28/03/2024
11.8 C
Tetovo
Ballina Blog Faqe 3

Maqedonia e Veriut sot shënon 4 vjetorin e anëtarësimit në NATO

Në Maqedoninë e Veriut sot shënohet katër vjetori i anëtarësimit të vendit në NATO. Sot në Ministrinë e Mbrojtjes do të mbahet ceremoni qendrore me rastin e katër vjetorit.

Në ceremoni do të flasin zëvendëskryeministri i parë për çështje evropiane, Bojan Mariçiq, ministrja e Mbrojtjes Slavjanka Petrovska dhe drejtori i Shtabit të Përgjithshëm të Armatës, gjeneral brigade Simeon Trajkovski.

Para ceremonisë qendrore, në Ministrinë e Punëve të Jashtme do të mbahet një aktivitet tradicional me trupin diplomatik, i cili do të shënojë fillimin e Ditëve të NATO-s në vend, të cilat do të zgjasin deri më 4 prill.

Më 27 mars 2020, Republika e Maqedonisë së Veriut u bë vendi i tridhjetë anëtar i Aleancës. Angazhimi për integrimin euroatlantik daton që nga viti 1993, kur Kuvendi miratoi një Rezolutë që përcaktonte prioritetet e jashtme politike të vendit, përkatësisht anëtarësimin në NATO dhe BE.

Më 15 nëntor 1995, vendi nënshkroi dokumentin kornizë për anëtarësimin në programin Partneriteti për Paqe.

Më 14 qershor 1996 u hap Zyra Ndërlidhëse dhe në fund të vitit 1997 Misioni i Përhershëm në selinë e NATO-s në Bruksel. Në prill të vitit 1999, në Samitin e NATO-s në Uashington, Republika e Maqedonisë fitoi statusin e vendit kandidat për anëtarësim në Aleancë, pas së cilës filloi përgatitja dhe zbatimi i Planit të Veprimit për anëtarësim.

Në deklaratën përfundimtare nga Samiti i NATO-s në Bukuresht në vitin 2008, Aleanca vendosi që vendi të marrë një ftesë për anëtarësim pas zgjidhjes së kontestit të emrit me Greqinë.

Në mënyrë që procesi i integrimit të vendit në NATO të ecë pa probleme, Kuvendi i Republikës së Maqedonisë së Veriut, më 11 shkurt 2020, njëzëri ratifikoi Traktatin e Atlantikut të Veriut, i cili u pasua me nënshkrimin e instrumentit të ratifikimit më 20 mars 2020. Protokolli i anëtarësimit për anëtarësim në NATO nga Presidenti i Republikës. Më 27 mars 2020, përmes Ambasadës së Republikës së Maqedonisë së Veriut në Uashington, instrumenti për anëtarësim në Traktatin e Atlantikut të Veriut u depozitua në Departamentin e Shtetit të SHBA-së, me të cilin Republika e Maqedonisë së Veriut u bë zyrtarisht shteti i tridhjetë anëtar i Aleancë. (INA)

Rufi Osmani me një porosi për faktorin politik shqiptar në Maqedoninë e Veriut

Profesori universitar Rufi Osmani ka theksuar se prioritetet kyçe të faktorit politik shqiptar në këto zgjedhje, duke theksuar se fokusi kyç do të jetë tek ndryshimet kushtetuese që Maqedonia e Veriut të integrohet në BE dhe të mos ndodhë bllokimi që do ta shpiej vendin në një qorrsokak të ri.

