29/03/2024
9.3 C
Tetovo
Ballina Blog Faqe 3

LSDM: U krijua “Koalicion për të Ardhmen Evropiane”, i cili do të formojë Qeverinë e ardhshme pro-evropiane

Kryetari i LSDM-së, Dimitar Kovaçeski së bashku me partnerët e koalicionit ka nënshkruar marrëveshjen me të cilën formohet koalicioni parazgjedhor “Koalicioni për të Ardhmen Evropiane”.

Koalicioni u nënshkrua nga LSDM, PESD, LSDP, Partia për Lëvizjen e Turqve, Partia e Pensionerëve, RDM, OBRM-Popullore, Lidhja Demokratike e Vllehëve në Maqedoni, POEN, Lidhja e Romëve në Maqedoni, “E Djathta”, Partia për Prosperitet Demokratik të Romëve, SDA dhe Lidhja e Re Republikane.

Nga LSDM thonë se “Koalicioni për të ardhmen evropiane” tërësisht është e përkushtuar për rrugën evropiane dhe ka plan të qartë për një standard evropian.

Nga atje shtojnë se koalicioni përkushtohet për një jetë më të mirë për qytetarët, rritje ekonomike dhe zhvillim nëpërmes investimeve të huaja kapitale direkte dhe përmes kompanive vendore.

Mashtrohet 73-vjeçari në sheshin “Maqedonia” në Shkup, dy persona i marrin 800 euro në këmbim i japin diamant, më vonë e kupton se ishin bizhuteri

Me datë 26.03.2024 në ora 14:30 në SPB Kumanovë, një 73 vjeçar nga Kumanova ka raportuar se në sheshin “Maqedonia” në Shkup është mashtruar nga dy persona për shumën prej 800 euro.

Sipas kallëzimit, personat i kanë thënë se kanë pasur një aksident trafiku dhe se paratë u duheshin për të shkuar te mjeku dhe në këmbim do t’i jepnin diamante dhe pasi të mbaronin do të ktheheshin dhe do i jepnin paratë.

Ai ka swaruar ua dha paratë dhe ata i dhanë bizhuteri që më vonë përcaktoi se ishin bizhuteri kostumesh. Gjithashtu, sipas kallëzimit, personat nuk janë kthyer, pas çka ka kuptuar se është mashtruar. Po merren masa për zbardhjen e rastit.

Shqiptarët u shkarkuan që ditën e parë, por Angellov a do të mund ti shpëtojë Qeveris nga shkarkimi?!

Sa herë që bëhej ndonjë defekt në ura, Stojançe Angellov, drejtor në Qendrën për Menaxhim me kriza menjëherë dilte në vendin e ngjarjes. Para katër muajve doli te ura në Vizbeg dhe pastroi gurët, e nuk la pa vizituar edhe personat që u sulmuan nga arushat.

,Por kjo “aventurë” në QMK pritet të mbarojë, pasi me gjasa do të shkarkohet për shkak se dha dorëheqje nga koalicioni me LSDM-ja për të kaluar në VMRO-DPMNE. Përpara mediave tha se ka raport të mirë më kryeministrin teknik Talat Xhaferi dhe se do ta respektojë çdo vendim që del nga Qeveria.

“Për hir të së vërtetës mbrëmë KM Talat Xhaferi, dje pasdite mu paraqit në telefon, folëm dhe më informoi për qëllimin e tij se do të ngre iniciativë për shkarkimin tim. Unë këtë e pranoj dhe nuk do të kundërshtoj bëhet fjalë për një hap politik, marr parasysh se po e lëshojmë koalicionin qeverisës. Nëse qeveria e pranon propozimin e Xhaferit se duhet të dorëzohem, unë pa kundërshtim do ta pranoj vendimin”, tha Stojançe Angellov – drejtor i QMK-së.

Por nëse e shkarkojnë nga pozita drejtor i QMK për çfarë do t’i vijë keq?

