29/03/2024
18.9 C
Tetovo
Ballina Blog

(VIDEO) U keqpërdorën fondet për Erasmus +, megjithatë nuk do të ndalen!

Pasi Zyra Evropiane për luftën kundër mashtrimeve- OLAF, kërkoi që Maqedonia e Veriut t’i kthejë 2.2 milionë euro para evropiane që i janë dhënë vendit dhe më pas, sipas tyre janë keqpërdorur në programin “Erasmus Plus”, asnjë institucion shtetëror nuk ka reaguar ndaj kësaj kërkesë dhe akuze për keqpërdorim. Ndërsa, sot ambasadori europian në vend, David Geer, tha se Agjencia Nacionale duhet t’i zbatojë të gjitha rekomandimet e dhënga nga OLAF për “Erasmus Plus”.  Euroambasadori shtoi se megjithatë,  nuk do të reduktohet buxheti i ndarë për programin në fjalë.

DAVID GEER, AMBASADOR I BE-SË

“Në përputhje me procedurat standarte nuk komentojmë vendimet të marra nga OLAF. Ky është organ i Bashkimit Evropian për hetimin e mashtrimeve. Presim që Agjencia Nacionale “Erasmus Plus” në Maqedonia е Veriut t’i zbatojë  të gjitha rekomadimet e dhënga nga OLAF. Ne vazhdojmë të kemi besim  në punën e Agjenciës “Erasmus Plus”, që do të se mbetemi të bindur se buxheti i ndarë për Erasmus Plus nuk do të zvoglohet. Programi do të mbetet përfitues nga i cili do të përfitojnë nxënësit, studentët, të rinjtë dhe universitetet”

Shteti përmes Agjencisë Kombëtare për Programet Arsimore Evropiane dhe mobilizim dohet t’i kthejë Komisionit Evropian 2.2 milionë euro, për të cilat ka gjetje që janë keqpërdorur, përmes programit Erasmus Plus. Sipas Komisionit Evropian, janë konstatuar parregullsi në lidhje me dosjet e projekteve të 22 perfiituesve të granteve nga programi Erasmus Plus. Sipas kësaj, kërkohet rimbursim prej 2.276.212 euro, mjete të cilat janë ndarë si grante nga viti 2016 deri në vitin 2018.

Shteti edhe vitin e kaluar ka marrë njoftim nga Zyra për luftën kundër mashtrimeve për kthimin e parave , ndërsa nevojën për rimbursim e ka konfirmuar këtë muaj Drejtoria e Përgjithshme për Arsim, Sport dhe Kultur të Rinisë në Komisionin Europian. Linda Ebibi /SHENJA/

Ahmeti konfirmon: Nesër nënshkruhet marrëveshja me Selën, do jetë bartës në Njësinë Zgjedhore pesë

Kryetari i BDI-së, Ali Ahmeti, u pyet lidhur me nënshkrimin e marrëveshjes me Aleancën e Zijadin Zelës.
Ahmeti tha se marrëveshja me Aleancën e Selës do të nënshkruhet nesër, ndërsa konfirmoi se bartës në njësinë zgjedhore numër 5 do të jetë Zijadin Sela.
Ahmeti po ashtu tha se në zonën zgjedhore numër 3 bartës do të jetë Sulejman Baki.

Ali Ahmeti: Ky Front nuk është i përkohshëm, por afatgjatë për t’i realizuar edhe ato gjëra që na kanë mbetur

Lëvizja e Turqve të Maqedonisë për Drejtësi dhe Demokraci dhe Bashkimi Demokratik sot kanë nënshkruar marrëveshje për bashkëpunim për zgjedhjet e ardhshme presidenciale dhe parlamentare. Kryetari i BDI-së, Ali Ahmeti, tha se edhe komuniteti turk në Maqedoni ka përjetuar të njëjtat fate sikurse edhe populli shqiptarë.

Ahmeti tha se ky Front i përbashkët do të përpiqet për barazi të plotë për të gjithë, sado që të vogël të jenë komunitetet në këtë vend.

“Ky vend është i madh edhe për të vegjlit. Një demokraci e përparuar së pari përkujdeset për komunitetet e vogla. Sepse komunitetet e vogla janë ata që e ndërtojnë lojalitetin ndaj shtetit”, deklaroi Ali Ahmeti, raporton SHENJA.

Ai tha se një shtet është i fortë kur të gjithë qytetarët janë lojalë ndaj shtetit.

