23 Maj - Finalja e edicionit të 21 të Kupës së Maqedonisë, mes Shkëndisë dhe Teteksit, është përcaktuar për ditën e diel me fillim në ora 20:00. Kjo ndeshje do të luhet pa prezencën e publikut.

“Njihemi shumë mirë me lojtarët e Teteksit dhe kemi një respekt të madh për ata, sepse jemi shokë mes vete. Presim një lojë shumë të fortë në terren, si dhe korrektësi në tribunat e stadiumit. Dëshirojmë ta fitojmë Kupën e Maqedonisë, pasi më herët kemi fituar kampionatin dhe superkupën, por ky trofe na mungon në vitrinat e klubit. Ky trofe për ne dhe 'Ballistët' ka mbetur si pikë në zemër, prandaj dëshirojmë ta fitojmë. Në fund të fundit le të fitojë më i miri, por shpresoj të jemi ne ata që do të gëzohemi në fund”, tha kapiteni i Shkëndijës, Muhamed Useini.

Jose Mourinho nuk do të jetë më trajner i Realit të Madridit, pasi presidenti i klubit, Florentino Perez, lajmëroi pasditen e së hënës se me vullnetin e të dyja palëve, kontrata që e lidhte trajnerin me klubin ndërpritet.