Shkolla e Mesme Islame “Medreseja Isa Beu” paralelja e vajzave në Tetovë organizoi ekspozitën tradicionale “Artet e Bukura” ku u prezentuan një sërë punimesh artistike të nxënëseve të Medresesë.Ky aktivitet filloi me këndimin kuranor nga nxënësja Semra Alili.Ndërkohë, të pranishmëve ju drejtuar administratorja e Medresesë profesoresha Barije Shabani. Ndërkohë, fjalime mbajtën drejtori i Medrsesë Islam Islami dhe myftiu i Tetovës Selver Xhemaili. Deklarata Selver Ndërkaq, kryetari i Bashkësisë Fetare Islame Shaqir Efendi Fetai, u drejtua me disa këshilla në ekspozitën tradicionale “Artet e Bukura” që organizohet nga Shkolla e Mesme Islame “Medreseja Isa Beu” paralelja e vajzave në TetovëDeklarata Shkolla e Mesme Islame “Medreseja Isa Beu” paralelja e vajzave në Tetovë në bashkëpunim me Myftininë e Tetovës poashtu organizoi manifestimin tradicional me recitale dhe ilahije nën titullin MUHAMEDI A.S SIMBOL I MORALIT.Nxënëset e Medresesë performuan  përpara të pranishmëve. Këtë manifestim me prezencën e tyre e nderuan struktura më të larta të BFI-së.TV KOHA

Dhunë në familje, probleme me shëndetin mendor, shpërfillje në shkollë dhe shoqëri, e madje 10 telefonata me paramendim për vetëvrasje. Këto janë vetëm disa nga 307 denoncimet që të miturit, posaçërisht të moshës 13 deri në 15 vjeç kanë shprehur gjatë vitit 2023 në linjën telefonike 24 orëshe të Ambasadës së parë të fëmijëve “Megjashi”. Psikologët apelojnë të flitet hapur për këto çështje, pasi sipas tyre, ato mundë të jenë shqetësime të përkohshme.“Është shumë e rëndësishme të flasim hapur. Është një mit që nëse flasim për vetëvrasje do ta nxisim atë, përkundrazi në këtë mënyrë thyejmë tabunë, duhet te flasim. Ndoshta jo të gjithë dëshirojnë të mos jetojnë, kjo mundë të jetë momentale ose si zgjidhje e vetme. Përmes bisedës i ndihmojmë të sheh edhe mundësitë e tjera se ajo të zgjidhet”, deklaroi Jordanka Trajkoska, psikologe.Sipas drejtuesve të Megjash-it, sistemi shkollor duhet të jetë edhe edukativ dhe i aftë të zbulojë fëmijët me probleme të ndryshme.“Gjashtë deri në tetë orë fëmijët janë në shkollë, ato janë 200 ditë në vit. Nëse këtu nuk dallohen devijime të caktuara në sjelljen e fëmijës atëherë ne fëmijën e kemi të humbur. Prindi nuk ka plotësuar mjaftueshëm përgjegjësinë prindërore, jo çdo prind ka kapacitet të dallojë sjelljet jo të duhura të fëmijëve. Fëmija përsërit rastet dhe i përcjell në shkollë, këtu nuk ka korrigjues dhe thjesht fëmija mbetet në rrugë”, u shpreh Dragi Zmijanac, nga Ambasada “Megjashi”.Sipas grupmoshës, shumica e denoncimeve kanë të bëjnë me fëmijët e moshës 13 deri në 15 vjeç, pastaj 10 deri në 12 vjeç dhe 7 deri në 9 vjeç. Sipas ambientit të banimit, numri më i madh i fëmijëve jetojnë në një mjedis urban ndërkohë që numri i telefonuesve nga zonat rurale, si në vitet e kaluara, mbetet shumë i vogël. Sa i përket përkatësisë etnike, 230 nga numri i përgjithshëm janë maqedonas, 14 romë dhe 33 janë shqiptarë. Raporti “Alo Bushavko”, përfshinë periudhën nga 1 janar deri më 31 dhjetor 2023, për problemet që lidhen me të drejtën, mbrojtjen nga dhuna, të drejtën për arsimim dhe të drejtën e aksesit në institucione të tjera.TV KOHA

Sot, kandidati për President Arben Taravari zhvilloi vizitë të rëndësishëm në qytetin e Strugës, ku u diskutua problematika të ndryshme të komunitetit, duke filluar nga punëtorët shëndetësor deri tek qytetarët.