“Për asgjë nuk më vjen keq, sepse kuptohet se në momente të bukura kur isha drejtor në QMK kishte shumë stres dhe punë sepse nuk pashë ditë të bardhë. Për fat të keq të gjitha punët e pakëndshme dhe fatkeqësi ndodhnin përgjatë vikendit ose orët e pasditës”, pohoi Stojançe Angellov – drejtor i QMK-së.

Nga Qeveria për TV21 konfirmojnë se Qeveria ka vendosur që në seancën e radhës të sjellë vendim lidhur me shkarkimin e Angellovit.

Ndërkaq kështu nuk u shpreh në Facebook duke komentuar disa tituj të portaleve se “një komandant i UÇK-së do ta shkarkojë një gjeneral të forcave të sigurisë”. Ai ka theksuar se sado që nuk i pëlqen dikujt, përfshirë edhe atë vetë, është fakt i pamohueshëm se ish-komandant Forina nga UÇK-ja është sot kryetar legjitim i Qeverisë së Maqedonisë.

Ndryshe Talat Xhaferi më herët shkarkoi dy ministrat Azir Aliun dhe Fatmir Mexhitin, për shkak se u rreshtuan në opozitë.

Mickoski për partitë që dalin nga pushteti: Kemi marrëveshje parimore për paraqitje në zgjedhjet parlamentare, në bazë të së cilës do të funnksionojmë si qeveri e ardhshme

Kemi marrëveshje të përbashkët parimore për paraqitje në zgjedhjet parlamentare dhe presim më tej, në bazë të kësaj marrëveshjeje, të funksionojmë si qeveri e ardhshme, tha sot kryetari i VMRO-DPMNE-së, Hristijan Mickoski, duke e komentuar kalimin e disa nga partnerët e deritanishëm qeveritarë në opozitë.

Ai përmendi se nuk mund në emër të tyre të thotë se pse kanë vedosur për hap të tillë, edhe pse, siç tha, do të donte që shkaku për këtë “të jetë programi zgjedhor i VMRO-DPMNE-së”.

“Këtë pyetje duhet t’ua parashtorni atyre, nuk mund në emër të tyre të përgjigjem. Ne kemi marrëveshje parimore për paraqitje në zgjedhjet e ardhshme parlamentare dhe presim që në të ardhmen, në bazë të kësaj marrëveshjeje, të funksionojë qeveria e ardhshme. Rreth motivit dhe shkakut, do të doja të ishte programi i ynë zgjedhor”, tha mes tjerash Mickoski, duke iu përgjigjur pyetjes së gazetarëve pas takimit me udhëheqësinë në Odën eekonomike të Maqedonisë.

Sipas tij, koalicionimi i BDI-së me parti tjera politike, “do të jetë një manovër e pasuksesshme politike”.

“BDI-ja duhet të japë përgjigje pse e bën këtë. Nëse më pyesni mua, mendoj se po tentopjnë të bëjnë manovër të hapësirës politike, me çka do të zbusin humbjen në zgjedhjet e ardhshme nga ana e opozitës së konsoliduar, thënë kushtimisht, shqiptare. Nuk mendoj se ky hap do të jetë i suksesshëm, duke marrë parasysh personat që iu bashkuan atij koaliconi, por koha dhe votuesit do të japin përgjigje për këto dilema”, tha Mickoski.

Aksion qytetarë kundër BDI-së në Kumanovë / “Luaj-Fito-Emigro-BDI, “Poshtë BDI”, “Boll Mo”

Qytetarë të Kumanovës kanë zhvilluar një aksion kundër Bashkimit Demokratik për Integrim.
Ata në shumë vende të qytetit, kanë shfaqur mbishkrime kundër qeverisjes së BDI-së.

“Luaj-Fito-Emigro-BDI, “Poshtë BDI”, “Boll Mo”, janë vetëm disa nga mbishkrimet e shënuara nëpër vende të ndryshime, e që në vete ngërthejnë mllefin e akumuluar të qytetarëve kundër qeverisjes së BDI-së.
Dihet se pikërisht qyteti dhe rajoni i Kumanovës janë më të diskriminuar dhe të lënë anash nga BDI-ja ku dhe shpërngulja e qytetarëve është në numër masiv.