“Të fort i keni vëllezërit tuaj, në front keni BDI-në, sepse lufta e 2001 nuk përmirësoj statusin jo vetëm të shqiptarëve, në atë luftë kanë marrë pjesë edhe pjesëtarë të komuniteti turk, romë dhe boshnjak”, u shpreh më tej Ali Ahmeti.

Ahmeti tha se ky bashkim rreth këtij fronti nuk është i përkohshëm por afatgjatë, për t’i realizuar edhe ato gjëra që kanë mbetur pa i bërë.

“Ta realizojmë qëllimin tonë të përbashkët që këtë shtet, ta integrojmë në BE, dhe të gjithë bashkë të ndërtojmë të forcojmë demokracinë e vërtetë që brezat që vijnë të mos kenë punë e përpjekje se si të avancojnë të drejtën e tyre në shtetin e tyre”, tha mes tjerash Ahmeti.

MPPS: E hënë, dita e dytë e Pashkëve, sipas kalendarit gregorian, ditë jopune për qytetarët e besimit katolik

Ministria e Punës dhe Politikës Sociale kumton se sipas Ligjit për festat, 1 prilli 2024 (e hënë), dita e dytë e Pashkëve, sipas kalendarit gregorian, është ditë jopune për qytetarët e besimit katolik në Republikën e Maqedonisë së Veriut.

Ministria e Punës dhe Politikës Sociale qytetarëve të besimit katolik ua uron festën.

ASHMAA: Është miratuar udhëzimi për transmetuesit për Zgjedhjet Presidenciale dhe Parlamentare 2024

Agjencia për shërbime mediatike audio dhe audiovizuele (ASHMAA), për të qartësuar mënyrën e zbatimit të rregullave të Kodit Zgjedhor, ka miratuar udhëzim për transmetuesit për zgjedhjet presidenciale dhe parlamentare të vitit 2024.

Siç kumtuan sot nga ASHMAA, me udhëzimin janë mbuluar rregullat për kufijtë e reklamës politike me pagesë (RPP), përcaktimin e reklamuesit, shpërndarjen e kohës në lajme në Shërbimin Publik, prezantimin politik falas në kanalin parlamentar, sigurimi i aksesueshmërisë së përmbajtjes për procesin zgjedhor për personat me aftësi të kufizuara, rregullat e raportimit në ditët e heshtjes zgjedhore, veçanërisht për periudhën e përputhjes së dy proceseve zgjedhore.

“Gjatë fushatës zgjedhore për zgjedhjet presidenciale, në raundin e parë të votimit, transmetuesit mund të transmetojnë gjithsej nëntë minuta e tridhjetë sekonda kohë shtesë reklamuese në një program transmetimi me orë reale, ekskluzivisht për RPP. Në udhëzimin është përcaktuar saktësisht ndarja e këtyre minutave në mesin e shtatë parashtruesve të listave/kandidatëve për president. Në raundin e dytë të votimit, koha totale e RPP-së do të varet nga koha e RPP-së së përdorur nga parashtruesit e listave/kandidatët për president të cilët do të vazhdojnë fushatën zgjedhore në raundin e dytë, theksohet në kumtesën.

Gjatë fushatës zgjedhore për zgjedhjet parlamentare, sqarohet në kumtesën, transmetuesit kanë të drejtë në nëntë minuta e tridhjetë sekonda shtesë për reklamim në kohë reale, ekskluzivisht për RPP. Pas konfirmimit të listave të dorëzuara të kandidatëve për deputetë nga Komisioni Shtetëror i Zgjedhjeve, Agjencia përkatësisht do të plotësojë udhëzimet për transmetuesit për zgjedhjet presidenciale dhe parlamentare të vitit 2024.

“Gjatë heshtjes zgjedhore për Zgjedhjet Presidenciale, më 23 dhe 24 Prill (deri në orën 19:00) 2024, vazhdon fushata zgjedhore për Zgjedhjet Parlamentare, por ndërpritet mbulimi mediatik në lajmet dhe emisionet speciale-informative të pjesëmarrësve në fushatat zgjedhore për dy proceset zgjedhore”; shtohet në kumtesën nga ASHMAA.

Shërbimi publik dhe stacionet televizive të nivelit shtetëror që do të publikojnë reklama politike me pagesë, duhet të transmetojnë përmbajtje në lidhje me procesin zgjedhor në një format të aksesueshëm për personat me aftësi të kufizuara.

Udhëzimet për transmetuesit për zgjedhjet presidenciale dhe parlamentare të vitit 2024 janë në dispozicion në ueb faqen www.avmu.mk.