“Ajo që është thembra e Akilit e këtyre zgjedhjeve është që të na kthehet në pushtet partia e cila e për 10 vite e mbajtë të bllokuar procesin eurointegrues të vendit. Ky rrezik politik është shumë i madh dhe ai mund të na sjellë në një qorrsokak të ri dhe Maqedoninë ta lë në shoqëri vetëm me shtetin më problematik Serbinë, si aletate kyçe e Rusisë.
Pata rast të analizoj katër shtyllat e programit të doktor Arbenit dhe ajo që për ne si shqiptarë duhet të jetë koncensus i përgjithshëm se të gjithë ne duhet edhe me doktor Arbenin edhe me deputetët që do i zgjedh ky koalicion fuqishm të përkrahim kartën e ndryshimit të Kushtetutës për tu integruar në Unionin Evropian. Pa keqkuptime jam dakord për heqjen e 20%, demokraci koncensuale, por për ato çështe nuk ka klimë dhe nuk ka numra. Ne duhet të flasim konkretisht dhe praktikisht.
Pra mesazhi im do të kishte qënë që në veçanti edhe në rrethin e dytë ër president, por edhe më pas të bëhet parlamenti i ri kriteri për ndryshimet kushtetuese për integrimin në BE. Të bëhet një bllok që të parandalohet rikthimi i partisë që do të bllokonte procesin e integrimit, dihet se kush është dhe ne të mos jemi bashkëfajtor për një bllokadë. Dikur kam thënë nëse këto ngelin në pushtet 20 vjet nuk do të ngel shqiptarë dhe për fat të keq nëse ato do të na humbin edhe 10 vjet, atëherë nuk do të kemi se me cilin do të bisedojmë”, ka nënvizuar profesori Osmani në takimin e kandidatit për president Arben Taravari me intelektualë dhe personalitete të jetës publike.(INA)

ASH e Selës nesër thërret Kuvendin partiak, çfarë pritet të vendos

Krahu i ASH-së i udhëhequr nga Ziadin Sela ka njoftuar përmes një komunikate se për nesër thërrasin Kuvendin partiak.

“Kryetari i Kuvendit të Aleancës për Shqiptarët thërret mbledhje të Kuvendit të Partisë me datë 28.03.2024 (e Enjte) ora 15:00, në Restoran “BUSHI” – Shkup. Pas mbledhjes së Kuvendit, do ketë deklaratë për media”, thuhet në njoftimin e tyre.

Sela mbrëmë në TV21 deklaroi se janë duke u zhvilluar negociata me BDI-në për tu bërë pjesë e Frontit Evropian dhe se rezultati i këtyre negociatave do të shpaloset në Kuvendin Qendror.

“Nuk jam nga ata njerëz që fshihem.Duhet të marrim vendime politike dhe konkret, në bazë të vendimit të cilin e kemi marrë”, tha më tej Sela teksa u pyet disa herë se kur pritet të sillet vendimi.

Paraprakisht Sela tha listat e përbashkëta dhe shkuarja vetë në zgjedhje, janë tema të ezauruar. Ndërkaq tani shtoi se dy opsione janë të mundshme:

“Ose të bashkohemi me ndonjërin bllok ose të mos del ASH-ja fare në zgjedhje”, deklaroi Ziadin Sela nga ASH. (INA)

Pesticidi i dëmshëm përdoret për prodhimet bujqësore në Maqedoni

Nga kufiri kroat vetëm brenda këtij viti janë kthyer tri dërgesa, ndërsa vitin e kaluar një, me produkte ushqimore bujqësore të Maqedonisë së Veriut kjo pasi në bazë të dhënave të Sistemit të alarmit të shpejtë për ushqimet dhe ushqimet për kafshë, në to është gjetur sasi e lartë e pesticideve të dëmshme për shëndetin.

Së fundmi, më 19 shkurt të këtij viti, ky Sistem alarmi për ushqimet ka bërë të ditur se është regjistruar sasi e lartë e pesticideve në prodhimet bujqësore të Maqedonisë së Veriut të dedikuara për tregun kroat.

Bëhet fjalë për sallatë të përzier, në të cilën është gjetur pesticidi chlorpyrifos që rrezikon shëndetin e njeriut.

