Kryeministri dhe kryetari i VMRO-DPMNE-së, Nikolla Gruevski theksoi se opozita dëshiron zgjedhje, ndërsa lutet për të mos u mbajtur ato.

Ai bëri të ditur se partia e tyre në çdo moment është e gatshme për zgjedhje, por se nuk ka sjellë akoma një vendim të tillë për zgjedhjet e parakohshme.

“Ne në çdo moment jemi të gatshëm, porn ë rast se do të sjellim një vendim të tillë për zgjedhje të parakohshme, do ta informojmë opinionin.. Nga ajo që e shohim tek radhët e opozitës, kërkesën që e bëjnë, nënkuptohet se kërkojnë zgjedhje të parakohshme, por luten që ato të mos ndodhin”, theksoi Gruevski.

Partitë opozitare edhe sot kanë shprehur kërkesat për të çuar vendin në zgjedhje të parakohshme parlamentare, për shkak të krizës politike me bojkotin e Parlamentit nga opozita.