28/03/2024
11.8 C
Tetovo
Ballina Blog

Bastisje për vrasjen e mjekut në Shkup – arrestohet dy persona

Policia ka realizuar bastisje sot në Shkup, për vrasjen e mjekut ditë më parë afër Poliklinikës në “Hekuranë” në Shkup, përcjell TV21.

Ministri i Punëve të Brendshme, Pançe Toshkovski, në podkastin “Pretres”(Bastisje), njoftoi se tashmë janë arrestuar edhe dy persona.

“Po bëhet bastisje në një lokacion. Kemi persona të dyshuar për vrasjen, kemi dëshmi materiale dhe dy persona janë arrestuar dhe shpresoj se në kohë sa më të shkurtër të mund të dalim me detaje për këtë pjesë të hetimeve”, tha Toshkovski, ministër teknik.

Ai shtoi se sipas të dhënave të para, motivi i vrasjes ndërlidhet me profesionin.

Shkollat fillore në Tetovës pa salla sportive

Rreth shtatë shkolla fillore në komunën e Tetovës nga gjithsej 12 sa janë nuk kanë salla sporti.Ndërsa nga shkollat e mesme vetëm Gjimnazi 7 marsi nuk ka sallë sporti. Kështu thonë nga sektori për arsim në komunën e Tetovës, prej nga bëjnë të ditur se shkollat fillore që nuk kanë salla sporti janë në pjesën qendrore të Tetovës. Bëhet fjalë për shkollën fillore Migjeni, shkollën fillore Liria, shkollën fillore Istikball, shkollën fillore Kirili dhe Metodi, shkollën fillore Naim Frashëri, shkollën fillore në fshatin Sellcë dhe Shkolla në fshatin Reçicë të Vogël Besa.Aplikimi është bërë në Ministrinë e arsimit dhe Shkencës por deri më tani nuk ka ndonjë përgjigje, thonë nga Sektori për Arsim në komunën e Tetovës. Deri më tani nuk ka asnjë lloj përgjigje nga ana e Ministrisë së Arsimit dhe Shkencës se kur do të miratohen kërkesat për ndërtimin e sallave të sportit.“Ministria e Arsimit dhe Shkencës në bashkëpunim me Agjencionin për Rini dhe Sport, vit për viti hapin thirrje për aplikim për ndërtimin e sallave në të gjithë territorin e Maqedonisë së Veriut. Zakonisht thirrja hapet në kuadër të projektit për ndërtimin e 145 sallave sportive ku selektimi bëhet nga ana e tyre. Nuk e di se në çfarë mënyre bëhet selektimi, neve si komunë kemi bërë aplikim për gjashtë shkollat pra për ndërtimin e sallave të sportit.Baza e aplikimi është vetëm fleta e pronësisë, ku ata kanë dy lloje projektesh, njëra është sallë me tribunë dhe tjetra është pa tribunë”, deklaroi Valedin Ademi, udhëheqës I Sektorit për Arsim në komunën e Tetovës.Nga komuna e Tetovës njoftuan se sa I përket sallës sportive në Gjimnazin e Tetovës janë siguruar mjetet dhe punimet do të vazhdojnë deri në përfundimin e së njejtës. Në ndërkohë, pyetje dërguam edhe në Ministrinë e Arsimit dhe Shkencës lidhur me mungesën e sallave sportive në shkollat fillore të Tetovës, por ende nuk ka përgjigje.TV KOHA

Toshkovski: Jam i shqetësuar për procesin zgjedhor në njësinë numër 6

Ministri i MPB-së, Pançe Toshkovski thotë se është jashtëzakonisht i shqetësuar për njësinë zgjedhore numër gjashtë, gjegjësisht siç tha, në Tetovë, Gostivar, Bërvenicë dhe rrethinën e këtyre vendeve.

Sipas tij, alarmante është fakti se qeveria nuk lejon të bëhen ndryshime të njeriut të parët të policisë në qytetet që përfshinë njësinë zgjedhore numë gjashtë.