“Po shkunden plakat”, qytetarët për ndryshimin e motit

Ndryshimi i temperaturave brenda ditësh, reshjet e shiut dhe borës që përfshinë disa pjesë të vendit, të moshuarit i përshkruajnë me një fjali “Po shkunden plakat”. Kjo gojëdhënë e përcjellë gjeneratë pas gjenerate kujtohet çdo pranverë në fund të muajit mars, kur moti pëson ndryshime të mëdha.

“Koha në pranverë, se ato plakat janë, tash koha është, ato plakat e bëjnë dimër, i kanë tre ditë që ja ka marr (shkurtit), edhe për shkak të asaj i dërgon ato adetet, për këtë koha ndryshon… Muhabeti i plakave, ajo kishte qenë një plakë që ka nxjerrë dhi dhe dele në bjeshkë edhe thot krejt i kam, Zotit i thotë, ty nuk ta kam, edhe Zoti ja dërgon një furtunë (kijametin) edhe ja zhduk bagëtinë. Tre ditë e bën atë borën, kijametin. Edhe në atë kohë ka mbet, akoma ato adete i çon ajo”, tha një qytetare.
Ndryshimi drastik i motit ndikon ndaj shëndetit. Një pjesë e qytetarëve ankohen se për shkak të motit të ndryshueshëm po përballen me probleme shëndetësore.

“Kokëdhimbje, humbje të vetëdijes, por edhe vitet e bëjnë të vetën”, u shpreh një tjetër qytetare.

Nga ndihma e shpejtë thonë se gjatë kësaj periudhe ka pasur rritje të thirrjeve për ndihmë. Mjekët rekomandojnë konsum të shtuar të ujit, frutave dhe perimeve.

“Numri i thirrjeve normal është rrit, zakonisht kemi më shumë persona që kërkojnë ndihmë kur kanë probleme me vështirësitë në frymëmarrje duke e ditur që ndryshimi I temperaturave ndikon zakonisht te personat me sëmundje në sistemin kardiovaskularë, të tipit me tension të lartë…Ne mjekët rekomandojmë që këta persona zakonisht të marin terapinë paraprakisht duke e matur tensionin, sidomos ata me tension të lartë”, deklaroi Rihad Rexhep , Ndihma e Shpejtë.

Ndërkohë sipas sinoptikëve temperatura të ulëta nuk do të ketë më. Në fundjavë temperaturat do të jenë verore, pasi pritet të arrijnë deri në 28 gradë celsius.

“Reshjet do të vazhdojnë edhe nesër, në orët e mëngjesit dhe të paradites, megjithatë kjo valë e lagështisë do të kalojë shumë shpejt, kështu që prej pasdite do të kemi përmirësim të motit dhe ulje të vranësirave… Prej të premten dhe në ditët e fundjavës do të kemi mot të qëndrueshëm, me diell dhe ngrohtë. Të shtunën dhe të dielën me temperaturë ditore deri në 28 gradë”, tha Juliana Fidanoska Mishkoska, sinoptikane.

Sipas analizave të fundit të temperaturat këtë pranverë do të jenë më të larta se të zakonshmet për këtë periudhë të vitit, por nuk do të mungojnë edhe reshjet e shumta të shiut. /Alsat.mk

VIDEO/Aksident tragjik në Turqi, humbin jetën 6 anëtarë të një familjeje

Një aksident i rëndë ka ndodhur në Turqi, ku gjashtë anëtarë të një familjeje humbën jetën në Hatay. Kamerat e sigurisë në zonë kanë kapur momentin e aksidentit tragjik.

Momenti i një aksidenti tragjik në Turqi, ku humbën jetën gjashtë anëtarë të një familjeje, është kapur nga një kamera sigurie.

Në videon e publikuar nga mediat turke, shihet kamioni që përplasi makinën e familjes, duke kaluar në drejtim të kundërt dhe duke u përplasur me mjetin.

