29/03/2024
14.9 C
Tetovo
Ballina Blog Faqe 20

Shitësit ankohen për numrin e ulët të blerësve

Kenan Dalipi është shitës, mbi 30 vite punon në tezgë në tregun e Bit Pazarit në Shkup.
Në muajin e Ramazanit, frutat më të shitura janë hurmat e llojeve të ndryshme që ai shet. Por se a janë rritur çmimet gjatë këtij muaji ai thotë se zakonisht perimet që importohen nga jashtë ndryshojnë në çmim por hurmat thotë se edhe vitin e kaluar mbanin të njëjtin çmim si këtë vit.

“Hurmat janë me çmimin e njëjtë, ndoshta speci ka ndryshuar çmim pasi ishte 120 denarë por vijnë nga Greqia, Turqia dhe sepse nuk është prodhim i yni ka luajt çmimi atje, por me këto jo. Ja këtë e shesim 90 denarë, vitin e kaluar ishte 90-100 dhe përsëri është njëjtë”, tha Kenan Dalipi shitës në treg.

E sa i përket asaj se a blihet njëjtë si vitin e kaluar, Kenani thotë se vetëm dy ditët e para të Ramazanit ka pasur më shumë shitje, ndërsa ditët tjera ka rene shitja, e si arsye kryesore thotë se janë pagat e ulëta tek popullata.

“Dy ditët e para ka qenë shumë mirë dhe tani ka rënë shitja. Cila është arsyeja sipas teje? Popullata nuk kanë para, gjithçka është tek paratë sepse gjithë malli është shtrenjtë ndërsa standardi është i ulet e me 300 euro çfarë do të bëje? 300 euro merr ndërsa rrymën e paguan 100-150 euro”, shtoi ai.

E se a e ka menduar ndonjëherë të lerë këtë punë dhe të gjeje ndonjë alternative tjetër, Kenani përgjigjet se kjo është puna që ai bën më së miri dhe asnjëherë nuk e ka menduar të filloje diçka të re.

Ramazani / Një pjesë e administratorëve, mësimdhënësve dhe nxënësve i japin pushim vetës

Gjatë muajit të Ramazanit besimtarët mysliman agjërojnë nga lindja e diellit deri në perëndim të tijistratën shtetërore, nganjëherë nuk është se rrinë deri në fund të orarit të punës. Kjo pasi me matjen dimërore të kohës, iftari vjen fare pranë përfundimit të orarit të tyre.

Paraqitja e detyrueshme në punë po anashkalohet. Ministri i Administratës dhe Shoqërisë Informatike, Naim Bajrami, iu bëri thirrje punonjësve që të respektohen oraret e punës dhe mos të bjerë produktiviteti në ofrimin e shërbimeve publike të qytetarëve.

“Ata që kanë vendosur të agjërojnë në emër të Zotit e dinë edhe vlerën e punës, duke respektuar maksimalisht ligjet dhe rregulloret e punës. Në këtë muaj duhet të ketë solidaritet mes kolegëve dhe mirëkuptimi i qytetarëve, besoj se me këtë kolegjialitet gjithçka do të shkoj si duhet”, tha Naim Bajrami, Ministër i Administratës dhe Shoqërisë Informatike.

Nga Bashkësia Fetare Islame thonë se është mëkat që agjëruesit të bëhen pasivë gjatë Ramazanit. Myftiu i Shkupit Qenan Ismaili thotë se besimtarët duhet të bëjnë planifikim të mirë të kohës, me qëllim që të mos anashkalojnë punët e përditshme.

“Besimtari i mirë bën një planifikim të mirë të kohës, të faljes së namazit të teravisë, planifikimi e syfyrit, faljen e namazeve të tjera, duke mos anashkaluar asnjëherë edhe punën e përditshme. Përndryshe, ne nuk do të ishim një shembull pozitiv dhe i mirë në shoqëri, që agjërimi ndikon pozitivisht. Ndoshta do të përfliteshim se agjërimi i pasivizon, i bën që të jenë më dembelë e përtacë, por për besimtarët është e kundërta brenda Ramazanit, besimtari është aktiv, shembull në kryerjen e obligimeve fetare dhe punëve”, u shpreh Qenan Ismaili, Myfti i Shkupit.

