Shkollat ​​ku do të votohet për zgjedhjet presidenciale do të punojnë të martën, një ditë para zgjedhjeve. Do të mbyllen vetëm ato hapësira ku do të vendoset materiali zgjedhor.

“Kjo tashmë është rënë dakord dhe mendoj është vendosur në ueb faqe. Ato shkolla do të punojnë, por hapësirat ku do të vendoset materiali zgjedhor do të mbyllen dhe do të sigurohen nga Ministria e Punëve të Brendshme”, deklaroi sot kryetari i Komisionit Shtetëror të Zgjedhjeve (KSHZ), Aleksandar Dashtevski.

Raundi i parë i zgjedhjeve presidenciale do të mbahet të mërkurën e ardhshme më 24 prill.

Për shkak të zbatimit pa pengesë të zgjedhjeve presidenciale dhe parlamentare të planifikuara më 24 prill dhe 8 maj, Qeveria dje mori vendim që këto dy ditë të jenë ditë jo pune dhe të mos punohet.

Universiteti I Tetovës shënon 30 vjetorin e themelimit, sot në emisionin e pasditws në Televizionin Koha ishte i ftuar rektori i Universitetit Shtetror të Tetovës për të na treguar për së afërmi në lidhje me aktivitetet që do të shënojnë 30 vjetorin e themelimit të UT sipas rektorit të këtij Univeristeti Prof. Dr. Jusuf Zejneli, viti 2024 është vit jubilar për UT-  sepse këtë vit deri me 17 dhjetor do të realizohen aktivitete të shumta, bashkëpunime, që do ta shënojnë këtë vit jubilar që shënon 30 vjetorin e themelimit. Bartim përgjegjësi  sepse ky universitet është vlerë kombëtare  është dhënë shumë mund, sakrificë dhe gjak për të frymuar shqip, shprehet rektori prof. Dr. Jusuf Zejneli.

Me 25 prill do të jetë ‘’Dita e hapur” dhe ‘’Panairi I karrierës’ rektori thekson që: ftoj maturantët, të gjithë janë të mirëseardhur që të njihen me shumëllojshmërinë e programeve studimore të akriduara dhe atë ditë në panairin e karrierës do të jenë prezente dhe kompani që studentët do të mund të  kontaktojnë  me përfaqesues të kompanive dhe të shfaqin aftësitë e tyre, kjo do të ju shërbej si një urë lidhëse për krijimin e vendeve të punës. Janë bërë të gjitha përgatitjet nga ana e stafit, administratës dhe studentëve sepse kushtet në UT janë shumë të mira, me salla, parkingje, ambient I gjelbëruar i stilit europian. Kurse, dhe programet studimore, ai thotë që: jemi të shtrirë në 13 fakultete me afro 100 programe studimore në ciklin e parë, 100 programe studimore në ciklin e dytë, dhe jemi në akreditim të studimeve të ciklit të tretë.TV KOHA

Në dyert e Institucionit të Avokatit të Popullit në Maqedoninë e Veriut për çdo ditë trokasin qytetarët me ankesën se u shkelet e drejta e lëvizjes së lirë për shkak të paaftësisë së institucioneve për të realizuar detyrimet e marra nga Marrëveshja e Prespës, përkatësisht për të organizuar pajisjen me dokumente me emrin e ri kushtetues në afatin e paraparë me ligj – brenda 15 ditëve.

“Të gjithë qytetarët që kanë aplikuar për dokumente të reja presin më shumë se afati ligjor prej 15 ditësh, i cili është i paraparë me Ligjin për dokumentet personale. Në vazhdimësi marrim ankesa, edhe pse ky numër është në rënie. Qytetarët ankohen se kanë dorëzuar aplikimin para një muaji e më shumë, dhe dokumentet personale si pasaporta, letërnjoftimi apo patenta e shoferit dhe se ato nuk janë gati”, ka bërë të ditur për Radion Evropa e Lirë, institucioni i Avokatit të Popullit.

Një nga ata që tashmë më shumë se dy muaj pret për të marrë pasaportën, është edhe Daniella Nastevska, e cila thotë se rrezikon ta humbë biletën e prerë për të shkuar te vajza në Belgjikë e cila është para lindjes.

