Bashkimi Demokratik për Integrim është shprehur kundër propozimit të Presidentit të shtetit Gjorge Ivanov, që Dimitar Bogov të jetë Guvernatori i ri i Bankës Popullore të Maqedonisë.

Sekretari i përgjithshëm i BDI-së,njëherit edhe zëvendëskryeministër, Abdilaqim Ademi ka kërkuar nga Presidenti Ivanov, që ta tërheqë kandidaturën e Bogovit përndryshme partia e Ahmetit do të votojë kundër.

”Kërkojmë që të tërhiqet propozimi që Dimitar Bogov të zgjidhet guvernatorë, pasiqë i njejti është dhënë pa asnjë konsultim. Në rast se ky propozim nuk tërhiqet BDI-ja, do të votojë kundër”, ka deklaruar zëvendëskryeministri Ademi.

Ndërkohë dje Presidenti i shtetit Gjorge Ivanov propozoi Dimitar Bogovin, për guvernator të ri të Bankës Popullore të Republikës së Maqedonisë(BPRM), në vendin e Petar Goshevit, mandati i të cilit skadon në maj.

Sipas Kabinetit të Ivanovit, presidenti mendon se me propozimin Maqedonia do të fitojë guvernator i cili më me përgjegjësi do ta kryejë funksionin në pajtim me prioritetet strategjike për zhvillimin më dinamik ekonomik dhe nxitjen më energjike të ripërtëritjes ekonomike të vendit pas krizës ekonomike.Zhurnal.mk