Në muajin e Ramazanit edhe disa nxënës kanë filluar të mos shkojnë rregullisht në shkollë, thonë mësimdhënësit. Përkatësisht në orët e para të mësimit, thonë se janë vërejtur mungesa të më shumë nxënësve të ndërrimit të paradites, ndërsa ata të ndërrimit të pasdites lënë orën e fundit për të arritur para vaktit të iftarit nëpër shtëpitë e tyre. Madje, nëpër grupet e mbyllura të rrjeteve sociale thirrjet e mësimdhënësve ju adresohen prindërve që ti sjellin fëmijët në oraret e caktuara të procesit edukativo-arsimor. Arsimtarët thotë se nuk duhet assesi të ndikojnë rrethanat tjera në ngecjen e fëmijëve për të marrë dituritë e nevojshme në kohën e duhur./Alsat

500 milionë euro hipotekë nga qytetarët dhe firmat në Maqedoni, vetëm për të marrë kredi

Qytetarët dhe kompanitë në Maqedoninë e Veriut për të arritur tek marrja e kredisë, gjejnë forma të ndryshme. Një nga to është edhe vendosja e hipotekave për të rritur shumën e kredisë.

Në tre muajt e fundit të vitit të kaluar, numri i pronave të hipotekuara është rritur ndjeshëm.

Të dhënat e Agjencisë së Kadastrës së Pasurive të Paluajtshme tregojnë se ë periudhën tetor – dhjetor 2023 janë evidentuar 2.504 hipoteka në formë patundshmërie, vlera e të cilave është 512 milionë euro ose 2,77 miliardë denarë

VMRO-DPMNE: Pendarovski fal liderin e kartelit të drogës

Përmes një materiali të shkurtër video, nga VMRO-DPMNE akuzojnë kandidatin për president të mbështetur nga LSDM-ja Stevo Pendarovski, se ka amnistuar një kriminel. Nga kjo parti kanë publikuar disa fotografi të Pendarovskit bashkë me disa figura, emrat e të cilëve lakohen për lidhje me nëntokën.

“Çfarëdo që të thotë Stevo Pendarovski, ai hedh poshtë fjalën. Në vitin 2019 ai premtoi se nëse nuk ka drejtësi, nuk do të ketë qetësi. Ai premtoi se ata që kanë kryer krime do të mbajnë përgjegjësi pa dallim. Ai tha se nga pozita e presidentit nuk i shkonte ndërmend të amnistonte kriminelët. Jo që nuk e mbajti fjalën, por amnistoi një person, që sipas mediave është lider i një karteli të drogës në Shkup përgjegjës për vrasje mafioze dhe tregti të paligjshme të drogës. Nëse kjo nuk është një nga format më të rënda të krimit, atëherë Stevo Pendarovski ka problem real me perceptimin”, thuhet mes tjerash në kumtesën e VMRO-DPMNE-së.

Në fund të njoftimit, VMRO-DPMNE akuzon Pendarovskin për mungesë të përgjigjeve dhe fshehjen nga publiku për dy javë, duke e cilësuar si një shkelje të dinjitetit të popullit dhe shtetit të Maqedonisë. Ata e përshkruajnë kohën për ndryshime të menjëhershme. Ky skandal ka potencialin për të përkeqësuar imazhin dhe integritetin e Presidentit Pendarovski.