Gjatë takimeve, u përball me shqetësimet e qytetarëve në lidhje me shëndetësinë, e në veçanti me bixhozin dhe praktikat e dëmshme të bankave të shpejta.

Taravari shprehi zotimin për të ndaluar këto dukuri negative dhe për të gjetur zgjidhje që do të përmirësojnë jetën e qytetarëve në Maqedoninë e Veriut.

“Sot patëm një vizitë qytetit të Strugës dhe vendbanimeve në Strugë. Takimin e fillova me kolegët, mjek të Strugës me të cilët bashkëbiseduam për programin e VLEN për Shëndetësi, si i shohin ato problemet, si mund të përmirësohen dhe si mund të gjendet zgjidhje për Shëndetësinë në Republikën e Maqedonisë së Veriut. Mandej vazhduam takime me qytetarët, bizneset e vogla dhe të mesme në zonën e Strugës. Isha dëshmitar i numrit të madh të kazinove në Strugë, si dhe bankave për kredi të shpejta, dhe sa e dëmton kjo ekonominë e qytetarëve të Strugës. Ne si koalicion VLEN në qeverinë e ardhshme menjëherë do të marrim masa urgjente që të ndalohet bixhozi në Maqedoni të Veriut si ndodhi në Kosovë, por gjithashtu të ndalim edhe punën e bankave të shpejta të cilat bëjnë dëm të madh në buxhetin e qytetarëve. Gjithashtu do ta ndihmojmë seriozisht edhe qytetarët të cilët kanë borxhe këtyre bankave, këto borxhe të mbulohen nga shteti apo qeveria.”

Kandidati për president nga radhët e Frontit Europian, Bujar Osmani ka njoftuar se sot do të pezullojë aktivitetet e tij në kuadër të fushatës për zgjedhjet presidenciale. Osmani njofton se kjo është bërë për arsye shëndetësore në familje.
“Të nderuar mbështetës, Për arsye shëndetësore në familje, do pezulloj aktivitetet e ditës së sotme në fushatë. Shpresoj të jem bashkë me Ju në tubimin qëndror sonte nëse gjithçka do jetë në rregull. Ju faleminderit për mirëkuptimin!”, ka shkruar Osmani.

Kandidati për president i koalicionit VLEN, Arben Taravari, është zotuar se nëse fiton garën presidenciale, nga pozita e kryetarit të shtetit, do të ndërmerr hapa konkret për zgjidhjen e rasteve të montuara politike dhe për rikthimin e besimit të qytetarëve në sistemin e drejtësisë.

Këtë javë, janë bërë 12 vjet nga montimi i rastit Monstra në lidhje me  vrasjen e pesëfishtë në liqenin e Smillkovës. Për këtë vepër të fabrikuar nga strukturat parapolitike, pesë shqiptarë të pafajshëm janë dënuar me burgim të përjetshëm ose me dënim maksimal. Nga ana e pushtetit, ky përvjetor u trajtua si të gjithë të tjerët: me heshtjen që e karakterizon faji.

Monstra, Sopoti, Brodeci, Alfa, Lagja e Trimave dhe të tjera, janë që të gjitha emra që na e kujtojnë një plagë të hapur në shoqërinë tonë, atë të drejtësisë selektive që e shtyp shqiptarin. Ky sistem i padrejtësisë e ka bërë shqiptarin mish për top, për të qeruar hesape politike apo për të shtyrë përpara agjenda shoviniste saherë që dikujt i rrezikohet pushteti.