ESHS: Në gjysmën e dytë të vitit 2023 energjia elektrike u shtrenjtua për 8.2%

Sipas të dhënave të Entit Shtetëror për Statistikë, në gjysmën e dytë të vitit 2023, çmimi mesatar i energjisë elektrike për amvisëritë në vend ka qenë 7.289 denarë për KWh, që paraqet rritje prej 8.2% në krahasim me gjysmëvjetorin e parë.

Çmimi mesatar i energjisë elektrike pa tatim të vlerës së shtuar për konsumatorët, përveç amvisërive, lëviz nga 6.756 deri në 12.393 denarë për KWh sipas grupeve të konsumatorëve.

Çmimi mesatar i gazit natyror pa tatimin e vlerës së shtuar për konsumatorët përfundimtar, përveç amvisërive, lëviz prej 36.858 deri në 48.300 denarë për nm3 sipas grupeve të konsumatorëve.

Çmimi mesatar i shitjes me pakicë të gazit natyror për amvisëritë është 51.257 denarë për nm3.

“Aktorët politikë burimi kryesor i “ndotjes” së hapësirës mediatike”

Me afrimin e zgjedhjeve presidenciale dhe parlamentare, retorika e dëmshme mes aktorëve politikë intensifikohet, tregon Raporti i ri i Institutit për Studime të Komunikimeve, i cili mat narrativet e dëmshme politike në dy muaj e fundit. Raporti shton se aktorët politikë janë burimi kryesor i, siç thonë ata, i “ndotjes” së hapësirës mediatike dhe janë gati për “fushatë të zezë”.

“Te VMRO-DPMNE-ja narrativet e dëmshme më së shumti i drejtohen LSDM-së dhe BDI-së, të cilat partia opozitare i paraqet si “struktura kriminale, të papërgjegjshme dhe që nuk marrin parasysh interesat kombëtare”. LSDM, nga ana tjetër, shpeshherë e cilëson VMRO-DPMNE-në si “frenues i integrimit evropian” dhe e akuzon për qeverisje të korruptuar në institucionet lokale në mbarë vendin. “E Majta” shënjestron LSDM-në dhe BDI-në, por nuk kursen as VMRO-DPMNE-në, duke u paraqitur si një parti e vogël që punon për qytetarët kundër blloqeve të mëdha partiake” – Raport për narrativet e dëmshme politike.

Sipas Raportit, populizmi është gjithashtu në rritje, kështu që vërehet se pothuajse të gjitha subjektet politike kanë tendencë të paraqiten si në anën e popullit, duke përfaqësuar interesat e tyre në krahasim me kundërshtarët e tyre politikë. Me afrimin e datës së zgjedhjeve, edhe gjuha e përdorur është më e mprehtë. Akuzat për ndikim të huaj ishin dhe janë element i pashmangshëm i hulumtimit.

“Nëse në periudhën paraprake akuza të tilla i drejtoheshin kryesisht “Të Majtës” dhe VMRO-DPMNE-së, për të cilat LSDM-ja në pushtet pretendonte pa prova se janë nën ndikimin rus, është risi që Lidhja Evropiane për Ndryshim në janar dhe shkurt fokusohet në sulmet kundër Ali Ahmeti dhe përfaqësuesit e lartë të BDI-së, veçanërisht për temën e ndikimit negativ të jashtëm nga kryeministri i Kosovës, Albin Kurti, në politikën e brendshme. Nga ana tjetër, BDI shpeshherë akuzon kundërshtarët politikë nga partitë shqiptare për “lidhje ruse” dhe vë në dukje narrative etnocentrike dhe retorikë dikotomike “PO për Evropën, JO për Rusinë” që po merr përmasa me kandidaturën për president të vendit” – Raport për narrativet e dëmshme politike.

Sipas Raportit, shqetëson fakti i kritikave të shpeshta të aktorëve politikë me ndikim, si nga ish-kryeministri Kovaçevski, ashtu edhe nga lideri i opozitës Mickoski, ndaj mediave, gjë që nxit klimë mosbesimi dhe shkelje të lirisë së shprehjes. /Alsat.mk

Trençevska: Do të ndërtohen çerdhe të reja me çka problemi me listat e pritjes do të tejkalohet

Zëvendës ministrja shtesë e Punës dhe Politikës Sociale tha se ekziston listë pritjeje për regjistrimin e fëmijëve nëpër çerdhet e Shkupit dhe rrethinës. Trençevska vlerëson se me ndërtimet e çerdheve të reja ky problem do të tejkalohet, ndërsa qëllimi është që në vitin 2028, përqindja e fëmijëve të përfshirë në procesin arsimor parashkollor të rritet në 70 përqind.

