rrjeti global në përqindje më shumë përdoret në Islandë (97,6%) dhe në Norvegji (94,8%), ndërsa më pak në Kosovë (20,8%) dhe në Vatikan (11,2%).