Home Blog

E kapin flakët e zjarrit një shtëpi në Kërçovë, lëndohen dy persona

Me 19.01.2019 rreth orës 09.00 në Stacionin Policor në Kërçovë është lajmëruar se në rrugën “Udha e vllehve” në Kërçovë, në shtëpinë në pronësi të H.M.(63) është shkaktuar një zjarr ku janë lënduar E.M.(27) dhe R.M.(68) nga Manastiri.

E.M. dhe R.M. iu është dhënë ndihmë mjekësore në Qendrën Mjekësore në Kërçovë. Zjarri është shuar nga ana e ekipit të zjarrfikësve në Kërçovë, ndërsa kontroll në vendngjarje ka kryer ekipi i Stacionit Policor në Kërçovë.

Katër persona e sulmojnë fizikisht një shkupjan në Krushevë

Me 19.01.2019 në ora 02.50 në Stacionin Policor në Krushevë, N.H.L.(19) nga Shkupi ka lajmëruar se ditën e njëjtë rreth orës 02.20 në Krushevë është sulmuar fizikisht nga personat M.F., M.Z. dhe dy persona tjerë me të cilët paraprakisht ka pasur një zënkë në një klub nate në Krushevë.

Pas dokumentimit të tërësishëm të rastit do të ngriten padi adekuate penale.

Shkup: I vdekur dërgohet në klinikë një fëmijë një mujor

Me 19.01.2019 në ora 06.37 në SPB Shkup është lajmëruar se në poliklinikën “Cento” në Shkup është dërguar i vdekur një fëmijë një muajsh nga lagja Ilinden në Shkup.

Gjatë bisedës me zyrtarët policor, prindërit e fëmijës së vdekur A.A.(26) dhe I.A.(26) kanë thënë se ditën e njëjtë rreth orës 06 në krevat në dhomë e kanë gjetur fëmijën duke mos dhënë shenja jete, ndërsa paraprakisht ka pasur probleme me frymëmarrjen.Me urdhër të

Prokurorit Publik, trupi i fëmijës është dërguar për obduksion.

Aleanca për Shqiptarët – Halil Kastratit: Donacioni me para haram nuk quhet i tillë

Pas publikimit të lajmit për aktivitetet humanitare të humanistit mbarëshqiptarë Halil Kastrati në rajonin e Strugës, ka reaguar partia e Ziadin Selës. Ajo ka akuzuar Kastratin se po pranon dhe po shpërndan donacione me para ‘haram’, duke aluduar në personat nga fotografia e postuar në rrjetet sociale, të cilit ishin zotuar për të ndihmuar familjet në nevojë.

Në vazhdim reagimi i plotë i Aleancës për Shqiptarët:

“Lajmi që u përhap dje për vizitën në qytetin tonë të humanistit të madh, të nderuarit Halil Kastrati, gëzoi gjithë Strugën. Misioni i tij i shenjtë për të strehuar familjet në nevojë në gjitha trojet shqiptare dhe jo vetëm, e bën atë personazhin kryesor të këtij dhjetëvjeçari.
Mirëpo, takimi i hoxhës së nderuar me këta persona në fotografi dhe lajmi se nga kjo tavolinë do të jepen 5 mijë euro për çdo banesë që blihet për familjet nga Struga, sikur e zbehu lajmin e gëzueshëm për ndihmë të një familjeje strugane.
I nderuari, Halil Kastrati duhet ta dijë se personat që i ka takuar aty, muslimanë dhe humanë bëhen vetëm kur duan të mbulojnë një pisllëk tjetër të tyrin.
Ata persona në atë tavolinë, po vrasin përditë indin kombëtar shqiptar, duke tregtuar diploma dhe dije false.
Ata persona në atë tavolinë, për çdo ditë po vjedhin dhe rrjepin xhepat e qytetarëve duke krijuar pasuri marramendëse për veten dhe familjet e tyre.
Ata persona në fotografi, po rrjepin përditë qytetarët, që duan të legalizojnë shtëpitë e tyre të ndërtuara me mund e sakrificë. Këto shtëpi nuk legalizohen nëse më parë nuk paguhet shpërblimi tek këta apo njerëz të urdhëruar nga këta persona.
Ata persona në atë tavolinë, lanë në rrugë qindra familje strugane vetëm për të realizuar qëllimet e tyre të fëlliqura. Të hakmerren ndaj atyre që nuk i votuan.
Në oborret e tyre qëndrojnë të parkuara automjete me vlerë prej qindra mijëra eurosh. Nga një makinë për çdo anëtarë të familjes. E gjithë kjo pasuri është krijuar në kurriz të qytetarëve të Strugës e jo vetëm. Pasuri me para të pista.
Donacioni humanitar me para “haram” nuk quhet i tillë.
Struganët i njohin mirë ata persona në fotografi. E dinë edhe se si i kanë fituar dhe i fitojnë paratë për çdo ditë.
Këtë, prej sot duhet ta dijë edhe i nderuari Halil Kastrati.
Në Strugë ka plotë njerëz të mirë dhe humanë, që me gjithë dëshirë do ti kishin ndihmuar kauzës së humanistit më të shquar shqiptar.

Me shumë respekt dhe konsideratë të lartë për veprën e Hoxhës së nderuar,
Aleanca për Shqiptarët – Strugë”- thuhet në reagimin e ASH-së.