“Nuk kanë lejuar të bëhet një ndryshim në sistemim, i cili do të mundësonte emërimin e një shefi nga ana ime, si dhe një shef shtesë nga ana e ministrit shtesë. Ai është dashur të garantojë një proces zgjedhor të drejtë dhe demokratik në territorin e Tetovës, Gostivarit, Bërvenicës etj”, tha Toshkovski.

Pikërisht për njësinë zgjedhore numër gjashtë në referendum ishte vendosur rekordi botëror ku në çdo kuti në një qendër votimi hidhej një fletë votimi çdo 2 sekonda.

LSDM: U krijua “Koalicion për të Ardhmen Evropiane”, i cili do të formojë Qeverinë e ardhshme pro-evropiane

Kryetari i LSDM-së, Dimitar Kovaçeski së bashku me partnerët e koalicionit ka nënshkruar marrëveshjen me të cilën formohet koalicioni parazgjedhor “Koalicioni për të Ardhmen Evropiane”.

Koalicioni u nënshkrua nga LSDM, PESD, LSDP, Partia për Lëvizjen e Turqve, Partia e Pensionerëve, RDM, OBRM-Popullore, Lidhja Demokratike e Vllehëve në Maqedoni, POEN, Lidhja e Romëve në Maqedoni, “E Djathta”, Partia për Prosperitet Demokratik të Romëve, SDA dhe Lidhja e Re Republikane.

Nga LSDM thonë se “Koalicioni për të ardhmen evropiane” tërësisht është e përkushtuar për rrugën evropiane dhe ka plan të qartë për një standard evropian.

Nga atje shtojnë se koalicioni përkushtohet për një jetë më të mirë për qytetarët, rritje ekonomike dhe zhvillim nëpërmes investimeve të huaja kapitale direkte dhe përmes kompanive vendore.

Mashtrohet 73-vjeçari në sheshin “Maqedonia” në Shkup, dy persona i marrin 800 euro në këmbim i japin diamant, më vonë e kupton se ishin bizhuteri

Me datë 26.03.2024 në ora 14:30 në SPB Kumanovë, një 73 vjeçar nga Kumanova ka raportuar se në sheshin “Maqedonia” në Shkup është mashtruar nga dy persona për shumën prej 800 euro.

Sipas kallëzimit, personat i kanë thënë se kanë pasur një aksident trafiku dhe se paratë u duheshin për të shkuar te mjeku dhe në këmbim do t’i jepnin diamante dhe pasi të mbaronin do të ktheheshin dhe do i jepnin paratë.

Ai ka swaruar ua dha paratë dhe ata i dhanë bizhuteri që më vonë përcaktoi se ishin bizhuteri kostumesh. Gjithashtu, sipas kallëzimit, personat nuk janë kthyer, pas çka ka kuptuar se është mashtruar. Po merren masa për zbardhjen e rastit.

Shqiptarët u shkarkuan që ditën e parë, por Angellov a do të mund ti shpëtojë Qeveris nga shkarkimi?!

Sa herë që bëhej ndonjë defekt në ura, Stojançe Angellov, drejtor në Qendrën për Menaxhim me kriza menjëherë dilte në vendin e ngjarjes. Para katër muajve doli te ura në Vizbeg dhe pastroi gurët, e nuk la pa vizituar edhe personat që u sulmuan nga arushat.

,Por kjo “aventurë” në QMK pritet të mbarojë, pasi me gjasa do të shkarkohet për shkak se dha dorëheqje nga koalicioni me LSDM-ja për të kaluar në VMRO-DPMNE. Përpara mediave tha se ka raport të mirë më kryeministrin teknik Talat Xhaferi dhe se do ta respektojë çdo vendim që del nga Qeveria.

“Për hir të së vërtetës mbrëmë KM Talat Xhaferi, dje pasdite mu paraqit në telefon, folëm dhe më informoi për qëllimin e tij se do të ngre iniciativë për shkarkimin tim. Unë këtë e pranoj dhe nuk do të kundërshtoj bëhet fjalë për një hap politik, marr parasysh se po e lëshojmë koalicionin qeverisës. Nëse qeveria e pranon propozimin e Xhaferit se duhet të dorëzohem, unë pa kundërshtim do ta pranoj vendimin”, tha Stojançe Angellov – drejtor i QMK-së.

