Gjykata Supreme e Republikës së Maqedonisë së Veriut ka pranuar ankesën e babait të Vanjës, Aleksandar Gjorçevski, dhe i ka caktuar masën e siguerisë “arrest shtëpie”, duke e liruar nga qelia.

“Gjykata Supreme e Republikës së Maqedonisë së Veriut njofton opinionin se pas seancës publike të mbajtur më 25.04.2024, këshilli për vepra penale ka marrë vendim me të cilin ankesa e të akuzuarit A. G., deklararuar përmes avokatit të tij mbrojtës Vladimir Tufegxhiq, avokat nga Shkupi, është pranuar dhe vendimin e Gjykatës së Apelit Shkup KSŽ-320/24 i datës 04.02.2024, e ka ndryshuar dhe të akuzuarit i caktoi arrest shtëpiak dhe masë sigurie”, njoftoi sot Gjykata Supreme.

Seanca e sotme ishte seanca e dytë publike para Gjykatës Supreme lidhur me masën e paraburgimit ndaj babait të Vanjës, pasi në mars të këtij viti Gjykata Supreme e hodhi poshtë si të pabazuar ankesën ndaj masës së paraburgimit të Gjorçevskit, pas vendimit të Gjykatës së Apelit në Shkup.

Babai i Vanjës dyshohet se ka ndihmuar në rrëmbimin e vajzës së tij, të miturës Vanja Gjorçevska, e cila ishte shpallur e zhdukur më 27 nëntor dhe u gjet e vdekur në afërsi të Shkupit më 3 dhjetor, kur edhe Pançe nga Velesi u gjet i vdekur në afërsi të Velesit, nga ana tjetër, u raportua i zhdukur më 24 nëntor.

Universiteti i Tetovës përmes ditës së hapur dhe panairit të karrierës ka pritur maturantët e shkollave të mesme në rektoratin e Tetovës. Këto aktivitete mbahen për të tërhequr sa më shumë maturantë që të regjistrohen në vitin e ri akademik 2024/25 në Universitetin e Tetovës.Deri më tash stafi akademik i Universitetin e Tetovës ka prezantuar ofertën akademike nëpër shkollat e mesme të vendit. Prorektori për arsim Ibrahim Neziri tha se sot organizohet Dita e Hapur me një agjendë shumë të pasur nga 13 fakultetet dhe 98 programe studimore të cilët kanë përgatitur prezantime për natyrën e programeve, kompetencat që do t`I fitojnë pas përfundimit të studimeve me qëllim që të përfocohet komunikimi me maturantët dhe ata ta kenë më lehtë për të marrë vendime për të vendosur për të ardhmen e tyre. “Këtë vit akademik në Universitetin e Tetovës listës së programeve studimore i shtohen edhe katër programe të reja, Mjekësia Veterinare në fakultetin e Bujqësisë, Kozmetikë dhe estetikë në shkencat e mjekësisë, biologji dhe kimi i përshtatur kuadro për shkollat fillore që është në kuadër të fakultetit të shkencave mjekësore dhe informatike afariste që është në kuadër të fakultetit të administrimit të Biznesit”, deklaroi prorektori për arsim Ibrahim Neziri.Në ndërkohë, në kuadër të ditës së hapur është mbajtur edhe Panairi i Karrierës, ku shumë kompani prezantojnë ofertat e tyre për vende të punës. Në ndërkohë, nga Universiteti i Tetovës thonë se gjithnjë janë duke bërë përpjekje që të ofrojnë programe studimore që në të ardhmen do të mund të jenë konkurues në tregun e punës.“Kjo platformë paraqet edhe urën lidhëse mes studentëve, stafit akademik dhe komunitetit të biznesit.Tradicionalisht çdo vit Universiteti i Tetovës hap dyert për një numër të konsiderueshëm të kompanive, kryesisht të vendit, ku përfshihen ato me kapacitete prodhuese, kompani ushqimore, librari, farmaci e kështu me rradhë, të cilët kanë interes që të inkuadrojnë kuadrin tonë në rradhët e tyre.Kjo është një mundësi e mirë për apsolventët që të njihen edhe me ofertën e tregun e punës në të ardhmen ku do të veprojnë”, tha prorektori për shkencë Agon Memedi.Sipas autoriteteve të Universitetit të Tetovës, programet janë duke u përditësuar në bazë të tregut të punës. Universiteti i Tetovës ka kërkuar nga Ministria e Arsimit 4700 vende të lira për pranim të studentëve të rinj. TV KOHA