ZHBOGAR PËR REL: OPTIMIST PËR VENDIMIN E PARLAMENTIT GREK | VIDEO

Ambasadori i Bashkimit Evropian në Shkup, Samuel Zhbogar ka shprehur bindjen se pas ratifikimit të Marrëveshjes së Prespës dhe miratimit të ndryshimeve kushtetuese, në Maqedoni, të njëjtën do ta bëj edhe Greqia, për shkak se, ka thënë ai, për arritjen e saj të dyja palët kanë treguar vendosmëri, përkushtim dhe liderizëm.

‘Ajo që shoh është përkushtimi i kryeministrit grek që të ratifikojë Marrëveshjen në parlamentin grek. Unë besoj në përkushtimin dhe vendosmërinë e tij dhe mendoj se duhet të jemi optimistë dhe të përqëndrohemi kah zhvillimet pozitive’. -tha Samuel Zhbogar – Ambasador i BE-së në Shkup.

Në intervistën dhënë Radios Evropa e Lirë, Zhbogar ka lënë të kuptohet se me zbatimin e Marrëveshjes së Prespës realisht përshpejtohet procesi i integrimit të vendit në familjen evropiane. I pyetur se çfarë do të ndodhë nëse Maqedoni deri në qershor nuk ia del të përmbush reformat e kërkuara, kryediplomati evropian në Shkup përgjigjet se nuk duhet menduar për skenarë negativ, por – për përmbushjen e reformave. Në këtë rrafsh ai ka ka vlerësuar pozitivisht punën që është bërë në reformimin e gjyqësorit për ndryshimin e shumë ligjeve dhe respektimin e rekomandimeve të Komisionit të Venecias. Sipas tij, duhet ndryshuar sjelljen, mentalitetin dhe kjo, thotë diplomati evropian, kërkon më shumë kohë sesa dryshimi i ligjeve:

‘Duhet kohë, por parësore është se duhet një përkushtim real edhe i politikanëve edhe i gjykatave. Tek tani duhet të shikojmë ndryshimet e vërteta në gjyqësor. Ndryshimet e vërteta nënkuptojnë se gjyqësori është tërësisht i pavarur, rezistent ndaj ndikimeve nga politika, se është imun ndaj autocensurës, se është profesionist, i efektshëm, i sinqert, se gëzon besimin e qytetarëve dhe kjo tani duhet të arrihet, për shkak se fjala është për një proces, por me një përkushtim dhe vendosmëri të vërtetë të politikanëve dhe para së gjithash të gjyqësorit, mendoj se kjo është e arritshme.’ –deklaroi Samuel Zhbogar – Ambasador i BE-së në Shkup

Duke folur për amnistimin e debatueshëm të personave të implikuar në ngjarjet e dhunshme në Kuvendin e Maqedonisë, shefi i misionit të Bashkimit Evropian në Shkup, thotë se ka mirëkuptim për këtë shqetësim në publik.

‘Ne instistojmë se proceset duhet të vazhdojnë për ata të cilët shkaktuan dhunën dhe i organizuan ato dhe të cilat do të vazhdojnë. Domethënë në një moment, gjatë procesit gjyqësor, do të jepet përgjegjësi për ato ngjarje. Në të njëjtën kohë ne e kuptojmë nevojën për pajtim në shoqëri, për shkak se ekziston një polarizim i madh brenda saj’. shprehet Samuel Zhbogar – Ambasador i BE-së në Shkup.

Ambasadori i Bashkimit Evropian është lutur të komentojë edhe reagimet negative të qarqeve maqedonase për shpalljen në gazetën zyrtare të Ligjit për gjuhët me të cilin zyrtarizohet përdorimi i gjuhës shqipe, përkundër mosdrekretimit për të dytën herë nga presidenti maqedonas. Në vend të kësaj, Zhbogar ka arsyetuar nevojën e botimit në gazetën zyrtare të Marrëveshjes së Prespës, të ratifikuar, dhe të ndryshimeve kushtetuese, po ashtu të kundërshtuara nga shefi i shtetit, duke lënë të kuptohet se kompetente për vlerësim mbetet – Gjykata Kushtetuese.

“Gjuha shqipe”, Osmani: Deri në majën e piramidës shtetërore

Gjuha shqipe do të jetë zyrtare në nivel vertikal deri në majën e piramidës shtetërore nëpër rajonet ku jetojnë shqiptarët, deklaron zëvendëskryeministri Bujar Osmani.

Sipas tij do të ketë edhe nga ata të cilët do të tentojnë të gjejnë alibi për mos përdorim, andaj dëshiron qytetarët të jenë të përgatitur sepse kjo rrugë do të jetë me shumë sfida.
“Me ligjin e ri gjuha shqipe do të jetë zyrtare në nivel vertikal deri në majën e piramidës shtetërore.

Në Presidencë, Parlament, Qeveri, ministritë, në gjyqësor dhe institucione tjetra nëpër rajonet ku jetojnë shqiptarët. Këtu ka disa specifika që duhet një prej palëve të jetë shqiptarë, për shembull duhet të jetë ministri, administratori, udhëheqësi, qytetari ose një prej palëve në komunikim zyrtarë me shtetin duhet të jetë shqiptarë që të jetë gjuha shqipe në përdorim zyrtar.

