KF Shkupi (ish Slloga) me shumë gjasa është pranë rrikthimit në skenën e futbollit vendor, pas disa viteve pushim për shkak të bojkotimit të kryesisë aktuale të FFM-së. Ditëve të fundit në opinion janë përhapur zëra, të cilët flasin se KF Shkupi do të marrë vendin e Ohrid 2004 në Ligën e Dytë dhe përmes fuzionit eventual do të tentojnë të rrikthehen në ‘hartën futbollistike. Plani është që me këtë hap, të krijohet ekipi cilësor që do të tentojë rrikthim sa më të shpejtë në Ligën e Parë, ku Slloga luante deri në momentin e bojkotit të kampionatit. Gjithsesi për tu realizuar kjo gjë, mësojmë se drejtuesit e klubit presin mbajtjen e Kuvendit Zgjedhor të FFM-së, i cili në program është me 23 qershor.