Pesticidi i diskutueshëm chlorpyrifos është ndaluar në Bashkimin Evropian që nga prilli i vitit 2020, por në Maqedoninë e Veriut, sipas Inspektoratit Shtetëror të Bujqësisë periudha kalimtare për shfrytëzimin e stoqeve të tij ende vazhdon, edhe pse sipas ligjeve evropiane, ajo periudhë ka përfunduar.

“Pas marrjes së informacionit për ndalimin e përdorimit të chlorpyrifos në BE, në përputhje me legjislacionin kombëtar, lëshohet një periudhë kalimtare për konsumin e stoqeve të këtyre pesticideve në një kohëzgjatje prej 18 muajsh (12 muaj për shitje dhe 6 të tjerë për përdorim) për ato sasi që janë në vendin tonë. Procedura për asgjësimin e tyre përbën një problem të madh, si për vendin tonë, ashtu edhe për vendet e tjera”, kanë theksuar nga Inspektorati Shtetëror i Bujqësisë.

Por, nga drejtoria e Agjencisë së Ushqimit dhe Veterinarisë i sigurojnë qytetarët e vendit se produktet që shiten në tregun maqedonas u nënshtrohen kontrolleve të rregullta dhe janë të sigurta.

“Gjatë vitit të kaluar kemi realizuar 57 mijë inspektime dhe në rastet e caktuara produktet e caktuara menjëherë janë larguar nga raftet e dyqaneve”, bën të ditur Nikolçe Babovski, drejtor i Agjencisë së Ushqimit dhe Veterinarisë.

Kjo agjenci bën të ditur se janë shqiptuar gjithsej 369 masa inspektuese. Kurse, gjatë vitit të kaluar janë asgjësuar gjithsej 147 mijë e 415 kilogramë ushqime, të cilat janë vlerësuar si të pasigurta./REL/

Mot me vranësira të ndryshueshme me erë të fortë, pasdite me shi

Moti sot do të jetë pjesërisht i vranët me periudha me diell. Do të fryjë erë e përforcuar herë pas here e fortë me shpejtësi mbi 60 kilometra në orë nga drejtimi juglindor, sidomos përgjatë Vardarit. Në fund të ditës dhe gjatë natës do të ketë reshje shiu, të cilat do të jenë të rrëmbyeshme dhe të shoqëruara me bubullima të rralla.

Drejtoria për Punë Hidrometeorologjike (DPHM) parashikon që temperaturat minimale të lëvizë në interval prej 3 deri në 8 gradë, ndërsa maksimalja nga 15 deri në 20 gradë.

Në Shkup mot me vranësira të ndryshueshme me periudha me diell. Do të fryjë erë mesatare deri në të fortë nga drejtimi juglindor. Temperatura minimale do të zbresë deri në 6, ndërsa ajo maksimale do të arrijë deri në 18 gradë.

DPHM njofton se nesër në mëngjes do të ketë reshje shiu, në disa vende reshje të rrëmbyeshme dhe të përcjella me bubullima të rralla. Do të fryjë erë e fortë herë pas here e përforcuar nga drejtimi jugperëndimor (mbi 60 kilometra në orë).

Gjatë ditës vranësira do të zvogëlohet dhe më pas do të vijojë periudha me diell dhe e ngrohtë me rritje të temperaturës.

Taravari dhe Kasami takojnë akademikët dhe intelektualët

Kandidati për President nga opozita shqiptare, Arben Taravari dhe kreu i Lëvizjes BESA, Bilall Kasami kanë takuar akademikë, pedagogë dhe intelektual ku kanë diskutuar situatën politike në vend.

Para tyre është prezantuar edhe koncepti politik që përfaqëson kandidati për president, Arben Taravari.