Por nëse e shkarkojnë nga pozita drejtor i QMK për çfarë do t’i vijë keq?

“Për asgjë nuk më vjen keq, sepse kuptohet se në momente të bukura kur isha drejtor në QMK kishte shumë stres dhe punë sepse nuk pashë ditë të bardhë. Për fat të keq të gjitha punët e pakëndshme dhe fatkeqësi ndodhnin përgjatë vikendit ose orët e pasditës”, pohoi Stojançe Angellov – drejtor i QMK-së.

Nga Qeveria për TV21 konfirmojnë se Qeveria ka vendosur që në seancën e radhës të sjellë vendim lidhur me shkarkimin e Angellovit.

Ndërkaq kështu nuk u shpreh në Facebook duke komentuar disa tituj të portaleve se “një komandant i UÇK-së do ta shkarkojë një gjeneral të forcave të sigurisë”. Ai ka theksuar se sado që nuk i pëlqen dikujt, përfshirë edhe atë vetë, është fakt i pamohueshëm se ish-komandant Forina nga UÇK-ja është sot kryetar legjitim i Qeverisë së Maqedonisë.

Ndryshe Talat Xhaferi më herët shkarkoi dy ministrat Azir Aliun dhe Fatmir Mexhitin, për shkak se u rreshtuan në opozitë.

Mickoski për partitë që dalin nga pushteti: Kemi marrëveshje parimore për paraqitje në zgjedhjet parlamentare, në bazë të së cilës do të funnksionojmë si qeveri e ardhshme

Kemi marrëveshje të përbashkët parimore për paraqitje në zgjedhjet parlamentare dhe presim më tej, në bazë të kësaj marrëveshjeje, të funksionojmë si qeveri e ardhshme, tha sot kryetari i VMRO-DPMNE-së, Hristijan Mickoski, duke e komentuar kalimin e disa nga partnerët e deritanishëm qeveritarë në opozitë.

Ai përmendi se nuk mund në emër të tyre të thotë se pse kanë vedosur për hap të tillë, edhe pse, siç tha, do të donte që shkaku për këtë “të jetë programi zgjedhor i VMRO-DPMNE-së”.

“Këtë pyetje duhet t’ua parashtorni atyre, nuk mund në emër të tyre të përgjigjem. Ne kemi marrëveshje parimore për paraqitje në zgjedhjet e ardhshme parlamentare dhe presim që në të ardhmen, në bazë të kësaj marrëveshjeje, të funksionojë qeveria e ardhshme. Rreth motivit dhe shkakut, do të doja të ishte programi i ynë zgjedhor”, tha mes tjerash Mickoski, duke iu përgjigjur pyetjes së gazetarëve pas takimit me udhëheqësinë në Odën eekonomike të Maqedonisë.

Sipas tij, koalicionimi i BDI-së me parti tjera politike, “do të jetë një manovër e pasuksesshme politike”.

“BDI-ja duhet të japë përgjigje pse e bën këtë. Nëse më pyesni mua, mendoj se po tentopjnë të bëjnë manovër të hapësirës politike, me çka do të zbusin humbjen në zgjedhjet e ardhshme nga ana e opozitës së konsoliduar, thënë kushtimisht, shqiptare. Nuk mendoj se ky hap do të jetë i suksesshëm, duke marrë parasysh personat që iu bashkuan atij koaliconi, por koha dhe votuesit do të japin përgjigje për këto dilema”, tha Mickoski.

Aksion qytetarë kundër BDI-së në Kumanovë / “Luaj-Fito-Emigro-BDI, “Poshtë BDI”, “Boll Mo”

Qytetarë të Kumanovës kanë zhvilluar një aksion kundër Bashkimit Demokratik për Integrim.
Ata në shumë vende të qytetit, kanë shfaqur mbishkrime kundër qeverisjes së BDI-së.

“Luaj-Fito-Emigro-BDI, “Poshtë BDI”, “Boll Mo”, janë vetëm disa nga mbishkrimet e shënuara nëpër vende të ndryshime, e që në vete ngërthejnë mllefin e akumuluar të qytetarëve kundër qeverisjes së BDI-së.
Dihet se pikërisht qyteti dhe rajoni i Kumanovës janë më të diskriminuar dhe të lënë anash nga BDI-ja ku dhe shpërngulja e qytetarëve është në numër masiv.