Do të ketë bojkot edhe të hapur dhe të fshehur nga ata të cilat do të tentojnë të gjejnë alibi për mos përdorim, ose do të gjejnë alibi se kinse nuk kemi përkthyes, pajisje ose teknologji, kështu që dua që qytetarët të jenë të përgatitur se nuk do të jetë rruga e shtruar kjo do të jetë me shumë sfida” – tha zv.kryeministri për çështje Europiane, Bujar Osmani.

Makina në lëvizje merr flakë, digjet plotësisht

Një makinë ka marrë flakë në ecje mbrëmjen e sotme, pranë tunelit në rrugën Elbasan-Tiranë, në orën 21:20.

Për pasojë është shkrumbuar totalisht automjeti tip Benz, ku për fat të mirë nuk ka të lënduar në njerëz.

Personat që ndodheshin në makinë u hodhëm menjëherë nga automjeti sapo konstatuan flakët.

Burime nga policia thanë për Noa.al se zjarri dyshohet të jetë shkaktuar si pasojë e ndonjë problemi teknik në mjet.

Dy zjarrfikëse shkuan në vendin e ngjarjes për të vënë nën kontroll flakët që përpinë automjetin.

“Luftë” në Athinë, plagosen protestues dhe efektivë policie shkaktare është Maqedonia

Protesta e sotme në Athinë degjeneroi në përplasje të ashpra mes tubuesve dhe efektivëve të policisë.

Qytetarët grekë janë kundër marrëveshjes së “Prespës” mes Greqisë dhe Maqedonisë për çështjen e emrit të kësaj të fundit.

Bomba molotov, sende të forta dhe mjete të tjera u hodhën në drejtim të forcave policore, të cilat u përgjigjën me shkopa gome dhe ujë.

44 të lënduar raportojnë mediat helene, mes të cilëve edhe 25 policë.

Protesta mbahet përpara Parlamentit, ku mendohet se janë rreth 60 mijë qytetarë.

Nesër, priten diskutime të forta në Kuvendin grek ku do të votohet ose jo marrëveshja për emrin e Maqedonisë.

Publicistja Flaka Surroi godet Halil Kastratin, flet zi e terr për të

Publicistja Flaka Surroi ka sulmuar Halil Kastratin për aktivitetin e tij bamirës që po e zhvillon çdoherë në praninë e kamerave.

Surroi pa përmendur emra, ka shkruar se kurrfarë bamirësie nuk është ajo e cila përcillet me kamera e komunikata për shtyp.

“Kurrfarë bamirësie nuk është ajo të cilën e përcjellin kamerat dhe kumtesat për shtyp. Është, për më tepër, keqpërdorim i atyre, që për fat të keq, kanë nevojë që dikush t’iu ndihmojë që të mbijetojnë. Nëse bash keni vendosur të ndihmoni, bëjeni qetazi, për ndërgjegje, e jo për reklamë” ka shkruar Surroi.

Ndryshe, gjatë natës së mbrëmshme humanisti, Halil Kastrati bëri të ditur se më 17 shkurt do t’i dhurojë 17 banesa për njerëzit në nevojë.

Po ashtu mbrëmë në emisionin ‘Oxygen’ dhuroi një shtëpi për një familje në nevojë. Ishte kjo skenë që irritoi shumë njerëz, të cilët thonë se ndihma duhet të bëhet në heshtje./Periskopi/

Nxënësit nesër kthehen në bankat shkollore

Pas tre javëve pushim dimëror, rreth 270.000 nxënës të shkollave fillore dhe të mesme, mes të cilëve edhe 20.000 nxënës të klasës së parë do të kthehen në mësim për gjysmëvjetorin e dytë të vitit shkollor 2018/2019.

MASH para një jave kumtoi se për anulim eventual të gjysmëvjetorit të dytë për shkak të fruthit do të jetë në koordinim me ministritë të Shëndetësisë të Punës dhe Politikës Sociale, por Komisioni për sëmundje ngjitëse i Ministrisë së Shëndetësisë para dy ditëve tha se nuk ka vazhdim të pushimit dimëror për nxënësit.

Ministri Arbër Ademi kohë më parë ka informuar se është në fazën finale projekt-versioni i dytë i ligjit të ri për arsimin fillor dhe se së shpejti do të publikohet në regjistrin elektronik të rregullave – ENER.

Dy vëllezër plagosin një person për ti marrë hakun e babait

Dy vëllezër në bashkëpunim me njeri tjetrin, kanë goditur me sende të forta një person, duke e lënë të plagosur.

Daniel Gj., 21 vjeç, bashkë me vëllanë e tij 27-vjeçar, në bashkëpunim me njëri-tjetrin gjatë mbrëmjes së të premtes në Fier, kanë goditur me mjete të forta shtetasin E.A., 42 vjeç.

Si pasojë e dëmtimeve të marra, i plagosuri u dërgua në spitalin e Fierit dhe më tej në atë të Traumës, në Tiranë, ku ndodhet në gjendje të rëndë.

Dyshohet se gjithçka ka ndodhur pas një sherri, i cili ka degraduar në dhunë. Kjo pasi i dëmtuari më herët, ishte zënë me babanë e dy djemve, duke bërë që këta të fundit të marrin hak.