“Së bashku me kandidatin për president, Arben Taravari në një panel të hapur me intelektual, akademik dhe me Shoqatën e Pedagogëve diskutuam për aktualitetin politik në vend dhe sfidat e kombit shqiptar në RMV. Vizioni politik i z.Taravari është i rëndësishëm dhe domethënës për vendin tonë. Falënderoj gjithë pjesëmarrësit për kontributin dhe temat e shtjelluara gjatë debatit!”, ka theksur kreu i Lëvizjes BESA, Bilall Kasami.

SHGM: Punonjësit mediatikë katër herë më të ekspozuar në sulme fizike dhe kërcënime kur ka zgjedhje

Gazetarët shpesh ballafaqohen me rreziqe të mëdha, veçanërisht në periudha të ndjeshme siç janë zgjedhjet dhe këtë vit kemi dy cikle zgjedhore – presidenciale dhe parlamentare. Sipas hulumtimeve lokale, bazuar në statistikat e 10 viteve të fundit, punonjësit mediatikë janë katër herë më të ekspozuar ndaj sulmeve fizike dhe kërcënimeve ndaj jetës së tyre, në kushtet kur ka vit zgjedhor, krahasuar me ato vite kur nuk ka, tha sot drejtori ekzekutiv i SHGM-së, Dragan Sekullovski, në ngjarjen “Për siguri dhe mbrojtje më të madhe të gazetarëve dhe punonjësve mediatikë dhe kundër kërcënimeve ndaj lirisë së mediave”, që u mbajt në Klubin e gazetarëve.

Bashkëpunimi me Ministrinë e Punëve të Brendshme dhe me Prokurorinë Themelore Publike, sipas Sekullovskit, në vitin e kaluar ka qenë në nivel profesional në kontekst të komunikimit të shpejtë dhe efikasitetit në drejtim të reagimit me kohë nga ana e tyre si institucione kompetente që veprojnë në rast të kërcënimeve dhe sulmeve ndaj gazetarëve apo personave të punonjlsve mediatikë me përjashtim të kërcënimeve onlajn.

Nga gjithsej pesë kërcënime dhe sulme të regjistruara ndaj gazetarëve dhe punonjësve të mediave në vitin 2023, janë dy raste të sulmeve fizike me vendim gjyqësor. Tri rastet e tjera, theksoi Sekullovski, janë ende në proces.

Sekullovski vlerësoi se organet e rendit edhe më tutje shfaqin mangësi në aspektin e aftësisë së tyre për të vepruar në kuadër të sulmeve dhe kërcënimeve onlajn, edhe pse gjatë vitit të kaluar dhe këtë vit kanë dorëzuar më shumë se pesë ankesa në Departamentin për krime kompjuterike dhe mjekësi ligjore digjitale pranë MPB-së.

Kryetari i SHGM-së, Mlladen Çadikovski, apeloi deri te liderët e partive dhe personat e tjerë që flasin para simpatizantëve që t’i përjashtojnë gazetarët nga fjalimet e tyre. Sepse, sqaroi ai, një politikan në një tubim apo në një deklaratë për media, nëse thotë diçka për një gazetar, në tentativë për ta diskredituar, më vonë kanë fyer publikisht punonjëait e përmendur mediatik.

Gazetarja Eva Gjakova para të pranishmëve tregoi përvojën e saj, duke u sulmuar si ekip, ndaj u bind që të mos denoncojë në polici nga disa persona.

Institucionet në rastin tonë ishin të shpejta dhe profesionale, nënvizoi ajo, duke thënë se të gjithë duhet të ndhejehn të sigurt duke bërë punën e tyre.

Zëdhënësi i MPB-së, Toni Angellovski, bëri thirrje që sa më shpejt të raportohet për sulmet ndaj mediave.

Prokurori publik në Prokurorinë Publike të Shkupit, Dejan Petrevski, nga ana tjetër, foli për rëndësinë e ndryshimeve ligjore dhe zbatimin e tyre.