“Sapo fillojnë qytetarët të reagojnë, e mbyllin sportelin dhe s’marrim asnjë informacion. Më thonë se akoma nuk është gati, nuk është printuar. Nuk e kuptoj pse duhet aq shumë kohë për t’u printuar. Kam frikë se do t’më digjet bileta e aeroplanit që më nxorën fëmijët. Ndihem aq e pafuqishme, pasi nuk mund ta takoj vajzën në ditët e para që bëhet nënë”, thekson ajo për Radion Evropa e Lirë.

Bashkim Selmani, ligjërues në Fakultetin e Drejtësisë në Universitetin e Tetovës thotë për Radion Evropa e Lirë se me dy këmbë po shkelet e drejta e qytetarëve për sa i përket lëvizjes së lirë për shkak të mosdhënies me kohë të dokumenteve personale.

“As që diskutohet shkelja. Mirëpo, shqetësimi shtrohet se jo vetëm se nuk respektohen afatet, por askush nuk jep llogari për shkeljen e tyre. Shto këtu edhe mosorganizimin e qytetarëve që ta padisin shtetin për mosmarrjen me kohë të dokumenteve personale pasi Maqedonia e Veriut nga ai moment që do të fillojë të paguajë gjoba për shërbimet jofunksionale në bazë të së drejtës publike, do të marrë masa, në të kundërtën ky kaos me dokumentet personale do të vazhdojë edhe shumë kohë”, thotë Selmani.

Ai shton se Administrata e Maqedonisë së Veriut është gjenerator i depresionit te qytetarët për arsye se dokumentet elementare janë bazë kushtetuese, me të cilat qytetarët duhet të shërbehen në kohën e duhur brenda afateve ligjore.

“Nëse këto afate nuk respektohen, atëherë nuk kemi administratë, e cila ofron shërbim me dinjitet për qytetarët, por ajo përkundrazi i kufizon të drejtat e qytetarëve duke krijuar shumë shqetësime për ta”, thekson Selmani.

Nga Ministria e Punëve të Brendshme nuk japin detaje se sa qytetarë aktualisht nuk kanë asnjë dokument identifikimi valid, si pasaporta dhe letërnjoftimi.

Nga kjo ministri thonë për REL-in se nga 5 qershori i vitit 2021, kur ka filluar dhënia e dokumenteve me emrin e ri të shtetit, e deri më 4 prill 2024, për t’u pajisur me pasaportat e reja kanë aplikuar 1 milion e 491 mijë e 408 qytetarë.

“Ministria e Punëve të Brendshme me përforcimin e kapaciteteve, ka ndërmarrë masa që qytetarët sa më shpejt që është e mundur, t’i marrin të gjitha dokumentet”, kanë theksuar nga kjo ministri, pa dhënë më shumë detaje për vonesat për sa i përket marrjes së pasaportave nga afati i aplikimit.

Nga ky dikaster kanë theksuar se pasaporta me procedurë të shpejtuar, për të cilën paguhet dyfish më shumë, mund të merret brenda 48 orëve.

Pas ndryshimeve në Kodin Zgjedhor në mars të këtij viti mbi 100 mijë qytetarë do të mund të votojnë me letërnjoftim ose dokument udhëtimi, të cilit i ka skaduar afati i vlefshmërisë brenda nëntë muajve deri në ditën e zgjedhjeve.

Maqedonia e Veriut pritet t’i ndërrojë mbi 1 milion pasaporta
Për ndërrimin e targave nga MK në NMK, qytetarët duhet të paguajnë vetë
Por, dokumentet e pavlefshme nuk vlejnë në banka ose institucionet ku kërkohet përditësimi i të dhënave.

“Ankesat e qytetarëve janë nga më të ndryshmet për sa u përket problemeve, me të cilat përballen gjatë procedurës së pajisjes me dokumente personale. Ka dhe të tillë që u është bllokuar llogaria bankare pasi nuk mund të azhurnojnë të dhënat në bankë, megjithëse ky numër është më i vogël. Si preventivë kërkojmë që të gjendet zgjidhje nga ana e institucioneve kompetente”, thonë për Radion Evropa e Lirë nga Institucioni i Avokatit të Popullit.