Drejtësia selektive në rastet e montuara politike por edhe pandëshkueshmëria në rritje pas ndryshimit të Kodit Penal, na kanë sjellur në një gjendje ku vetëm 2% e qytetarëve i besojnë drejtësisë.

Unë si President i Republikës, do të ndërmarr hapa konkret për zgjidhjen e rasteve të montuara politike dhe për rikthimin e besimit të qytetarëve në sistemin e drejtësisë.

Me koalicionin VLEN, do të kemi si top prioritet ngritjen e një gjyqësori të pavarur, efektiv dhe të drejtë, ku askush nuk do të jetë mbi ligjin dhe askush nuk do të shtypet për shkak të përkatësisë kombëtare.

VLEN zotohet për krijimin e një trupe të përkohshme ekspertësh perëndimorë, kryesisht nga vendet evropiane, që do të integrohen në këshillat prokuroriale e gjyqësore të Maqedonisë së Veriut për një mandat gjashtëvjeçar. Kjo trupë do të monitorojnë punën e gjyqtarëve dhe prokurorëve vendas. Por ata do të kontribuojnë edhe vetë si gjyqtarë e prokurorë.

Do të shtyjmë përpara ligjin për vetingun e gjyqtarëve dhe prokurorëve dhe do të reformojmë në tërësi sistemin për zgjedhjen, avancimin, disiplinimin dhe shkarkimin e gjyqtarëve dhe prokurorëve publik.

Pas plebishit popullor të 24 prillit dhe 8 majit, në sistemin tonë të drejtësisë, nuk do të ketë më vend për gjyqtarë dhe prokurorë të korruptuar dhe me mendësi jugosllave.

VLEN do të bëjë evropianizimin e sistemit të drejtësisë, si kusht i domosdoshëm për të ndalur epideminë e korrupsionit dhe drejtësinë selektive. Ne mund të bëhemi vend anëtar i BE-së vetëm atëherë kur Gjykata e Tetovës dhe e Shkupit të jenë po aq të besueshme sa Gjykata e Berlinit apo Bonnit. Rrugë tjetër nuk ka.

Me ardhjen e VLEN në pushtet, të gjitha viktimat e rasteve të montuara do të lirohen dhe do të dëmshpërblehen.

Ndryshimi ka nisur dhe nuk ka të ndalur. Drejtësia VLEN sepse ajo është parakusht për shoqëri inkluzive, për demokracinë dhe për zhvillimin ekonomik.

Tani po ia kaloj fjalën z. Sabri Aziri, familjar i Haki Azirit dhe Fejzi Aziri, dy nga shqiptarët e dënuar padrejtësisht me 9 dhe 15 vjet burg në rastin Monstra.

As premtimi i ministrit të Shëndetësisë se do ta zgjidh problemin, nuk i bindi specializantët privat që ta ndërpresin grevën. Ata e vazhduan grevën mëngjesin e të martës, të cilën  e filluan të hënën. Specializantët privat thonë se nuk do ta ndalojnë grevën derisa Ministria e Shëndetësisë të dalë me vendim dhe derisa vendimi të kaloj në seancë qeveritare. Varësisht se si do të jetë vendimi i Qeverisë, thonë se do të vendosin se çfarë do të ndërmarrin më tutje.

Hristina Ilioska-Çeshlaoska, specializante private në mjekësinë interne

“E vazhdojmë grevën derisa vendimi të kaloj në seancë të Qeverisë dhe derisa Ministria e Shëndetësisë të dalë me njoftim zyrtar se çfarë është vendosur në atë seancë të Qeverisë dhe më pas me të gjithë kolegët, do të vendosim se cilat do të jenë hapat e ardhshëm”.

Ajo përsëriti se edhe para një muaji Demiri u premtoi se ai ka mirëkuptim për problemet e specilizantëve, por se ata deri ato kërkesa nuk janë propozuar në seancë të Qeverisë.

