Përse të gjithë i janë vërsulur Ivanka Trump-it pas publikimit të fotos me të birin, çfarë ka që nuk shkon në këtë mes?

Ditën e djeshme, vajza e presidentit të Shteteve të Bashkuara të Amerikës, Ivanka Trump postoi këtë foto në Twitter ku në krahë mban dajlin e saj të vogël, 2-vjeçarin Theodore.

Mirëpo kaq ka mjaftuar që në adresë të saj të vërshojnë me qindra komente negative. Ç’të keqe mund të ketë këtu?

Epo, në momentin që flasim, në kufirin amerikano-jugor nënat po ndahen nga fëmijët prej agjencisë së emigracionit, ICE.

Me urdhër të administratës së Trump, prindërit që kapen duke kaluar kufirin ilegalisht me fëmijët, do të ndahen nga prej tyre. Sado tronditëse të duket, ICE e zbatoi këtë urdhër dhe nga gjithë fëmijët që u ndanë nga prindërit, 1475 nuk dihet ku janë.

Mijëra prindër nuk dinë ku i kanë fëmijët, a janë mirë apo a do t’i shohin më? Arsyeja pse njerëzit janë të nevrikosur është më e qartë tani.

Ivanka ka në krahë të birin dhe e di që asgjë e keqe s’do t’i ndodhë. Komediani Patton Oswalt shkruan:

“A s’është gjëja më e mirë në botë të përkëdhelësh të voglin tënd. Të dish ekzaktësisht ku është, i sigurt në krahët e tu? A s’është gjëja më e mirë në botë. Apo jo Ivanka? Apo jo?”

Ndërkohë nuk munguan as komentet e njerërzve të thjeshtë të cilët shkruan në adresë të saj : ”Ti ke tre fëmijë, po ashtu dhe unë.

Imagjino sikur një oficer i ICE të të marrë fëmijën dhe ti s’e sheh më kurrë. Kjo po ndodh falë politikave të babait tënd. Bëj diçka.”