BDI vazhdon zgjerimin e Frontit Europian! Nesër firmosë me partinë turke, të enjten me partinë rome, të premten me partinë boshnjake

BDI vazhdon ta zgjeron Frontin Europian. Nesër, e mërkurë, në Pallatin e Kulturës në qendër të Gostivarit, kryetari Ali Ahmeti, do të firmosë marrëveshjen e koalicionit me Partinë Demokratike Turke.

Të enjten do të firmoset marrëveshje me Kurto Dudush, me çka partia Unioni i Romëve zyrtarisht bëhet pjesë e Frontit Europian.

Nuk përfundon me kaq, ditën e premte Ahmeti pran koalicionit do të sjell edhe një parti boshnjake.

Pritet edhe vendimi final i ASH krahu i Selës, por se nga do të rreshtohet, Ziadin Sela pritet të flet sonte në Click Plus.

Ndryshe BDI të shtunën mbledh kryesinë për të diskutuar listat për deputetë, ndërsa të dielën mblidhet këshilli i përgjithshëm për t’i aprovuar të njëjtat.

OEMVP kërkon ulje të kontributeve të pagave

Oda Ekonomike e Maqedonisë Veri-Perëndimore kërkon që të ulen kontributet e pagave, përcjell TV21. Sipas OEMVP, vendi ynë paguan kontribute më të larta të pagave në rajon.

“OEMVP KËRKON ULJE TË KONTRIBUTEVE TË PAGAVE. A e dini se: RMV ka kontributet më të larta të pagave në rajon! (në grafikon janë të shfaqura normat e kontributeve nga vlera e pagës Neto prej 1000€)”, thuhet në njoftimin e OEMVP-së

(VIDEO) Pyjet e djegura do të pyllëzohen

Prerja e drunjëve në Malin Sharr, zjarret e shumta por edhe vërshimet kanë dëmtuar sipërfaqe të mëdha të masës drurore në Malin Sharr. Me këtë rast, do të duhet një kohë e gjatë që të ripërtrihen sipërfaqet e dëmtuara. Së këndejmi, për të ripërtrirë këto sipërfaqe, parkut kombëtar Mali Sharr i është dhënë donacion fidane të reja për pyllëzim nga ana e me organizatës holandeze Green Stays.Drejtori i Parkut Kombëtar Mali Sharr Ibrahim Dehari tha se me këtë rast ato sipërfaqe të shkatërruara do të pyllëzohen dhe nuk do të pritet që vet natyra të bëjë procesin e saj. Kësisoji, me nënshkrimin e marrëveshjes, Parku Kombëtar i Malit Sharr filloi bashkëpunimin me organizatën holandeze Green Stays , e cila duhet të rezultojë me dhurimin e fondeve për pyllëzimin e pyjeve të dëmtuara në territorin e zonës së mbrojtur malore.Pyjet nëpër malin Sharr kanë nevojë për rigjallërim, thonë nga Parku Kombëtar, kështu që kjo është e mirëseardhur.Deklarata Sipërfaqe më të vogla do të ripyllëzohen gjatë vitit 2024. Bëhet fjalë për vende të dëmtuara nga zjarret në pyje. Nga Parku Kombëtar Mali Sharr njoftojnë për përgatitjen e dokumenteve të vitit të kaluar që do të përcaktojnë sipërfaqet dhe metodat e detajuara për pyllëzim..Ruud Van Bruijn , nga Organizata Holandeze Green Stays tha se ata janë të vendosur për bashkëpunim afatgjatë me parkun kombëtar.“Ne jemi shumë krenarë që fillojmë bashkëpunimin me parkun kombëtar, jemi të lumtur dhe të privilegjuar që mund të punojmë dhe të ndihmojmë ambiciet e menaxhmentit për ta bërë Malin Sharr një zonë të bukur në Maqedoni, për të ndihmuar me pyllëzimin që do të shndërrohet në një vend të pasur me pyjet dhe diversiteti biologjik, tha Ruud Van Bruijn.TV KOHA