VLEN: Shuplakë diplomatike nga SHBA-ja për pushtetin

Një tjetër shuplakë diplomatike nga partneri ynë më i rëndësishëm strategjik – SHBA. Partizimi i gjyqësorit ka një ekzekutues dhe formë që quhet BDI-zimi horizontal dhe vertikal i organeve të drejtësisë. Shembulli i fundit i kësaj është sulmi i orkestruar ndaj kryetares së Gjykatës Supreme, Besa Ademi, i cili duhej të përfundonte me largimin e saj.

Motivi i këtij linçimi partiak të BDI-së ishte refuzimi i krijimit të bazës ligjore për kthimin e Gruevskit nga Budapesti. Nuk ka shtet ligjor, barazi para ligjit dhe drejtësi të pavarur me Ali e Drin Ahmetin, Bujar Osmanin e Artan Grubin dhe kuadrot e tyre të instaluar në drejtësi. Prandaj, pas datës 8 maj, Koalicioni VLEN do të krijojë të gjithë mekanizmat e nevojshëm kushtetues dhe ligjorë për krijimin e një gjyqësori evropian.

Tetova nesër do ketë regjim të ri komunikacioni pasi do kremtohet dita e NATO-s

SPB Tetovë njoftoi se të dielën nga ora 09:00 deri në orën 17:00 do të ketë regjim të modifikuar të qarkullimit në qytet për shkak të shënimit të Ditës së NATO-s dhe katër viteve të anëtarësimit të plotë të Republikës së Maqedonisë së Veriut. Një manifestim i organizuar nga Ministria e Mbrojtjes do të organizohet në sheshin e qytetit në Tetovë.

“Me rastin e 17 marsit, Ditës së NATO-s dhe katër viteve të anëtarësimit të plotë të Republikës së Maqedonisë së Veriut në këtë organizatë, do të organizohet fjalim tekniko-taktik, përkatësisht në sheshin e qytetit në Tetovë do të mbahet bisedë tekniko-taktike, e cila do të mbahet nga Ministria e Mbrojtjes, në mënyrë që fjalimi tekniko-taktik dhe komunikacioni të zhvillohet në mënyrë të sigurt në zonën qendrore të Tetovës, RSV e Tetovës do të vendosë një regjim të veçantë të komunikacionit nga ora 9 e mëngjesit deri në 17:00. Zhvillimi i komunikacionit në këto rrugë do të rregullohet nga zyrtarët policorë dhe apelohen nga vozitësit që në tërësi të respektojnë urdhrat dhe udhëzimet e tyre dhe të kenë durim dhe mirëkuptim për ndryshimet në regjimin e komunikacionit”, njoftojnë nga SPB Tetovë.

Përderisa politikanët merren me politika madhore qentë endacak po sulmojnë qytetarët!

Meqë jemi në prag të fushatës zgjedhore deklaratat madhore kanë filluar të shpeshtohet. Që kjo është shndërruar në normalitet që doza e premtimeve dhe fjalëve të mëdha të shtohet për të “joshur” simpatinë e qytetarëve që në fund të ditës të grumbullojnë qoftë edhe një votë më shumë në llogarinë e tyre. Ndikimi rus, problemet globale, anëtarësimi në BE janë temat që shpesh preferojnë t’i prekin në mënyrë sipërfaqësore politikanët tanë, por po harrojnë që vendi nga ata vijnë ende përballet me problemin e qenve endacakë. Pra, politikanët tanë në vend se të pastrojnë oborrin e shtëpisë duke mënjanuar problemet elementare, ata zgjedhin të merren me politika madhore.

Problemet me qentë endacakë nuk marrin fund, sepse fokusi politikanëve tanë është në politika “madhor” – 

Sipas evidencës në SPB Tetovë deri më tani janë sulmuar dhe lënduar 26 persona, të cilët për këtë kanë parashtruar kallëzim në polici. Me qentë endacak nuk përballet vetëm Tetova por edhe shumë qytete të tjera, si Dibra, pjesë të qytetit të Shkupit, Kumanova, Gostivari, Çairi, e të tjera. Prandaj, ky nuk është vetëm problem lokal pasi përfshin më shumë rajone që për fat të keq pasojat janë të ngjashme.

