Ky është termini që ka caktuar FIBA, pasi që organizatorët e turneut, Venecuela nuk arritën të kualifikohen në mesin e 8 kombëtareve më të mira. Maqedonia do të kërkojë fitore përballë Republikës Dominikane dhe në rast se arrin një gjë të tillë, në gjysmëfinale do të takohet me fituesin e duelit ndërmjet Lituanisë dhe Portorikos dhe i cili zhvillohet natën mes të premtes dhe të shtunës ora 2 pas mesnate. Nëse kualifikohet në gjysmëfinale, Maqedonisë do t’i nevojitet të paktën edhe një fitores në dy ndeshjet e mbetura, për të siguruar vizën për Lojërat Olimpike Londër 2012. Fazën çerekfinale të premten e hapin Rusia dhe Angola në orën 17:30. Nga ora 20:00 zhvillohet dueli Greqi-Nigeri, në orën 23:30 Maqedonia ndeshet me Republikën Dominikane, ndërsa në duelin e fundit çerekfinal, Lituania takohet me Portorikon.