Në kuadër të ditës ndërkombëtare të Librit, Biblioteka e Tetovës ka organizuar manifestimin tradicional Konkursi Letrar.Me këtë rast, paraprakisht nxënësit e shkollave fillore kanë konkuruar me poezitë e tyre ndërsa komisioni ka bërë përzgjedhjen e poezive më të mira.Ky aktivitetet ka për qëllim që të nxisë më të vegjëlit që të merren me shkrime që në moshë të hershme. Nurije Bajrami-Drejtoreshë Ky manifestim u mbajt në Pallatin e Kulturës në Tetovës, ndërsa është ndjekur nga një numër i madh i prindërve. Përndryshe, Biblioteka e tetovës disponon me fond prej 110.000 njësive bibliotekare dhe ka afro 5000 anëtarë aktiv të të gjitha kategorive. Çdo vit realizohen projekte financiarisht të mbështetura nga Ministria e Kulturës si dhe manifestime që janë pjesë e programit të punës në bibliotekë. Në vitin 2023 Biblioteka mori çmimin “Biblioteka e vitit”. TV KOHA

Fronti Europian kërkon dorëheqje nga të gjithë katër kryetarët e partive politike pjesë përbërëse e koalicionit VLEN pas rezultateve të mbrëmshme ku kandidati Bujar Osmani fitoi Arben Taravarin me mbi 37 mijë vota dallim.

Skender Rexhepi Zejdi, kërkon nga Izet Mexhiti, Afrim Gashi, Bilall Kasami dhe Arben Taravari, të mbajnë fjalën dhe të japin dorëheqje.

Ndërkohë Artan Grubi nga Fronti Europian, me vete kishte sjellur një valixhe. Duke treguar se çfarë kuptimi ka ajo valixhe, thotë se lidhet me këngën e Noizyt, këngë të cilën e ka përdorur thuajse në çdo tubim të Frontit Europian, e që i dedikohet koalicionit VLEN.

Kreu i Lëvizjes Demokratike Izet Mexhiti, profilit të tij në Facebook, vetëm falenderoi të gjithë votuesit të cilët mbështetën Arben Taravarin dhe koalicionin VLEN. Për Grubin, erdhi reagimi nga kryetar i komunës së Çairit, Visar Ganiu.

Artan, terapinë po ta shkruan Dr.Arbeni, e merr në 8 maj!, ka shkruar Visar Ganiu në facebook profilin e tij.

Ndryshe çështja e dorëheqjeve u pati bërë aktuale rreth një muaj më parë nga ministri i ekonomisë nga radhët e BDI-së, Kreshnik Bekteshi, i cili kërkoi nga të gjitha partitë politike të nënshkruajnë marrëveshje, me çka obligohen që pas zgjedhjeve, ata që humbin të mos merren më me politikë. Këtë sfidë e pati pranuar vet Arben Taravari i cili pati thënë që kushdo që humbë, duhet të tërhiqet dhe për këtë janë të gatshëm edhe vet ata nga VLEN.

E pasi u publikuan rezultatet mbrëmë dhe fitorja i takoi kandidatit të Frontit Europian për president, Bujar Osmanit, Bekteshi përsëri pyeti Taravarin se tek cili noter e ka dorëzuar deklaratën për dorëheqje. E njejta ka shkruar se vlenë edhe për Izet Mexhitin.

Po të votohej dje për zgjedhjet parlamentare, renditja e forcave në Kuvend do të dukej kështu:

Sipas Metodës së Dontit, shpërndarja e mandateve, në këto rezultate mund të ketë gabim maksimum deri në 1 mandat sepse një pjesë e komunave u përkasin dy njësive zgjedhore, si për shembull Mavrova, Dibra, Prilepi, Çairi…

Nëse i krahasojmë numrat me mandatet nga zgjedhjet e fundit parlamentare, do të marrim konkluzion se VMRO-DPMNE do të kishte 9 deputetë më shumë, LSDM do të humbte 22 deputetë, BDI do të merrte dy deputetë shtesë, koalicioni VLEN 5 deputetë shtesë, ndërsa Levica 2 deputetë plus.

Për formimin e qeverisë duhen 61 deputetë. Por cilat janë koalicionet e mundshme? VMRO-DPMNE me VLEN do ta kishte numrin e mjaftueshëm për formimin e qeverisë, ndërsa këtu mund të bashkëngjitet edhe ZNAM i Maksim Dimitrievskit dhe numri do të dalë 75 deputetë. Nëse Levica vendos që të marrë pjesë, atëherë numri do të arrijë deri në 79 deputetë.

LSDM nëse përpiqet që të formojë qeveri me FE të BDI-së, do t’i mungojnë 20 deputetë. Ka gjasa të vogla që ZNAM e Maksim Dimitrievskit të hyjë në këtë kombinim, por edhe mandatet e tij nuk do të mjaftonin, prapë do t’u mungojnë 10 deputetë.