Aksidenti i rëndë u shënua pasditen e së martës në rrugën Dörtyol-Payas në Hatay. Drejtuesi i kamionit është arrestuar.

FOTO/ Historia e 83-vjeçarit nga Italia që jetoi për 9 muaj në aeroport prek zemrën e të gjithëve! Çfarë ndodhi me të

Historia e një italiani që kaloi nëntë muaj duke jetuar në një aeroport mund të tingëllojë paksa si komploti i filmit të vitit 2004 The Terminal.Por ndryshe nga personazhi kryesor i Tom Hanks, i cili ngec në një aeroport për shkak të luftës civile dhe një problemi me pasaportën, 83-vjeçari Arnaldo ngriti kampin në një sallë pritjeje check-in si rezultat i krizës së kostos së jetesës në Itali .Arnaldo u transferua në aeroportin Marconi në Bolonja korrikun e kaluar kur nuk mund të përballonte më qiranë.Me origjinë nga Siçilia, një ishull në brigjet jugore të Italisë, Arnaldo kishte jetuar në Bastiglia, një qytet afër Modenës në veri të vendit.Megjithatë, pensionisti filloi të kishte vështirësi vitin e kaluar, kur pensioni nuk ishte më i mjaftueshëm për të mbuluar qiranë e tij. Një dhomë teke në Bastiglia kushtojnë rreth 400 euro në muaj.Arnaldo fjeti jashtë për pak kohë, por shpejt moti i keq e detyroi të gjente një vend për t’u strehuar. Ai u shfaq në zonën e kontrollit të aeroportit me një valixhe të vetme.Arnaldo tha se ai kurrë nuk donte të ishte i bezdisshëm.

Prezenca e tij tërhoqi shumë shpejt vëmendjen e stafit të aeroportit, të cilët nisën t’i sillnin ushqim dhe kafe. Një anëtar i stafit i bleu një thes gjumi dhe punëtorët nga stendina e gazetave të aeroportit i dhanë një gazetë për ta lexuar çdo ditë.Më pas mediat filluan të raportojnë për situatën e Arnaldos. Autoritetet lokale thanë se nuk ishin në dijeni të kushteve të jetesës së 83-vjeçarit derisa lexuan raportet e mediave.Këshilltari i Bolonjës për Mirëqenien, Luca Rizzo Nervo tha se i vinte keq që autoritetet mësuan për rastin e Arnaldos në këtë mënyrë.Bashkia e Bolonjës tani ka ndërhyrë, duke i siguruar Arnaldo akomodimin në hotel ndërsa ata i gjejnë një shtëpi të re.Kushtet e jetesës së Arnaldos pushtuan zemrat e italianëve.Arnaldo është një nga shumë italianët që po luftojnë për t’ia dalë mbanë mes çmimeve në rritje.

Instituti Kombëtar i Statistikave të Italisë thotë se një në 12 njerëz në vend jeton në varfëri absolute. Kjo ka shtyrë shumë të dalin në rrugë. Në vitin 2023, të pastrehët në Itali u rritën me 6.8% krahasuar me një vit më parë. Kriza e kostos së jetesës së vendit është një nga më të këqijat në Evropën Perëndimore.Sipas një sondazhi të YouGov të vitit 2022, 82% e italianëve ishin të pakënaqur me mënyrën se si qeveria e tyre po trajtonte krizën e kostos së jetesës.Kush tjetër ka jetuar në një aeroport?