21-vjeçari u vu në prangat e policisë, ndërkohë që vëllai i tij u shpall në kërkim.

Lidhur me këtë ngjarje materialet iu referuan Prokurorisë së Fierit, për veprën penale “Plagosje e lehtë me dashje” e kryer në bashkëpunim.

Arrestohet 20 vjeçari shqiptar që kishte vjedhur mbi 40 mijë euro | FOTO

Një i ri shqiptar, i cili akuzohet për disa vjedhje është arrestuar në Raguza të Italisë. Bëhet fjalë për njëzetvjeçarin, Arxhens Zykollari.

Aksionet e policisë në qytetin italian u intensifikuan pas shtimit dhe denoncimeve të rasteve nga qytetarët, të cilëve iu janë plaçkitur shtëpitë, dyqanet si dhe mjete të tjera përfshirë biçikleta dhe televizorë.

Hetuesit lokalë kanë rindërtuar skemën e shumë vjedhjeve të rënda dhe hetimet janë duke u zhvilluar më tej, pasi dyshohet se i riu ka kryer shumë më shumë vjedhje. Ai është identifikuar në saj të imazheve të kamerave të sigurisë.

Deri më tani, ndaj 20 vjeçarit janë regjistruar mallra të vjedhura me vlerë mbi 40 mijë euro, që nisin nga biçikletat profesionale, televizorët, telefonat, tabletat, kompjuterat e deri tek vjedhja e naftës.

Ai nuk bënte dallime tek objektet që do të vidhte, duke nisur nga baret, palestrat, restorantet, dyqanet bujqësore, dyqanet e duhanit dhe dyqanet e biçikletave.

Të gjithë pajisjet e konfiskuara u dorëzuan më pas tek poseduesit e tyre. Shqiptari aktualisht ndodhet në burg.

Persona të maskuar grabisin argjendarinë në qendër të qytetit

Një argjendari ka rënë pre e maskave në orët e para të mëngjesit të sotëm në qytetin e Lushnjës.

Mësohet se ngjarja ka ndodhur rreth orës 5 të mëngjesit të kësaj të diele, ndërsa dyshohet se kanë qenë katër persona të maskuar ata që kanë kryer grabitjen.

Sipas të dhënave të para, raportohet se shuma e vjedhur kap vlerën e 10 milionë lekëve të rinj.

Policia e cila ka mbërritur në vendin e ngjarjes ka nisur hetimet po punon për zbardhjen e plotë të saj si dhe identifikimin dhe kapjen e autorëve.

Halil Kastrati premton 17 banesa për 17 Shkurt

Halil Kastrati është një nga humanistët më të mdhenj shqiptar.

Kastrati sonte është i ftuar në Emisionin e Besim Dinës, “Oxygen Show”.

Ai në këtë emision premtoi se do t’i dhurojë 17 banesa të reja për 17 Shkurt, për ditën e pavarësisë.

Ju kujtojmë se Imami Kastrati ka dhuruar 28 banesa për 28 Nëntorin.

Kastrati udhëheqë Fondacionin “Jetimët e Ballkanit”

Shkollat e Tetovës gati për të pritur nxënësit në gjysmëvjetorin e dytë |VIDEO

Të gjitha shkollat fillore dhe të mesme në në komunën e Tetovës, i kanë kryer të gjitha përgatitjet e nevojshme për fillimin e gjysmëvjetorit të dytë, të vitit shkollor 2018/2019, bëri të ditur udheheqësi i Sektorit për veprimtari publike pranë komunës së Tetovës Ahmed Qazimi. Sipas tij, shkollat i  kanë kryer të gjitha  punët teknike, si, pastrimet, riparimet e inventarit shkollor aty ku ka pasur nevojë,  mirëmbajtjen e sistemeve të ngrohjes ku shkollat janë furnizuar me lëndë djegëse.

Të gjithë nxënësit në Republikën e Maqedonisë më datë 21 Janar e hënë sipas kalendarit shkollor të vendosur nga Ministria e Arsimit dhe shkencës e Republikës së Maqedonisë do të kthehen në bankat shkollore për të vijuar mësimin e gjysmëvjetorit të dytë të vitit shkollor 2018/2019. /Tv Koha/

 

 

Lëvizja Besa mbështet kërkesat e Lëvizjes Anti-Bixhoz | VIDEO

Përfaqësues të Lëvizjes antibixhoz kanë realizuar një takim me kryetarin e Lëvizjes Besa Bilall Kasamin dhe përfaqësues të këtij subjekti politik. Në këtë takim është biseduar rreth kërkesave që kjo lëvizje ka shpalosur më 21 dhjetor gjatë protestës së organizuar në Tetovë, për të cilat kërkesa kërkon përkrahjen edhe të faktorit politik shqiptar. Në këtë takim është nënvizuar se Lëvizja Besa do të mbështes kërkesat e kësaj Lëvizje.

Kryetari i Lëvizjes Besa Bilall Kasami theksoi se me këto kërkesa deputetët e Lëvizjes Besa me amendamente do të ndërhyjnë edhe në plotësimin e ligjit për lojërat e fatit.