Na mbeten edhe 13 ditë deri te zgjedhjet parlamentare ndërsa është e paqartë se si do të realizohej skenari për qeveri të udhëhequr nga VMRO-DPMNE pasi kreu i BDI-së, Ali Ahmeti në intervistë për TV21 tha se partitë shqiptare kanë nënshkruar marrëveshje me të cilën garantohet se nuk do të hyjnë në qeveri që nuk i mbështet ndryshimet kushtetuese.TV21

OSBE/ODIHR, në një konferencë për media, kanë paraqitur një pasqyrë në lidhje me zgjedhjet presidenciale të mbajtura dje në vend, shkruan Alsat.

Ata përveç të tjerash kanë thënë se dje u respektuan procedurat zgjedhore por në disa raste nuk u respektuan kriteret e numërimit.

Derisa, një theks të veçantë i kanë dhënë denoncimeve nga një numër i madh i njerëzve për mediat online, që sipas tyre, janë krijuar vetëm për të thithur fonde gjatë fushatës zgjedhore.

“Në ditën e votimit u respektuan procedurat zgjedhore por në disa raste nuk u respektuan kriteret e numërimit. Dita e zgjedhjeve ishte e qetë. KSHZ-ja plotësoi kriteret dhe u krijua besueshmëria e publikut ndaj procesit zgjedhor. KSHZ-ja përditësoi të dhënat në kohë dhe dëshmoi transparencë. Vëzhguesit tanë kanë monitoruar shumë vendvotime dhe kanë konstatuar votim të qetë. Janë raportuar disa presione dhe votime familjare sporadike. Disa vendvotime ishin të pa qasshme për personat me aftësi të kufizuara. Disa njerëz kanë denoncuar se një numër i madh i mediave online të regjistruara për reklama zgjedhore janë krijuar vetëm për të thithur fonde gjatë fushatës zgjedhore dhe në disa raste këto fonde i kanë adresuar tek partitë politike”, thanë në konferencë për media OSBE/ODIHR./ Alsat.mk

Përgjigje për bojkot të mundshëm të LSDM-së dhe BDI-së në rrethin e dytë të zgjedhjeve është mobilizimi i qytetarëve dhe dalja masive. Nëse të dyja partitë vendosin të bojkotojnë, me këtë do të tregojnë papjekuri, përkatësisht se nuk janë parti shtetformues, por parti që udhëheqin interesat e atyre pak njerëve që drejtojnë. Këtë sot e theksoi lideri i VMRO-DPMNE-së, Hristijan Mickoski, i cili ishte për vizitë në Ohër.

“Duhet të jeni dinjitoz edhe në humbje. Ndërsa dje VMRO-DPMNE, me rezultatet e rrethit të parë të zgjedhjeve e fitoi bindshëm koalicionin e plotë qeveritar. Këtu e kamë fjalën për dy kandidatët në pushtet – njëri është Stevo Pendarovski, i dyti është Bujar Osmani. Kur së bashku i mbledh janë rreth 300 mijë vota. VMRO-DPMNE vetëm, përkatësisht profesoresha Siljanoska ka 363 mijë vota, sipas shifrave të fundit që vijnë nga KSHZ-ja. Do të thotë VMRO-DPMNE ashtu siç u tha, ashtu bëri bashkë me popullin, e mposhti Qeverinë. Është e qartë se ka shumë ndjenja antiqeveritare. Ato në këtë mënyrë tregojnë se nuk janë parti shtetformuese, se udhëhiqen nga interesi personal. Dhe mendoj se qytetarët do ta kuptojnë më 8 maj gjatë rrethit të dytë dhe në zgjedhjet parlamentare, dhe do të arrijmë në shumicën në Parlament si opsion politik dhe koalicioni “Maqedonia juaj” e udhëhequr nga VMRO-DPMNE”, theksoi ai.

Lideri i partisë e shfrytëzoi rastin për ta kujtuar opinionin maqedonas se dy herë në të kaluarën VMRO-DPMNE ka mundur të sillet në mënyrë të papjekur dhe të papërgjegjshme dhe të shantazhojë, edhe në vitin 2019 edhe në vitin 2004, por si parti mori pjesë në ato zgjedhje, luftoi deri në fund dhe ishte dinjitoze edhe në humbjen.

Njëkohësisht, ai u bëri thirrje qytetarëve masivisht, si asnjëherë më parë, të dalin në zgjedhjet e ardhshme parlamentare dhe në rrethin e dytë të zgjedhje presidenciale, për të mos lejuar, siç tha, “tipin e politikanëve që janë pjesë e udhëheqësisë së LSDM-së dhe Ali Ahmeti, të shantazhojnë Maqedoninë, ndërsa vendi të zhytet në moçalen politike që ata duan ta imponojnë.