Një ditë më parë specializantët privat realizuan takim me ministrin e Shëndetësisë Ilir Demirin, zëvendës ministren Maja Manoleva dhe këshilltaren e kryeministrit për çështje shëndetësore Ana Daneva Markova. Në takim u është thënë se lidhur me kërkesat e tyre për rritjen e kontributeve do të ketë informcione në formë të shkruar pas seancës së Qeverisë.

Ndërkaq, ministri Demiri dyshon se greva e specializantëve privat ka prapavijë politike. Në mesin e kërkesave të speializantëve janë rritja e pagave, pagesa e sigurimeve shëndetësore si dhe rregullimi i statusit të punës. Emine Ismaili Luzha /SHENJA/

Posta e Maqedonisë në prag të egzistencës. Kreu i sindikatës Boro Veligdenov në një konferencë për media para Qeverisë, tha se mbi 2 000 vende pune janë në pyetje. Veligdenov thotë se Sindikata do ta përgatisë sistematizimin dhe do t’ia dorëzojë qeverisë së ardhshme, duke insistuar që qeveria ta shqyrtojë urgjentisht si një zgjidhje fillestare për situatën e Postës.

Boro Veligdenov, Kreu i Sindikatës

“Të gjitha anomalitë dhe problemet në operim do të tejkalohen me sistematizim dhe do të pozicionohemi në treg,  gjegjësisht do t’ua kthejmë qytetarëve Postën e Maqedonisë me dërgesa të rregullta dhe me kohë të dërgesave. Ka punëtorë që nuk vijnë në punë, ka punëtorë që vijnë dhe nuk e dinë se çfarë janë punët e tyre, prandaj ky sistematizim i ri është – për të nxitur produktivitetin në punë, dhe me këtë do të rrisim të ardhurat dhe do të jemi në gjendje të funksionojnë në mënyrë të pavarur si kompani”.

Kreu i sindikatës, theksoi se tashmë janë duke u konsultuar me anëtarësinë për organizimin e një proteste të re dhe fillimin e procedurës së grevës, meqënëse nuk kanë marrë përgjigje për kërkesat për takim me Bordin Drejtues dhe Qeverinë pas protestës së muajit të kaluar.

Ai në ndërkohë thotë se kushtet janë jashtëzakonisht të rënda dhe se gjendja financiare është alarmante.  “Si punonjës jemi të shqetësuar për vonesat e pagave. Dje kemi marrë rrogë, por kemi mbi 200 postierë të papaguar”,  shtoi Veligdenov.

Ai thotë se është e rëndësishme të mos vazhdohet me politikën e keqe kadrovike partiake që ka vite e vite dhe e ka sjellë Postën e Maqedonisë në prag të mbijetesës. Problemi kyç, sipas tij, është pikërisht sistemi.

Mbi të gjitha, Veligdenov thekson se qëllimi është përgaditja e një sistematizimi të ri sipas nevojave të kompanisë dhe tregut, dhe vëmendja e madhe në procesin teknologjik dhe përpunimin e dërgesave. /SHENJA/

Personat e paaftë dhe të sëmurë mund të regjistrohen për të votuar në zgjedhjet presidenciale të planifikuara për 24 prill deri në mesnatë.

Votuesi i cili nuk ka mundësi të votojë në vendvotim (i paaftë ose i sëmurë) dhe dëshiron të votojë për këtë e njofton KSHZ-në jo më vonë se 7 ditë para ditës së caktuar për votim, 16 prill ora 24:00, siç është shënuar në orarin e Komisionit Shtetëror të Zgjedhjeve.
KSHZ-ja informon se personat e paaftë apo të sëmurë votojnë në shtëpitë e tyre një ditë para ditës së caktuar për mbajtjen e zgjedhjeve.

“Këtë votim e bën këshilli zgjedhor përgjegjës për realizimin e votimit për vendvotimin ku bëjnë pjesë këta persona, më 23 prill (e martë)”, shkruan në procesverbalin e KSHZ-së.

Fushata për zgjedhjet presidenciale përfundon në mesnatën e 22 prillit.