Rreziku nga qentë endacak-

Kur flasim për një shtet kandidat për në BE, në të njëjtën kohë flasim për një problematik që cenon sigurinë e qytetarëve krijon rrezik edhe kur qarkullojnë në lagjet e tyre nga prezenca e shtuar e qenve endacak, kjo është pakuptimtë, sepse nuk mund të jetë një shtet anëtarë i familjes evropiane po që nuk është në gjendje të menaxhojë dhe kontrollojë qentë endacak.

Rreziku nga qentë endacak është i pakontrollueshëm sepse ka pasur raste të shumta që kanë përfunduar edhe me vdekje e lëndime të rënda, sidomos kur ka sulme të qenve ndaj fëmijëve e të moshuarve. Mungesa e një strategjie për menaxhim të qenve krijon pasiguri dhe pasoja të rënda edhe kur lëndimet mund të jenë të lehta, sepse kemi të bëjmë me qenë që janë të pa vaksinuar dhe që mund të bartin sëmundje të ndryshme.

Prandaj, në vend se të jepet ndihmë për kujdes ndaj viktimave duhet të merren masa parandaluese që mos të vijë deri te situatat e tilla që të kemi viktima, e këtë gjë nuk duhet ta shpik Maqedonia e Veriut sepse e ka të gatshme nga shtetet tjera, ajo që duhet bërë është të ketë vullnet dhe brengosje për qytetarët.

Hallet e qytetarëve i merr era, politikanët merren me politika madhore – 

Gjendja e qytetarëve dita ditës vështirësohet dhe përkeqësohet edhe më shumë si pasojë e mos kujdesit adekuat nga ata që janë përgjegjës kryesor e parësor, politikanët. Kriza ekonomike, padrejtësia, lufta për mbijetesë, e deri te rreziku nga sulmet e qenve endacak janë hallet e përditshme me të cilat përballen qytetarët e vendit tonë. Por, kur marrim dhe shohim çfarë premtojnë e çfarë flasin politikanët tanë është për gërdi sepse ata flasin më shumë për luftën kundër ndikimit rus sesa për rregullimin e jetës së qytetarëve. Qytetarët sot në Maqedoninë e Veriut përballen edhe me mungesë të ujit të pijshëm dhe kanalizimit, kushteve elementare për jetesë.

Mëse e nevojshme është që politikanët tanë të ndalen së menduari e punuari vetëm për interesat e tyre personale, klanore apo partiake, duhet filluar punuari për qytetarët me votat e të cilëve janë sot në ato pozicione.  Politikanët tanë duhet të fillojnë të flasin, të brengosen dhe të gjejnë zgjidhje për hallet e qytetarëve, ndalimin e eksodit masiv të të rinjve dhe të heqin dorë njëherë e përgjithmonë nga gjyqësori që është i varur dhe këto pasoja i vuajnë në mënyrë të drejtpërdrejt qytetarët. /Zhurnal.mk

Kufizime parazgjedhore për zyrtarët, ndërmarrjet publike dhe shpenzimet buxhetore

Në prag të zgjedhjeve presidenciale më 24 prill, zgjedhjeve parlamentare më 8 maj dhe fillimit të fushatës parazgjedhore, Kodi Zgjedhor parasheh kufizime parazgjedhore për zyrtarët, ndërmarrjet publike dhe shpenzimet buxhetore.

Në periudhën prej 20 ditësh para fillimit të fushatës zgjedhore deri në përfundimin e zgjedhjes së presidentit dhe deputetëve në Kuvend dhe zgjedhjes së Qeverisë, nuk mund të mbahen ngjarje publike me rastin e fillimit të ndërtimit apo vënies në punë të objekteve të ndërtuara me mjete nga Buxheti ose nga fondet publike, ose me mjete të ndërmarrjeve publike ose personave të tjerë juridikë që posedojnë kapital shtetëror.