”Lista e pritjes ekziston në komunat e Shkupit, në Qytetin e Shkupit, ku është problem më i madh për përfshirjen e fëmijëve në edukim dhe arsimim parashkollor. Pikërisht për këtë në të gjitha komunat e Shkupit kemi ndërtuar kapacitete shtesë të objekteve të reja dhe në dhjetor 2023, Qeveria ndau 4 milion euro për komunën Gjorçe Petrov, Karposh, Butel dhe Kisella Vodë, për ndërtim të çerdheve të reja, me çka problemi me listat e pritjes do të tejkalohet”, u shpreh Jovanka Trençevska, Zv ministre shtesë e Punës dhe Politikës Sociale.

Ndërsa ministri teknik, Gjoko Vellkovski kohë më parë pati deklaruar se ndër problemet kryesorë të çerdheve është edhe mungesa e kuadrit.

“Akoma 5000 fëmijë janë në listën e pritjes nëpër çerdhe, kjo nënkupton se kushtet hapësinorë nuk janë të mjaftueshme në pjesën më të madhe të komunave në Maqedoni. Pastaj këtu është problem me kuadrin, respektivisht pëlqimet që nuk i kanë marrë në disa vitet e fundit si kuadër, që të mund t’i plotësojnë vendet e zbrazëta nga pensionimet, ikjet prej punës dhe të ngjajshme”, kishte deklaruar Gjoko Vellkovski, Ministër i Punës dhe Politikës Sociale.

Më këtë pohim të ministrit teknik nga radhët e VMRO-DPMNE-së nuk pajtohet Trençevska. Sipas saj gjatë këtyre viteve nëpër çerdhe janë punësuar 2881 persona. /Alsat.mk

Shpallet konkursi për regjistrim në shkollat ​​e mesme në Maqedoninë e Veriut

Ministria e Arsimit dhe Shkencës sot ka shpallur Konkursin për regjistrimin e nxënësve në shkollat ​​e mesme publike për vitin akademik 2024/2025.

Në konkurs janë theksuar vendet e lira në shkollat ​​e qytetit të Shkupit dhe komunat në mbarë vendin për shkollat e mesme, arsimin profesionale dhe artistike, për shkollën e mesme matematiko-informatike, Akademinë Sportive dhe për shkollat ​​për mësim të nxënësve me nevoja të veçanta arsimore.

Regjistrimi i studentëve do të jetë elektronik përmes lidhjes në portalin e shërbimeve elektronike të Ministrisë së Arsimit dhe Shkencës https://e-uslugi.mon.gov.mk me njoftim të veçantë për nxënësit e shkollave të mesme përmes llogarive të tyre përdoruese në Schools.mk .

Në periudhën e regjistrimit të qershorit janë dy regjistrime elektronike – i pari do të jetë nga data 20 qershor deri më 25 qershor, kur do të dorëzohet në shkolla dokumentacioni i nevojshëm. Renditja përfundimtare nga regjistrimi i parë do të jetë më 26 qershor.

Regjistrimi i dytë elektronik do të bëhet në datat 1 dhe 2 korrik 2024, kur edhe dokumentet do të dorëzohen në shkolla, ndërsa listën përfundimtare të renditjes me rezultatet e regjistrimit dhe vendet e lira secila shkollë do t’i publikojë më 3 korrik të vitit 2024.

Në afatin e regjistrimit në gusht, regjistrimi do të bëhet më 21 gusht të vitit 2024.

Në konkurs janë përmbajtur kushtet dhe kriteret e regjistrimit, udhëzimet për zbatimin e konkursit, afatet e regjistrimit me detaje për kalimin e testeve kualifikuese dhe publikimin e rezultateve.

Lëvizja e Turqve të Maqedonisë sot edhe zyrtarisht pjesë e “Frontit Europian”

Vazhdon zgjërimi i “Frontit Europian”. Pjesë e këtij fronti të udhëhequr nga Bashkimi Demokratik për Integrim do të bëhet edhe Lëvizja e Turqve të Maqedonisë, raporton indeks.mk

Për këtë kanë njoftuar nga Bashkimi Demokratik për Integrim.

Nga partia e Ahmetit thonë se nënshkrimi i koalicionit do të bëhet në ora 14:00 në hotel Holiday Inn në Shkup.

“Konferencë për shtyp e z. Ali Ahmeti, me rastin e firmosjes së marrëveshjes së koalicionit me përfaqësuesit e Lëvizjes së Turqëve të Maqedonisë për Drejtësi dhe Demokraci, z. Salih Murat dhe Prof.Dr. Süleyman Baki”, thonë nga press qendra e BDI-së.