Në bazë të Marrëveshjes së Prespës me Greqinë për ndryshimin e emrit të shtetit, që u arrit më 17 qershor 2018, qytetarët e Maqedonisë së Veriut u obliguan që deri më 14 shkurt të këtij viti t’i zëvendësojnë dokumentet personale, gjegjësisht pasaportat, letërnjoftimet dhe lejet e qarkullimit, me emrin e ri të shtetit, Maqedoni e Veriut.evropaelire

Prej nesër, përveç fushatës presidenciale që vazhdon deri në fillim të javës së ardhme, do të nisë edhe fushata për zgjedhjet parlamentare. Fushatat për zgjedhjet presidenciale dhe ato parlamentare mbivendosen, ndërsa fushata për zgjedhjet parlamentare do të zhvillohet edhe gjatë heshtjes për zgjedhjet presidenciale. Sonte pas mesnatës përfundoi afati për t’u paraqitur për të votuar për të pafuqishmit dhe të sëmurit për zgjedhjet presidenciale. Datat 24 prill dhe 8 janë ditë jo pune për të gjithë qytetarët e Republikës së Maqedonisë së Veriut. E sot përfaqësuesit e partive nënshkruan Kodeksin për zgjedhje korrekte dhe demokratike.

“Zgjedhje të lira, të drejta dhe demokratike. Me të lira nënkuptohet se nuk do të ketë ndikim ndaj të punësuarve në organet shtetërore por nënkuptohet se nuk do të ketë ndaj askujt presion sepse kjo nuk do të ishte votë e lirë”, tha Aleksandar Dashtevski, kryetar KSHZ.

Përfaqësues të partive politike dhe koalicionit, sot në Sallën e kristaltë të Shtëpisë ligjvënëse e kanë nënshkruar Kodin për gjedhje korrekte dhe demokratike parlamentare për zgjedhjet e njëmbëdhjeta parlamentare që do të mbahen më 8 maj.

Kryetari i Komsionit Shtetëror të Zgjedhjeve, Aleksandar Dashtevski theksoi se ky akt paraqet shprehje të vullnetit që të ruhet integriteti i procesit demokratik.

“Kodi është konfirmim për zhvillimin demokratik për shoqërinë tonë se të gjithë së bashku obligohemi në parimet e demokracisë. Përmes nënshkrimit të Kodit, nënshkruesit dërgojnë mesazh për zgjedhje korrekte dhe respektim të të gjitha rregullave, ligjeve dhe dispozitave, si dhe respektim të sundimit të drejtësisë dhe shtetit juridik gjatë organizimit të zgjedhjeve”, theksoi kryetari i Komsionit Shtetëror të Zgjedhjeve, Aleksandar Dashtevski.

Me nënshkrimin, thotë Dashtevski partitë politike obligohen se do ra respektojnë kodin etik dhe nuk do të përdorin gjuhë të urrejtjes në fushatën parazgjedhore.

Kandidati për president të shtetit, Bujar Osmani, konsideron se koalicioni “Vlen”  nuk ka tema dhe kreativitet në fushatën zgjedhore dhe prandaj “flasin për çështje të vjetra dhe të hapura”.

Në përgjigje të pyetjes së gazetarëve, ai ka reaguar ndaj deklaratës së një përfaqësuesi të koalicionit “Vlen” i cili pyeti nëse shqiptarët e meritojnë një kandidat për president për të cilin Prokuroria Speciale Publike në vitin 2016 hapi lëndën “Pacienti”.

“Është një hetim i filluar nga një prokuror që aktualisht ndodhet në burg dhe është në listën e zezë të SHBA-së. Prokuroria e ka mbyllur menjëherë rastin dhe nuk ka pasur asnjë akuzë sepse është vlerësuar se ndërtimi i spitalit në Tetovë ka qenë në përputhje me ligjet dhe se jo vetëm nuk është bërë dëm, por përkundrazi, është mbrojtur  interesi i shtetit. Ashtu që, nuk ka pasur as akuzë, por një tentativë për diskreditim politik nga një njeri që aktualisht është në listën e zezë amerikane, që tregon qartë se ka pasur përfshirje ruse në atë përpjekje për diskreditim. Absolutisht nuk ka lidhje kjo çështje. Ata tashmë kanë humbur idetë dhe kreativitetin në këtë fushatë, të frikësuar nga disfata e madhe”, deklaroi Osmani, duke iu përgjigjur në pyetjen e gazetarëve pas konferencës për shtyp për bashkësponsorizimin e rezolutës së KB-së për gjenocidin në Srebrenicë.

Shtoi se edhe pse nuk po merret me të tjerët në fushatë zgjedhore, do t’i kundërvihet kundërshtarit Arben Taravari me çështjen e legjitimitetit në Aleancën për Shqiptarët.