Përndryshe Lëvizja Anti Bixhoz kërkonë që largimi i të gjitha lojërave të fatit 3 km nga vendbanimet, ndarja e 5 përqind të buxhetit që vjen nga lojërat e fatit për riparimin e objekteve me interes publik si dhe hartimin e një strategjie nacionale për edukimin e nxënësve, studentëve dhe gjithë qytetarët për dëmet që i shkakton bixhozi. /Tv Koha/

 

 

 

Zyrtare: Shkëndija rikthen Agim Ibraimin | VIDEO

Një prej futbollistëve më të mirë të vendit në arenën ndërkombëtare në dhjetë vitet e fundit firmos për 3 vite me kuqezinjtë dhe prezantohet si futbollist i ri i Shkëndijës.KF Shkëndija me kënaqësi komunikon angazhimin e Agim Ibraimit. Sulmuesi 30 vjeçar firmos kontratë tre vjeçare dhe lidhet me kuqezinjtë deri në vitin 2022. Tetovari karrierën si profesionist e ka nisur pikërisht te Shkëndija, ndërsa si 17-të vjeçar u transferua te Salzburgu i Austrisë.Ibraimi në karrierën e tij është paraqitur edhe me Olimpijan në Slloveni dhe Eskişehirsporin e Turqisë para se të kthehej në futbollin slloven ku do të linte gjurmë të mëdha, transmeton Televizioni Koha.

Ekipi i Nafta-s ishte trampolina që e pozicionoi te Maribori me të cilët fitoi katër tituj të kampionit, tre Kupa dhe tre Super Kupa të Sllovenisë, luajti katër herë në grupet e Europa League (3 herë me Mariborin një herë me Astanan), ndërsa një edicion luajti në grupet e Champions League me Mariborin ku mes tjerash mbahet mend për super golin kundër Chelsea-s. Një sezon ka luajtur në Seria A të Italisë me Kaljarin, fitoi titullin dhe Kupën e Kazakistanit me Astana-n para se të kthente në Slloveni te Domzhale. Më në fund tre herë lojtari më i mirë i Maqedonisë dhe dy herë lojtari më i mirë në kampionatin slloven rikthehet aty ky filloi karrierën si profesionist dhe pritet të jetë forcë e shtuar për formacionin e trajnerit Qatip Osmani.Agim Ibraimi bëhet përforcimi i parë i Shkëndijës në merkaton e janarit dhe do të mbajë fanellën kuqezi me numër 10-të. /Tv Koha/

 

37-vjeçarja humb jetën në aksident trafiku

Një 37 vjeçare ka humbur jetën pasditen e sotme si pasojë e një aksidenti trafiku.

Sipas zëdhënëses së policisë për rajonin e Prishtinës Flora Ahmeti, këmbësorja me iniciale SH.H. u godit nga një makinë në rrugën Prishtinë-Ferizaj, përkatësisht në fshatin Llugaxhi të Lipjanit.

Vdekja është konfirmuar nga ekipi mjekësor në vendin e ngjarjes.

Policia ka ndaluar ngasësin e automjetit derisa hetimet po vazhdojnë.

“Bukuria e natyrës, por turpi i pushtetit!” | FOTO

Sa e sa masterplane janë bërë për Kodrën e Diellit, por sot kjo qendër e bukur e natyrës po rrënohet nga pakujdesia e politikës, e qeverisë dhe e komunës së Tetovës.

Sa para qytetarësh janë dedikuar për modernizimin e kësaj qendre të bukur skijimi, por përfunduan në xhepat e funksionarëve që nuk shohin më larg se përtej hundës së tyre.

Sa funksionarë të ELEM kanë mbushur llogaritë personale duke e shkatërruar këtë qendër të bukur të natyrës, por e kanë mbuluar këtë hajni me fraza boshe folklorike patriotiko-kombëtare.

BDI është ajo që mban përgjegjësi për këtë gjendje sepse në 16 vitet e fundit është në pushtetin ekzekutiv dhe afër 10 vite në pushtetin lokal. Por, nuk mund të aminstohen as Aleanca për Shqiptarët, PDSH, Besa, RDK që asnjë lëvizje më serioze në drejtim të artikulimit më serioz të kësaj çështjeje jetike jo vetëm për ekonominë e Tetovës, por të tërë rajonit të Pollogut. LSDM e kryeministrit Zoran Zaev kërkoi dhe mori vota kryesisht shqiptare në këtë rajon duke premtuar zgjidhjen e çështjes së Kodrës së Diellit, por asnjë nga premtimet nuk ka realizuar.

Madje, asnjë nga universitetet në Tetovë nuk organizoi së paku një debat për këtë qëllim, e leje më të bëjë ndonjë presion më të theksuar ndaj pushtetit që kjo qendër të modernizohet.

Nëse ende nuk jeni bindur se çfarë do të thotë modernizimi i Kodrës së Diellit, merreni shembull Banskon e Bullgarisë. Deri në vitin 2003 ishte vetëm një fshat me ujë termal dhe natyrë të bukur, që tërhiqte diku 5 mijë turistë në vit, kryesisht nga Bullgaria perëndimore. Pikërisht në këtë vit iu dha nën koncesion një kompanie evropiane, e cila sot e ka shndërruar në qendër ballkanike të skijimit, me 220 mijë turistë në vit. Kjo ka mundësuar zhvillimin e hovshëm ekonomik të rajonit të Razlogut, ku gjendet Bansko, duke nxitur lulëzimin e hotelerisë, prodhimit dhe degëve tjera industriale.