Ndërsa zgjidhja e Arnaldo për rritjen e kostove të jetesës mund të duket e pazakontë, ai nuk është personi i parë që jetoi në aeroport për një periudhë të gjatë.Mehran Karimi Nasseri, njeriu historia e të cilit frymëzoi filmin The Terminal, kaloi 18 vjet duke jetuar në sallën e nisjeve të aeroportit Charles de Gaulle në Paris.Në gusht 1988, Nasseri me origjinë iraniane u përpoq të udhëtonte nga Franca në Londër, por ai u refuzua sepse nuk kishte pasaportë. Nasseri tha se letrat e tij ishin vjedhur.Ai u kthye në Francë ku u ndalua në aeroport. Pavarësisht disa përpjekjeve për të siguruar dokumentet e tij, Nasseri nuk mundi të largohej nga aeroporti. Ai i kaloi ditët e tij duke shkruar në ditar dhe duke ngrënë McDonald’s.Në vitin 2006, Nasseri u shtrua në spital dhe në mungesë të tij u çmontua vendi ku jetonte në aeroport. Atij iu ofrua strehim në Paris, ku qëndroi deri në vdekjen e tij në 2022.Gary Peter Austin, një ish-kalorator nga Britania e Madhe, mbeti i bllokuar në Filipine në dhjetor 2013 pasi iu tha se e-Bileta e tij për fluturimin në shtëpi ishte anuluar. Austin nuk kishte para për të blerë një biletë tjetër për në shtëpi. 52-vjeçari kaloi 23 ditë i bllokuar në Aeroportin Ndërkombëtar Ninoy Aquino.

Një pastruese në aeroport i erdhi keq dhe i solli ushqim. Përfundimisht, Ambasada Britanike e ndihmoi të rezervonte një fluturim për në shtëpi. Një japonez i quajtur Hiroshi Nohara jetoi pothuajse katër muaj në Aeroportin Ndërkombëtar Benito Juarez në Mexico City në 2008.Nohara shpejt u bë një personazh i famshëm vendas. Zinxhirët e ushqimit të shpejtë në aeroport i dhanë atij ushqim dhe bluza të markave, dhe njerëzit u shfaqën për të bërë foto me banorin e ri të aeroportit.Nohara nuk pranoi të tregojë pse qëndroi kaq gjatë në aeroport. Ai nuk kishte asnjë problem me vizën apo dokumentacionin.

Në fund të dhjetorit, Nohara u largua nga aeroporti për të qëndruar me një grua që e ftoi atë në apartamentin e saj në Mexico City. Gruaja, e njohur si Oyuki, jetonte vetëm në Mexico City dhe burri i saj punonte në Japoni.Megjithatë, në janar, ai u largua me nxitim nga vendi duke mbajtur tre qese plastike të mbushura me rroba. Ai nuk dha asnjë shpjegim të mëtejshëm për gazetarët.

Aksident tragjik në Gjermani, autobusi me pasagjerë del nga rruga, vdesin 5 persona

Pesë persona kanë mbetur të vdekur pas aksidentit të një autobusi në Gjermani.

Aksidenti ka ndodhur në utostradën A9 pranë Leipzigut rreth orës 09:45 dhe kur autobusi i nisur nga Berlini për në Zvicër doli nga rruga.

Ende nuk dihen shkaqet e aksidentit të rëndë. Helikopterët eshpëtimit dhe ambulancat shkuan në vendngjarje.

Në autobus ndodheshin 53 pasagjerë dhe 2 shoferë. Policia po punon për zbardhjen e shkaqeve të aksidentit.

Mickoski: Nuk do të bëjmë kthimin e TVSH-së për kompani me deklarata të rreme doganore

Kreu i VMRO-DPMNE-së, Hristijan Mickoski tha se në programin e partisë planifikojnë që tatimin e sheshtë prej 10 për qind, ta ulin në 8 për qind. Mickoski tha se në rast se vijnë në pushtet, do të shtojnë kontrollet për gjendjen e fiskalizimit.

“Po, për tatimin e sheshtë prej 10%, planifikojmë të ulet në të ardhmen, deri në 8%, këtë e kemi thënë. Si mendoj, ja masa e parë do të jetë, nuk do të bëjmë kthimin e TVSH-së për kompani me deklarata të rreme doganore prej multimilionave. Fillimisht aty do të nisim. E dyta, do të bëjmë analizë në të gjithë territorin e Maqedonisë, ku zbatohet fiskalizimi pas gjithë kësaj kohe dhe ku nuk zbatohet dhe disa politika tjera që planifikojmë seriozisht t’i zbatojmë dhe besoni nuk bëjmë shakat”, tha Mickoski.