Ndalimi i mbajtjes së ngjarjeve publike nuk nënkupton dhënien e një deklarate publike të një bartësi të funksionit publik ose një kandidati për funksion publik në një tubim, intervistë për media, debat mediatik ose përgjigje në pyetjen e një gazetari.

Në bazë të nenit 8a të Kodit Zgjedhor, nga dita e marrjes së vendimit për shpalljen e zgjedhjeve deri në përfundimin e zgjedhjes së presidentit dhe deputetëve në Kuvend dhe zgjedhjes së Qeverisë, nuk mund të fillojë ndërtimi me mjete financiare nga buxheti ose nga fondet publike ose mjetet e ndërmarrjeve publike dhe personave të tjerë juridikë që posedojnë kapital shtetëror për objektet e reja infrastrukturore si rrugët, tubacionet e ujit, linjat e transmetimit, kanalizimet e zeza, terrenet sportive dhe objekte të tjera ose objekte për aktivitete shoqërore si shkolla; kopshte dhe objekte të tjera, përveç nëse për këtë qëllim paraprakisht janë siguruar mjete nga buxheti, përkatësisht bëhet fjalë për zbatimin e një programi të miratuar në bazë të ligjit në vitin aktual.

Gjithashtu nuk është e mundur të bëhen pagesa kompensimi nga mjetet buxhetore apo mjetet publike që nuk janë pagesa të rregullta mujore, as të tjetërsohet kapitali shtetëror apo të nënshkruhen kontrata kolektive. Në institucionet shtetërore dhe publike nuk do të mund të fillojë procedurë për punësimin e personave të rinj apo ndërprerje të marrëdhënies së punës.

Deri në përfundim të zgjedhjes së presidentit dhe deputetëve, Ministria e Financave është e obliguar që të gjitha pagesat buxhetore, përveç pagave të rregullta, pensioneve dhe shpenzimeve komunale, t’i publikojë publikisht në internet në një bazë të posaçme të dhënash për shpenzimet buxhetore në periudhën zgjedhore.

Ministria e Financave, dy javë pas shpalljes së zgjedhjeve paraqet një raport financiar parazgjedhor me pasqyrë të të gjitha të hyrave dhe shpenzimeve të planifikuara dhe të realizuara nga buxheti sipas zërave, në periudhën nga fillimi i vitit fiskal deri në ditën e paraqitjes së raportit.

Fondet publike, ndërmarrjet publike dhe të gjitha personat e tjerë juridikë që posedojnë kapital shtetëror, në afat prej dhjetë ditësh nga dita e miratimit të vendimit për shpalljen e zgjedhjeve për president dhe deputet në Kuvend, ishin të detyruara t’i dorëzojnë të dhënat në Komisionin Shtetëror për Parandalimin e Korrupsionit për numrin, llojin, targën dhe gjendjen e e mjeteve motorike që disponojnë. Të dhënat dorëzohen në formë elektronike në formularin të cilin me propozim të KSHPK-së e shkruan KSHZ-ja.

KSHPK në ueb faqen e saj e publikon regjistrin e mjeteve motorike zyrtare të fondeve publike, ndërmarrjeve publike dhe të gjithë personave të tjerë juridikë që posedojnë kapital shtetëror. Nëse personat juridikë nuk dorëzojnë të dhëna, KSHPK-ja fillon procedurë kundërvajtëse në afat prej 15 ditësh nga skadimi i afatit për dorëzimin e të dhënave.

Zgjedhjet e shtata presidenciale në vend duhet të mbahen më 24 prill, ndërsa zgjedhjet e 11-ta parlamentare më 8 maj së bashku për raundin e dytë të mundshëm të zgjedhjeve presidenciale.

Sipas librit të afateve të miratuar nga KSHZ-ja, fushata zgjedhore fillon 20 ditë para ditës së zgjedhjeve dhe në rrethin e parë dhe të dytë të votimit dhe nuk duhet të zgjasë 24 orë para ditës së zgjedhjeve dhe në ditën e zgjedhjeve.