Andaj, mos kërkoni vota pa ZGJIDHJEN E ÇËSHTJES SË KODRËS SË DIELLIT!

Letër mësuesit! Ti Mësues je prindi im i dytë!

Mujo Ulqinaku

Mësues, tash po futemi në javën e dytë që unë nuk do t’i takoj shokët dhe shoqet e klasës! E gjithë kjo, sepse ti mësuesi im, prindi im i dytë kërkon pagë më të lartë për vetën tënde dhe kolegët tuaj.

Se mësuesi i Kosovës e ka dhënë provim në periudha shumë të vështira të rrugëtimin të arsimit shqip në vend nuk ka asnjë dilemë, megjithatë në gjithë këtë marifet ka diçka që nuk shkon!

Mësues, edhe babai im është “kolegë” i yti, ai punon si duhanshitës nëpër rrugët e qytetit më perëndimor të Kosovës . Ka përfunduar studimet Master në Fakultetin e Edukimit në Universitetin e Prishtinës.

Babai im më ka treguar se në studimet Bachelor ka qenë cimer me ty dhe se keni studiuar në të njëjtin drejtim në fakultet.

Babai im, mësues i dashur, mezi i ka siguruar të hollat që të ma blejë çantën këtë fillimvit shkollor. Ai mori të holla borxh nga një mik i tij.

Mësues, babai im me shkollim superior mezi arrin ta sigurojë bukën për anëtarët e familjes.

Mësues, ai del nga shtëpia në orën 6 të mëngjesit me pakot e cigareve në duar dhe në shtëpi kthehet vetëm në orën 23 të natës.

Mësues, ka pak kohë që babai im ka marrë sëmundje të mushkërive si pasojë e “punës” që bën në të ftohtë në gjatë dimrit dhe në vapë gjatë verës.

Mësues, babai im nuk merr pagë mujore, nuk e ka shijuar asnjëherë këtë “luks”.

Mësues, babai im do të vdesë me ëndrrën që një ditë të bëhet mësues. Ëndërr për të cilën ka punuar tërë jetën e tij.

Mësues, ti prindi im i dytë!

Unë nuk jam aq i vogël sa për t’i mos i kuptuar kërkesat tuaja, megjithatë unë e di se ti e ke një pagë!

Mësues, unë e di se ajo pagë është mbi 450 euro që është mbi 50% më e lartë se e të punësuarve në sektorin privat. E të papunët mësues, çfarë të bëjnë ata?! Mbi 40% është papunësia në shkallë vendi, mësues!

Mësues, nëse ti më bojkoton mua, dhe nëse babai im nuk ka mundur që ta gjejë një punë me shkollim superior, si do ja bëj unë me shkollimin e ndërprerë në gjysmë?!

Mësues, reflekto! Dua të jem në shkollë!

Unë, nxënësi yt!

Kërkohet llogari për ikjen e Gruevskit

Nëntë organizata ndërkombëtare, sot përmes kumtesës, kanë bërë thirrje për përgjegjësi politike për arratisjen e Nikolla Gruevskit.

Ata përkujtuan se kanë kërkuar që hetimet urgjentisht të përfundojnë dhe se Prokuroria Themelore Publike ka paralajmëruar se procedura parahetimore do të përfundojë në afat prej dy javëve dhe se opinioni do të informohet, çfarë nuk ka ndodhur.
OJQ-të konsiderojnë se nevojitet të ndërmerret përgjegjësi politike të pasojnë dorëheqje të ministrit të Punëve të Brendshme, drejtorit të Drejtorisë së Sigurisë dhe Kundërzbulimit dhe drejtorit të Agjencisë së Zbulimit

“Marrja e përgjegjësisë politike për rastin me arratisjen e Gruevskit është mënyra e vetme që pushteti të tregojë se ka qëllim serioz të luftojë kundër kulturës së mosndëshkimit, që – të mos harrojmë – ishte karakteristikë kryesore e ish pushtetit veçanërisht kur bëhej fjalë për funksionarët më të lartë”, theksohet në kumtesën e organizatave joqeveritare.

Arrestohet 18 vjeçari Endrit Vishaj, u kap me drogë

Autoritetet britanike kanë arrestuar dhe më pas dënuar një të ri shqiptar që u kap me drogë.

Ai është 18-vjeçari Endrit Vishaj që u kap me drogë e cila kishte vlerë prej 200 mijë paundësh.

I riu ishte shpërndarës droge, ndërsa policia po e ndiqte nga pas duke e gjurmuar në një park makinash në Bilstol, ku prej aty shqiptari po priste instruksione nga personi që i kishte dhënë sasinë e drogës.

Në këto momente ai u hodh nga makina tip BMË që po ngiste dhe tentoi të largohej, por autoritetet menjëherë e arrestuan.

Mediat atje shkruajnë se ai ka hyrë në Britani para dy vitesh, në mënyrë ilegale, teksa u dënua me 4.4 vite paraburgim dhe u dërgua në një institucion riedukimi në Angli.

57 vjeçari gjendet i vdekur në banesë

Një person është gjetur i vdekur në banesë, në orët e para të mëngjesit të sotëm.

Viktima është Jorgo Gjoka, i cili u gjet i pajetë në banesën e tij në Memaliaj.

