Inspektorati i komunës së Tetovës të hënën ka dorëzuar Vendimin për mënjanimin e objektit të banimit që gjendet afër lumit Shkumbin në Tetovë, i cili shkakton mjaft vështirësi për objektet që gjenden përreth.

"Objekti është ndërtuar pa leje ndërtimi, ndërkohë që hapësira e vendosjes është pronë e uzurpuar dhe për të ndërtuar në atë vend sipas Ligjit duhet të lëshohet leje e veçantë nga ministria e ekologjisë, sipas së cilës do të vërtetohet se objekti nuk shkakton probleme të ambientit. Vendimi për mënjanimin e këtij objekti u lëshua pas ankesave të shumta të qytetarëve.

Pronarit, sipas Ligjeve dhe Vendimit të lëshuar nga Inspektorati komunal i është dhënë një afat kohorë që ai vet të procedojë me mënjanimin e murit, ndërsa në të kundërtën inspektorati do të jetë i detyruar të intervenojë. Ndërkaq, mbrojtja e tokës ndërtimore nuk është problem me të cilin duhet të ballafaqohet vetëm Inspektoratit komunal, por edhe i prokurori publik dhe MPB-ja", thekson komuna e Tetovës.