Votimi në tre vendvotimet në rajonin e Kumanovës ku dje kishte ndërprerje më shumë se tri orë nuk do të përsëritet sepse kjo nuk ndikon në rezultatet përfundimtare, ndërsa do të shkarkohen këshillat zgjedhorë në këto vendvotime, vendosi Komisioni Shtetëror i Zgjedhjeve.Në mbledhjen e mbajtur sot pasdite ishte sqaruar se këshillat zgjedhorë nuk kanë vepruar në bazë të udhëzimeve të KSHZ-së.

“Në bazë të procesverbaleve të arritura nga KKZ të dorëzuara në KSHZ dhe nga kontrolli në të njëjtat dhe komunikimi të cilin e kemi realizuar gjatë ditës së djeshme me KKZ Kumanovë konfirmuam se këshillat zgjedhorë në këto tre vende nuk kanë vepruar në bazë të udhëzimeve të cilat i sjell KSHZ”, tha Boban Stojanovski nga KSHZ.

Gjithashtu KSHZ e angazhoi edhe shërbimin juridik që të vërtetojë nëse ka baza për përgjegjësi në këshillat zgjedhorë.

“Këtë e bëjmë jo vetëm sepse ka bazë ligjore për shkarkim, por edhe për shkak të detyrimit tonë ligjor që të kujdesemi për ligjshmërinë dhe të dërgojmë në sy në rrethin e dytë të zgjedhjeve presidenciale dhe zgjedhjet parlamentare porosi të përgjithshme për të drejtat dhe përgjegjësitë e organeve për zbatimin e zgjedhjeve. Kjo do të jetë porosi për të gjithë këshillat zgjedhorë se duhet ta kryejnë punën me përgjegjësi dhe sipas ligjit”, tha Boris Kondarko.

KSHZ vendosi që këshillat zgjedhorë më 8 maj kur do të mbahet rrethi i dytë i zgjedhjeve presidenciale dhe rrethi i parë për zgjedhjet parlamentare të kenë nga shtatë anëtarë në vend të pesë anëtarëve të tanishëm me qëllim të efikasitetit më të mirë në organizimin e punës, shmangien e turmave në vendvotime dhe shmangien e mundësisë nga gabimet eventuale.

Në bazë të rezultateve zyrtare të cilat sot pasdite i publikoi KSHZ, në rrethin e dytë të zgjedhjeve presidenciale hyjnë kandidatët e LSDM-së dhe VMRO-DPMNE-së, Stevo Pendarovski dhe Gordana Siljanovska – Davkova.

Për Siljanovska-Davkovën votuan 363.086 votues ose 40,08 për qind, për Pendarovskin 180.500 votues ose 19,92 për qind, për Bujar Osmanin nga BDI 121.088 ose 13,07 për qind, për Maksim Dimitrievskin nga ZNAM 83.856 votues ose 9,26 për qind, për Srben Taravarin nga opozita shqiptare Vlen 83.393 votues ose 9,2 për qind, për Biljana Vankovskën nga partia E majta 41.331 vota ose 4,56 për qind dhe për Stevo Jakimovskin nga GROM – 8.121 vota.

Në rrethin e parë të votimit kanë votuar 905.971 qytetarë gjegjësisht 49,93 për qind. Numri i përgjithshëm i fletëvotimeve të papërdorura është 908.384, ndërsa numri i përgjithshëm i fletëvotimeve të pavlefshme është 24.562 ose 2,71 për qind.

Ankesat për mënyrën e votimit mund të parashtrohen në KSHZ deri nesër në orën 19, ndërsa deri nesër në mesnatë skadon edhe afati për ankesa lidhur me grumbullimin e rezultateve nga zgjedhjet. KSHZ është e detyruar të marrë vendim në afat prej 72 orëve pas pranimit të ankesës, ndërsa kandidatët kanë të drejtë padie në Gjykatën Administrative e cila, duhet të vendosë në afat prej 48 orëve pas pranimit të padisë.

Në kutitë e votimit të raundit të parë të djeshëm të zgjedhjeve presidenciale, ka pasur një numër të madh fletëvotimeve të pavlefshme. Këtë e tregojnë të dhënat e Komisionit Shtetëror të Zgjedhjeve.

Në ueb faqen e KSHZ-së shihet se numri i përgjithshëm i fletëvotimeve të pavlefshme ka qenë 24.549.

Në çdo zgjedhje, disa dhjetëra mijëra vota përfundojnë kështu. Për shembull, në raundin e parë të zgjedhjeve presidenciale në 2019, ishin 32.696 fletë votimi të pavlefshme. Kështu përfunduan në zgjedhjet parlamentare të 2020 31.564 fletë votimi, ndërsa në 2016 – 38.712 fletë të pavlefshme.