Fushata zgjedhore për zgjedhjet presidenciale fillon më 4 prill në orën 00:00 dhe do të zgjasë deri në orën 24:00 të datës 22 prill. Fushata për zgjedhjet parlamentare do të jetë nga 18 prilli deri më 6 maj.

KSHZ-ja apelon deri te qytetarët e RMV-së se kanë edhe tri ditë kohë për të kontrolluar listën zgjedhore

Qytetarët kanë edhe tre ditë kohë për të kontrolluar listën e zgjedhësve. Komisioni Shtetëror i Zgjedhjeve apelon qytetarët që për zgjedhjet e ardhshme presidenciale dhe parlamentare të bëjnë vetëkontroll dhe nëse është e nevojshme të kërkojnë ndryshimin, futjen ose fshirjen e të dhënave të tyre nga Lista zgjedhore për zgjedhjet e ardhshme presidenciale dhe parlamentare.

Të gjithë të regjistruarit në listën zgjedhore do të mund të votojnë si në zgjedhjet presidenciale ashtu edhe në ato parlamentare dhe qytetarët me dokumente personale dhe dokumente udhëtimi të skaduara në nëntë muajt e fundit para zgjedhjeve do të mund të ushtrojnë të drejtën e votës.

Me ndryshimet dhe shtesat e fundit në Kodin Zgjedhor, parashikohet që të gjithë shtetasit që në ditën e zgjedhjeve kanë mbushur moshën 18 vjeç, në përputhje me aktin për shpalljen e zgjedhjeve, të cilët kanë vendbanim në territorin e shteti, do të futet në listën zgjedhore. Me to parashikohen risi të tjera, por një nga më të rëndësishmet është se qytetarët do të mund të votojnë me dokumente personale dhe dokumente udhëtimi të skaduara në nëntë muajt e fundit para zgjedhjeve.

Zëdhënësja e KSHZ-së, Ljupka Guguçevska tha se kjo do të thotë se të gjithë qytetarët që kanë mbushur moshën madhore dhe që nga 8 maji 2024 do të mbushin 18 vjet, do të regjistrohen në ekstraktet nga Lista zgjedhore për zgjedhjet parlamentare të 8 majit. për zgjedhjet parlamentare. Ndërsa për zgjedhjet presidenciale, në ekstraktet nga Lista zgjedhore do të regjistrohen qytetarët që kanë mbushur moshën madhore në datën 24 prill si datë e mbajtjes së zgjedhjeve presidenciale.

Deri më tani, vetëm një numër i kufizuar i qytetarëve kanë kontrolluar dhe ndryshuar të dhënat e tyre, me vetëm disa persona që kanë paraqitur kërkesa për ndryshim ose fshirje. Zyrtarët inkurajojnë qytetarët që të kontrollojnë dhe të kërkojnë ndryshime në të dhënat e tyre në mënyrë që të sigurojnë një proces zgjedhor sa më të përshtatshëm dhe transparent për të gjithë.

Demiri: Kanë arritur vaksinat kundër kollit të keq për të rriturit

Vaksinat kundër kollit të keq për të rritur kanë arritur në Maqedoninë e Veriut dhe do mund të aplikohen tek personat që kanë nevojë.

“I kemi në pikat e vaksinimit dhe mund t’ju jepen personave që kanë nevojë për to”, njoftoi ministri i Shëndetësisë, Ilir Demiri.

Ai theksoi se sot do të nënshkruaj vendimin e Komisionit për Sëmundje Infektive për vaksinim të fëmijëve, por siç theksoi, edhe pa nënshkrimin e tij ajo është e vlefshme.

Nga muaji janar, Komisioni ka kërkuar nga pikat e vaksinimit që fëmijëve të paimunizuar t’u jepen nga dy vaksina përnjëherë.