“Po shkunden plakat”, qytetarët për ndryshimin e motit

Ndryshimi i temperaturave brenda ditësh, reshjet e shiut dhe borës që përfshinë disa pjesë të vendit, të moshuarit i përshkruajnë me një fjali “Po shkunden plakat”. Kjo gojëdhënë e përcjellë gjeneratë pas gjenerate kujtohet çdo pranverë në fund të muajit mars, kur moti pëson ndryshime të mëdha.

“Koha në pranverë, se ato plakat janë, tash koha është, ato plakat e bëjnë dimër, i kanë tre ditë që ja ka marr (shkurtit), edhe për shkak të asaj i dërgon ato adetet, për këtë koha ndryshon… Muhabeti i plakave, ajo kishte qenë një plakë që ka nxjerrë dhi dhe dele në bjeshkë edhe thot krejt i kam, Zotit i thotë, ty nuk ta kam, edhe Zoti ja dërgon një furtunë (kijametin) edhe ja zhduk bagëtinë. Tre ditë e bën atë borën, kijametin. Edhe në atë kohë ka mbet, akoma ato adete i çon ajo”, tha një qytetare.
Ndryshimi drastik i motit ndikon ndaj shëndetit. Një pjesë e qytetarëve ankohen se për shkak të motit të ndryshueshëm po përballen me probleme shëndetësore.

“Kokëdhimbje, humbje të vetëdijes, por edhe vitet e bëjnë të vetën”, u shpreh një tjetër qytetare.

Nga ndihma e shpejtë thonë se gjatë kësaj periudhe ka pasur rritje të thirrjeve për ndihmë. Mjekët rekomandojnë konsum të shtuar të ujit, frutave dhe perimeve.

“Numri i thirrjeve normal është rrit, zakonisht kemi më shumë persona që kërkojnë ndihmë kur kanë probleme me vështirësitë në frymëmarrje duke e ditur që ndryshimi I temperaturave ndikon zakonisht te personat me sëmundje në sistemin kardiovaskularë, të tipit me tension të lartë…Ne mjekët rekomandojmë që këta persona zakonisht të marin terapinë paraprakisht duke e matur tensionin, sidomos ata me tension të lartë”, deklaroi Rihad Rexhep , Ndihma e Shpejtë.

Ndërkohë sipas sinoptikëve temperatura të ulëta nuk do të ketë më. Në fundjavë temperaturat do të jenë verore, pasi pritet të arrijnë deri në 28 gradë celsius.

“Reshjet do të vazhdojnë edhe nesër, në orët e mëngjesit dhe të paradites, megjithatë kjo valë e lagështisë do të kalojë shumë shpejt, kështu që prej pasdite do të kemi përmirësim të motit dhe ulje të vranësirave… Prej të premten dhe në ditët e fundjavës do të kemi mot të qëndrueshëm, me diell dhe ngrohtë. Të shtunën dhe të dielën me temperaturë ditore deri në 28 gradë”, tha Juliana Fidanoska Mishkoska, sinoptikane.

Sipas analizave të fundit të temperaturat këtë pranverë do të jenë më të larta se të zakonshmet për këtë periudhë të vitit, por nuk do të mungojnë edhe reshjet e shumta të shiut. /Alsat.mk

VIDEO/Aksident tragjik në Turqi, humbin jetën 6 anëtarë të një familjeje

Një aksident i rëndë ka ndodhur në Turqi, ku gjashtë anëtarë të një familjeje humbën jetën në Hatay. Kamerat e sigurisë në zonë kanë kapur momentin e aksidentit tragjik.

Momenti i një aksidenti tragjik në Turqi, ku humbën jetën gjashtë anëtarë të një familjeje, është kapur nga një kamera sigurie.

Në videon e publikuar nga mediat turke, shihet kamioni që përplasi makinën e familjes, duke kaluar në drejtim të kundërt dhe duke u përplasur me mjetin.

Aksidenti i rëndë u shënua pasditen e së martës në rrugën Dörtyol-Payas në Hatay. Drejtuesi i kamionit është arrestuar.