“Vendimi i gjykatës që, megjithatë, kundërkandidati im në mënyrë të paligjshme tentoi ta uzurpojë partinë e bën pak problematik dhe të padenjë për një fushatë. Për çështje të tilla duhet të bisedojmë, për të cilat ka vendime gjyqësore, e jo për këto çështje”, tha Osmani.

Sot do të rikthehemi në vitin 2016, kur funkciononte Prokuroria Speciale si inciativë nga faktori ndërkombëtar për zbardhjen e rasteve korruptive në RMV.

Në atë kohë, ajo që ra në sy ishte se shqiptari i parë dhe i vetëm i akuzuar, edhe atë në lëndën e quajtur PACIENT, ishte pikërisht zëdhënësi i BDI-së, sot kandidat për President, Bujar Osmani.

Por, çfarë në të vërtetë përmbante lënda PACIENT, për çka akuzoheshte Bujar Osmani?

Këtë do ta shpalosim sot, për herë të parë, detajisht.

Në hetim ekzistonte dyshimi i bazuar për keqpërdorim të detyrës zyrtare Ministër i Shëndetësisë si dhe autorizim të zyrtarëve dhe personave përgjegjës në procedurat e tenderimit për kryerjen e punimeve ndërtimore, ku kishte dyshime se është favorizuar kompania bullgare GBS Bllagoevgrad edhe përskaj faktit që ka pasur oferta më të lira nga kompani tjera, në disa objekte shëndetësore në vend, mes cilave edhe Spitalit Gjinekologjik Nënë Tereza në Çair. Vlera e tenderit ka qenë mbi 2 milion euro.

Të nderuar qytetarë, ne jemi mbledhur sot, pikërisht para Spitalit Gjinekologjik Nënë Tereza në Çair, për të përçuar porosi se nuk harrojmë!

Jemi mbledhur këtu gra, nëna, motra, vajza për të zbardh këtë skandal, që pikërisht kandidati i sotshëm për President ka qenë i akuzuar për keqpërdorime finansiare edhe në këtë objekt, i cili është i shenjtë për ne, e që për çdo ditë lindin bijat tona, motrat tona, shoqet tona.

Merreni me mend deri ku shkon lakmia e këtyrë personave për para, të keqpërdorin miliona euro nga vendi ku lindin të gjitha nënat nga Shkupi e më gjërë!

Publikisht pyesim, a meritojnë shqiptarët një kandidat të këtillë për President? Pyesim publikisht, nëse nuk e kanë hallin e qytetarëve, a mendojnë këto politikanë se ky spital mund të shfrytëzohet edhe nga të afërmit e tyre?

Qytetarët nuk do tia harrojnë asnjëherë Bujar Osmanit Pacientin. Ndoshta gjykatat e partizuara nga Artan Grubi edhe e kanë futur në ndonjë qosh këtë lëndë, por koha për përgjegjësi për atë që e kanë bërë po vjen, dhe për ato që e kanë fshehur lëndën gjithashtu.

Merreni me mend, këto miliona të përfolura kanë mundur të jenë krevate për nënat, pajisje për gjinekologët, punsime për motrat, kushte më të mira për foshnjet. Këto para të keqpërdorura kanë mundur të jenë mjete buxhetore për tu dhënë vendime atyre mbi 1700 të punësuarve në shëndetësi që janë me kontratë në vepër, e që assesi nuk po marrin vendime të përhershme.

Koha e dhënies llogari po vjen ndërsa qytetarët do e dënojnë këtë qeverisje kriminogjene!

NDRYSHIMI VLEN!

Kandidatja për presidente nga VMRO DPMNE, Gordana Siljanovska mbrëmë nga tubimi në Gjevgjelia porositi që nevojiten ndryshime kushtetuese, por të mos preket preambula. Sipas saj, Kushtetuta nuk është fletore numrash që të shkruhen të gjithë komunitetet e shteteve fqinje, por në të duhet të përcaktohen rregullat për kompetencat dhe çështjet e tjera.

“Pasi që të gjithë thonë se duhen ndryshime kushtetuese, unë them po nevojiten kushtetuese, por jo për ribërjen e preambulës dhe shndërrimin e saj në fletore numrash dhe radhitje të të gjithë fqinjëve të mundshëm pasi që atë askush nuk e bën, atje ka të tjerë, por, që të kemi ndarje të vërtetë të pushtetit, që t’i konstatojmë mirë kompetencat”, deklaroi Gordana Siljanovska, kandidate për presidente nga VMRO-DPMNE.