57-vjeçari jetonte i vetëm, pas divorcit me të shoqen.

Bëhet me dije se ai është gjetur i vdekur nga fqinjët, të cilët kanë nisur të dyshojnë, për shkak se nga banesa e tij vinte një erë e rëndë.

Dyshohet se Gjoka, mund të ketë vdekur para disa ditësh, çka ka sjellë edhe aromën e rëndë të kufomës.

Paraprakisht dyshohet se ai ka gjetur vdekjen për shkaqe natyrale, teksa hetimet janë në vijim.

Zaev ua bën 8 me 2 shqiptarëve

Mandatory Credit: Photo by GEORGI LICOVSKI/EPA-EFE/REX (10054601b) Former Yugoslav Republic of Macedonia (FYROM) Prime Minister Zoran Zaev waves to journalists after the Parliament vote in Skopjee, The Former Yugoslav Republic of Macedonia, 11 January 2019, to change constitution and change the country name in North Macedonia. The agreement with Greece is key for FYROM's NATO and EU accession process. Macedonian Parliament voted for the changing the name in the Republic North Macedonia, Skopje, Macedonia, The Former Yugoslav Republic Of - 11 Jan 2019

Gjuha maqedonase mbetet gjuha e vetme zyrtare në gjithë territorin e RM-së.

Ligji për gjuhë i avancon të drejta e të gjithë komuniteteve jo-shumicë dhe nuk parashikon punësime të reja, ndërsa gjuha maqedonase me alfabetin cirilik mbetet gjuha e vetme zyrtare edhe në gjithë territorin e Republikës së Maqedonisë dhe në marrëdhëniet e saj ndërkombëtare, thuhet në kumtesën e sotme nga Qeveria.:

Kumtesa e plotë

Ligji për gjuhë i avancon të drejta e të gjithë komuniteteve joshumicë dhe nuk parashikon punësime të reja, ndërsa gjuha maqedonase me alfabetin cirilik mbetet gjuha e vetme zyrtare edhe në gjithë territorin e Republikës së Maqedonisë dhe në marrëdhëniet e saj ndërkombëtare, thuhet në kumtesën e Qeverisë në lidhje me zgjerimin e lajmeve të rreme dhe të pavërtetat për zbatimin e Ligjit për përdorim të gjuhëve në Republikës së Maqedonisë, informon Koha.

“Ligji për përdorimin e gjuhëve në RM, u miratua përkatësisht me procedurat e parashikuara në Kuvendin e RM-së. Opozita i kishte të gjitha mundësitë që me amendamente të marrë pjesë në harmonizimin e ligjit. Opozita vetë ka marrë vendim të mos marrë pjesë në procesin politik të miratimit të Ligjit për përdorimin e gjuhëve. Mospjesëmarrja nuk e përjashton përgjegjësinë politike të opozitës për refuzimin e tyre të jenë pjesë e avancimit të të drejtave të qytetarëve në vendin tonë”, thonë nga Qeveria e RM-së.

Nga atje theksojnë se pohimet e rreme apo të pabaza për gjoja ngarkesë shtesë në buxhetit dhe për punësime të reja janë vetëm pretekste dhe obstruksione të opozitës.

“E vërteta është se Agjencia për zbatimin e gjuhës dhe Inspektorati për përdorimin e gjuhëve, siç parashikon ligji dhe siç është konfirmuar me marrëveshjen politike për miratimin e tij, kadrovikisht do të ekipohen nga resurset ekzistuese njerëzore në ministri, agjenci dhe sekretariat. Nuk parashikohen punësime të reja”, qëndron në kumtesën e pres-shërbimit qeveritar.

Zbatimi i dispozitave ligjore, siç theksojnë nga Qeveria, është detyrim i të gjitha institucioneve të përfshira për zbatimin e tij.

“Gabimisht dhe në mënyrë manipulative është pohimi se Agjencia për zbatim të gjuhës që e flasin të paktën 20 për qind e qytetarëve të Republikës së Maqedonisë me cilësinë e personit juridik, do ta ngritë gjuhën shqipe mbi të gjitha të tjerat në RM. E vërteta është diçka komplet ndryshe, gjegjësisht puna e Agjencisë do të ketë të bëjë me të gjitha gjuhët”, theksohet në kumtesë.

Agjencia, siç theksojnë nga Qeveria, do t’u shërbejë komunave dhe institucioneve tjera në ato vendbanime ku shumica e qytetarëve janë maqedonas. Në ato qytete, në rast se ndonjë qytetar nga komuniteti shqiptar, rom, boshnjak, serb, turk, rom apo tjetër do të ketë nevojë nga cili do dokument në gjuhën tjetër, krahas gjuhës maqedonse, atëherë Agjencia qendrore do t’u dalë në vigjilje atyre qytetarëve, t’u sigurojë shërbim në gjuhën e atyre amë, të cilën e kuptojnë më së miri.

“Kjo do të thotë se në institucionet në komuna ku komunitetet joshumicë nuk janë të përfaqësuara me më shumë se 20 për qind të qytetarëve, nuk do të punësohen administratorë të rinj për plotësimin e dispozitave nga Ligji për përdorimin e gjuhëve, ndërsa shërbimet do të sigurohen përmes Agjencisë qendrore për të cilën do të angazhohen kapacitetet ekzistuese nga administrata publike”, shtohet në kumtesë.