Abuzimi politik i fëmijëve është i ndaluar me ligj! Sipas nenit 12, paragrafi 4 i Ligjit për Mbrojtjen e Fëmijëve: “Ndalohet keqpërdorimi i fëmijëve për shkak të organizimit dhe veprimit politik apo fetar”.

Ekipi monitorues i CIVIL-it ka konstatuar më shumë raste të keqtrajtimit të fëmijëve dhe të miturve gjatë fushatës zgjedhore sesa pothuajse të gjithë kandidatët në garën për president të Republikës së Maqedonisë së Veriut.

Abuzimi politik i fëmijëve është i ndaluar me ligj! Sipas nenit 12, paragrafi 4 i Ligjit për mbrojtjen e fëmijëve:

“Abuzimi i fëmijëve për shkak të organizimit dhe veprimit politik apo fetar është i ndaluar”.

CIVIL u kujton partive politike, prindërve, mediave dhe institucioneve se çdo fëmijë, pa përjashtim, ka të drejtën për një jetë dinjitoze dhe të gëzojë të gjitha të drejtat e përcaktuara në Deklaratën e të Drejtave të Fëmijëve dhe Ligjin për Mbrojtjen e Fëmijëve. Ata kanë të drejtën e një fëmijërie të pakujdesshme, të lirë nga ngjarjet e përditshme politike.

Vendi i fëmijëve është jashtë politikës! Partitë politike dhe mbështetësit e tyre duhet të kontribuojnë në mbrojtjen e fëmijëve dhe jo në abuzimin e tyre politik. Shteti dhe institucionet kanë detyrimin t’u sigurojnë fëmijëve zhvillim fizik, mendor, shpirtëror, moral dhe social, një mënyrë jetese të shëndetshme dhe normale në kushte lirie dhe dinjiteti!

CIVIL në vazhdimësi alarmon opinionin, institucionet, partitë politike dhe mediat për abuzimin e fëmijëve për qëllime politike dhe kërkon nga institucionet që të sanksionojnë të gjithë ata që në çfarëdo mënyre i përfshijnë fëmijët në politikë.

CIVIL kërkon nga institucionet që të marrin sanksione vendimtare ndaj kujtdo që përpiqet të vendosë fëmijët dhe të miturit në listën e tyre të aktiviteteve. Thjesht duhet të ndalet, menjëherë!

Kalendari për imunizimin e rregullt është përditësuar me vaksinën nëntëvalente HPV-Gardasil 9, e cila pas një muaji do të jetë në pikat e vaksinimit. Krahas faktit që po kalojmë nga një vaksinë katërvalente në një vaksinë nëntëvalente për HPV-në, risia e këtij viti është se do të jetë e disponueshme edhe për djemtë, deklaroi sot në një konferencë për media ministri i Shëndetësisë , Ilir Demiri. Ai theksoi se kjo vaksinë do të ofrojë parandalim më të mirë të infeksioneve nga virusi papilloma humane (HPV), lezionet prekanceroze, si kanceri i qafës së mitrës. Ministri Demiri, apeloi deri tek qytetarët që të pranojnë të gjitha vaksinat enevojshme, sepse siç tha, më mirë të bëhet parandalim, se sa kurim.Duke folur për vaksinimin, Demiri tha se planifikon të kërkojë ndryshime ligjore të cilat do të ndalonin regjistrimin në shkoll të fëmijëve të pavaksinuar.

“Megjithatë, nuk ka ligj që do të sanksiononte prindërit, të cilët nuk i vaksinojnë fëmijët e tyre. Këtu është kontradikta. 09:32 Prandaj, shfrytëzoj çdo mundësi që kam që t’u bëj thirrje që t’i vaksinojnë fëmijët e tyre. Shpresoj që pas zgjedhjeve do të përgatitit ndonjë kornizë ligjore që do të mundësojë sanksionimin e prindërvëe që nuk vaksinojnë fëmijët”, tha Ilir Demiri.