Nga Qeveria theksojnë se nuk është i saktë as pohimi se shumë gjuhë zyrtare ka në shtete në të cilat ka më shumë pjesë autonome dhe se me këtë ligj rrezikohet uniteti i Maqedonisë.

“Është e vërtetë se karakteri unitar i Maqedonisë nuk është është sjellë në pikëpyetje, ndërsa ligji në asnjë mënyrë nuk e rrezikon përdorimin dhe mbrojtjen e gjuhës maqedonase dhe letrën e saj cirilike. Se të drejtat më të mëdha për bashkësitë etnike nuk e rrezikojnë unitetin e shtetet, flasin edhe shembujt në vijim të shteteve unitare të cilat kanë dy ose më shumë gjuhë zyrtare. Mali i Zi (gjuha malazeze, serbe, boshnjake dhe shqipe), Malta (gjuha malteze dhe angleze), Finlanda (gjuha finlandeze dhe suedeze, edhe pse ka pesë për qind suedezë), Izraeli (gjuha hebraike dhe arabe), Kosovë (shqipe dhe serbe), Bjellorusi (gjuha bjelloruse dhe ruse), Qiproja (greke dhe turke), Irlandë (gjuha irlandeze dhe angleze), Kazakistani (gjuha kazakistane dhe ruse)”, theksohet në kumtesë.

Nga Qeveria theksojnë se Ligji është obligim nga amendamenti V nga Kushtetuta e Republikës së Maqedonisë dhe veçanërisht lidhur me paragrafin 2 dhe paragrafin 5 nga amendamenti V. Amendamenti i theksuar i Kushtetutës është sjell në vitin 2011, para pothuajse 18 viteve, ndërsa vetë ligji nuk është ligji i parë nga kjo sferë, por vijon më pas Ligji për përdorimin e gjuhëve që e flasin të paktën 20 për qind e qytetarëve të Republikës së Maqedonisë dhe në njësitet e vetëqeverisjes lokale nga viti 2008 dhe ndryshimet dhe plotësimet e Ligjit nga viti 2001.

“Përdorimi i gjuhës maqedonase dhe letra e saj cirilike është rregulluar me paragrafin 1 nga amendamenti i theksuar i Kushtetutës dhe me këtë gjuha maqedonase dhe letra e saj cirilike është gjuhë zyrtare në tërë territorin e Republikës së Maqedonisë dhe në marrëdhëniet e saja ndërkombëtare. Ligji për përdorimin e gjuhëve nuk e prish Ligjin ekzistues për përdorimin e gjuhës maqedonase”, theksohet në kumtesë.

Ligji siç theksojnë nga Qeveria, nuk vendos dygjuhësi të plotë, as në tërë territorin e Republikës së Maqedonisë, as në të gjitha sferat e rendit juridik.

“Në marrëdhëniet ndërkombëtare, mbrojtja, policia qendrore dhe politika monetare, gjuha maqedonase është gjuha zyrtare në Republikën e Maqedonisë, që është konfirmuar me Ligjin për përdorimin e gjuhës maqedonase nga viti 1998”, theksohet në kumtesën e pres-shërbimit qeveritar.

Në pajtim me konkludimin e Qeverisë, Ligji për përdorimin e gjuhëve do të dërgohet për mendim deri tek Komisioni i Venecias nga ana e Ministrisë së Drejtësisë dhe të gjitha vërejtjet eventuale do të futen në tekstin e këtij Ligji. Kjo është garanci për respektim të plotë të standardeve evropiane.

“Të gjithë janë fitues me këtë ligj. Maqedonia nuk humb asgjë, ndërsa merr shumë me realizimin e çështjeve të fundit të hapura nga Marrëveshja e Ohrit. Ligji për gjuhët është në kuadër të Kushtetutës dhe mundëson kushte për zbatimin e një shoqërie të përbashkët për të gjithë qytetarët e Republikës së Maqedonisë. Me sjelljen e Ligjit për përdorimin e gjuhëve, Qeveria e RM-së i jep fund nacionalizmit, duke shkuar përpara, me respektim ndaj njëri tjetrit, me respektimin e të drejtave dhe nevojave të çdo qytetari dhe çdo bashkësie”, theksohet në kumtesën e pres-shërbimit qeveritar.

Acari mbërthen Maqedoninë

Moti sot në Maqedoni do të jetë me diell dhe vranësira lokale, ndërsa në disa lugina do të ketë kushte për paraqitje të mjegullës.

Temperaturat e mëngjesit do të lëvizin prej -12 deri -3 gradë celcius, ndërsa ato ditore do të jenë në interval prej 1 deri 8 gradë ceclius.

Gjatë fundjavës moti pritet të jetë i ndryshueshëm dhe me reshje të shiut dhe borës, sidomos në pjesën perëndimore të vendit. Reshje më të mëdha priten nga dita e martë.

SHOWBIZ

Turqi, vdes në moshën 90-vjeçare Ara Guler, syri i Stambollit

Eshte ndarë nga jeta, në moshën 90-vjeçare, pas një ataku në zemër, fotografi legjendar turk Ara Guler. Presidenti turk, Erdogan, i cili është fotografuar gjithashtu...